Qo‘qon davlat pedagogika instituti Informatika kafedrasi assistent-o‘qituvchisi, Phd xakimova Yoqutxon Toxirjon qizining “Ta’lim jarayonida virtual texnologiyalardan foydalanish” mavzusidagi ilmiy maqolasiga taqriz

Bugungi kunda dunyo bo’ylab axborot texnologiyalarining jadal rivojlanishi bilan birgalikda virtual texnologiyalarning ikki turi: virtual haqiqat (VR) va kengaytirilgan haqiqat (AR) ham jadal suratlar bilan rivojlanib kelmoqda. Virtual texnologiyalar turli sohalarda qo‘llaniladi va bu texnologiyaning imkoniyatlari anchagina keng ekanligini ko‘rishimiz mumkin. Virtual ta’lim nafaqat masofaviy, telekommunikatsiya ta’limi balki, “obyektlar va subyektlar orasidagi o‘zaro bog‘liqlik jarayoni va natijasidir”. Virtual ta’lim muhiti o‘quv jarayoni qatnashchilarini o‘zaro aloqada bo‘lishini ta’minlash uchun turli ta’lim manbalariga kirishga imkon beradigan, ochiq, kompyuterli muhit hisoblanadi. Virtual ta’lim muhitida virtual ta’lim texnologiyalaridan foydalaniladi. Virtual texnologiyalar maktabgacha ta’limdan tortib, maktab, kollej, universitet va tadqiqotchilar bo‘lgan deyarli barcha ta'lim darajalarini qamrab olishi mumkin. VR va o‘rganish o‘rtasidagi bog‘liqlik ko‘plab afzalliklarga ega. Masalan, tushunish qobiliyatini oshirish yoki xato qilishdan qo‘rqmasdan o‘rganish tajribasini maksimal darajada oshirish uchun talabalarni real muhitga olib kirish qobiliyatiga amaliy yordam beradi. Tibbiyot sohasida virtual texnologiyalar jarrohlik amaliyotiga muhtoj bo‘lgan to‘liq interaktiv “bemorlarni” yaratish imkonini beradi. VR bemorlarga insult yoki bosh jarohatidan keyin muvozanat va harakatchanlik muammolarini yengishga yordam beradi. Tadqiqotlarga ko‘ra, virtual texnologiyalardan foydalangan holda reabilitatsiya an’anaviy variantlarga qaraganda tezroq yaxshilanishga olib keladi.