Raqamli qurilmalarni loyihalash

Analogli sxemalar: Operatsion kuchaytirgich; Signal generatorlar; Filtrlar; Analogli ko‘paytirgich; Analogli attenuator va sozlovchi kuchaytirgich; Ta’minot bloklariga stabilizatorlar; Impulsli ta’minot manbalariga, impulsni boshqarish uchun mikrosxemalar; Signal o‘zgartirgich; Sinxronizatsiya sxemalari; Turli xildagi datchiklar (harorat va boshqalar).

Raqamli sxemalar: Mantiqiy elementlar; Triggerlar; Hisoblagichlar; Oraliq o‘zgartirgich; Xotira moduli; Shifratorlar; Deshifratorlar; Mikrokontrollerlar; Mikroprotsessorlar; PLIS-programmalashtirilgan mantiqiy integral mikrosxemalar.

Mikrosxemalarda energiya iste’molining kamayishi.Energiya iste’moli kamayishining sabablari raqamli elektronikada raqamli elektr signalining pasayishi hisoblanadi. Elektron qurilmalardagi faol elementlarga kelgan qaytadan tuziladigan signallarda tranzistorlar kalit vazifasini bajaradi. Yuqori darajadagi signal kelganda -1, signal kelmaganda -0, birinchi holatda kuchlanish tushishi bo‘lmaydi, ikkinchi holatda u orqali tok oqib o‘tmaydi. Ikki holatda ham energiya iste’moli 0 ga yaqin bo‘ladi. Analogli sxema nisbatan vaqtning katta qismi tranzistor oraliq holatda bo‘ladi. Yuqori xalaqitlarga bardoshliligi.Mikrosxemalar yuqori xalaqitlarga bardoshli (masalan, 2,5–5 V) va past xalaqitlarga bardoshli (masalan, 0–0,5 V) bo‘ladi. Yuqori xalaqit vaqtida xatolikni past yoki teskari qabul qilish mumkin. Bunday holatda raqamli sxemalarda maxsus kod qo‘llanilib, u xatolik signalini to‘g‘irlaydi.

Mikrosxema qatori.Analogli va raqamli mikrosxemalar turli qatorlarda ishlab chiqariladi. Qator – bu mikrosxemaning guruhi bo‘lib, u bitta tuzilishga ega. Texnologik bajarilishi va qo‘llanilishi birgalikda bo‘ladi. Mikrosxemaning guruhi bir xilda oziqlanishi, kirish va chiqish qarshiliklari, signal darajasi bir xilda bo‘lishi mumkin (o‘zgarmaydi). Mikrosxema tanasi. Mikrosxemalar ishlab chiqarishda ikki tuzilish variantiga ega: qobiqli va qobiqsiz. Qobiqsiz mikrosxemalar – bu yarimo‘tkazgichli kristall bo‘lib, montaj uchun mo‘ljallangan. U gibrid mikrosxema yoki mikrosborka deyiladi.Qobiqli mikrosxemaning tuzilish qismi tashqi xalaqitlardan himoyalaydi va uning oyoqchalari ketma-ket joylashtirilgan bo‘lib, elektr zanjirlarga ulanish uchun mo‘ljallangan. Turli xildagi mikrosxemalarni ishlab chiqarishda tanasi (gavdasi) standartlashtirilgan. Jumladan, Rossiyada mikrosxemaning chiqish oyoqchalarining oralig‘i 2,5 mm yoki 1,25 mm bo‘ladi. Yevropa davlatlarida dyuymda o‘lchanadi, 1/10 yoki 1/20 dyuym kattalikdan foydalaniladi, bu 2,54 mm va 1,28 mm ga to‘g‘ri keladi. Sirtqi montaj uchun ishlab chiqarilgan mikrosxemalar 0,8 mm; 0,65 mm va boshqa o‘lchamlarda bo‘lishi mumkin.