O‘ZBEKISTON RESPUBLIKASI
RAQAMLI TEXNOLOGIYALAR VAZIRLIGI
MUHAMMAD AL – XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
FARG‘ONA FILIALI
“Kompyuter injiniring” fakulteti
______________________________________ yo‘nalishi
__________ – guruh talabasi
_____________________________________________ ning
“Operatsion tizimlar”
fanidan tayyorlagan
AMALIY MASHG‘ULOT
ISHLARI
Topshirdi: _____________________________
Qabul qildi: O.I.Ergashev
Farg‘ona 2024
Amaliy mashg‘ulot № 1 Operatsion tizimlarni o‘rnatish
Ishning maqsadi: Kompyuterda dasturlarni boshqarish, resurslarni taqsimlash, fayllarni boshqarish, tarmoqni boshqarish va boshqa amaliyotlar uchun zarur bo‘lgan tizimni yaratishni ta'minlashdir. Tizimning samarali va barqaror ishlashini taminlash, ishchi protsesslarni boshqarish, axborotlar almashishni tizimga yo‘l qo‘yish va o‘zini yangilashni o‘rganish.
Nazariy qism
Bugun biz o‘z kompyuterimizga Windows OT ining 8.1 versiyasini o‘rnatishni ko‘rib chiqamiz. Bu usul Windows ning 7, 8, 8.1 va 10 versiyalari uchun bir xil hisoblanadi. Demak, boshladik. Buning uchun bizga Windows operatsion tizimi o‘rnatuvchi paketi fleshka disk yoki fleshka kerak bo‘ladi. Agar bular mavjud bo‘lmasa o‘zimiz o‘rnatuvchi paketni fleshka yozamiz va bu orqali o‘z kompyuterimizga Windows OT ini o‘rnatamiz. Bunda bizga Windows o‘rnatuvchi paketi (.iso kengaytmasida bo‘ladi) va rufus dasturi kerak bo‘ladi. Windows OT ining o‘rnatuvchi paketini biz Microsoft ning microsoft.com saytidan yoki o‘zimiz bilgan boshqa dasturlar saytidan ko‘chirib olishimiz mumkin.
ESLATMA!!! Windows OT ining o‘rnatiluvchi paketi hech qachon shunchaki fleshkaga nusxalash bilan yozilmaydi agarda siz uni uyingizga yoki biron joyga olib borib saqlab qo‘yish uchun yozmayotgan bo‘lsangiz.
1.1-rasm. Windows OT ning o‘rnatuvchi paketi Rufus dasturi
1.2-rasm. Rufus dasturining ko‘rinish.
Fleshkani kompyuterga ulaymiz va rufus dasturini ishga tushuramiz. So‘ng rufus dasturining quyidagi bo‘limlari haqida tushunchaga ega bo‘lamiz:
Ulangan fleshkamiz nomi va hajmini ko‘rsatadi (Windwos OT ining 7, 8, 8.1 va 10 versiyalaripaketini fleshkaga yozish uchun bizga fleshkaning hajmi 8 Gb dan kam bo‘lmagani kerak bo‘ladi);
Qanday turdagi sxema va interfeys orqali Windows OT ini kompyuterga yozish turini belgilanadigan bo‘lim (bu haqda keyingi mavzularimizda to‘liqroq ma’lumot berib o‘tamiz, bizga asosiysi qanday sxema va interfeysdan foydalanishni bilib olsak bas). Windows OT ini o‘rnatish uchun biz MBR sxemasi va BIOS yoki UEFI-CSM interfeysidan foydalanamiz;
Fayl tizimi ya’ni biz fleshkaga Windows OT paketini yozilganda qanday usulda yozilish kerakligini belgilaymiz. Bu fayl tizimi Windows uchun NTFS bo‘ladi (keyingi mavzularimizda bu haqda tushuntirib o‘tamiz);
Klaster o‘lchami yoki hajmi — bu ham standart Windows OT ini o‘rnatish uchun 4096 bayt bo‘ladi;
Fleshkamizning Windows OT ini o‘rnatuvchi paketi yozilgandan keyingi nomi qanday bo‘lishi shu yerda yoziladi;
Bu yerda formatlash sozlamalari keltirilgan.
Yuqoridagi barcha parametrlar siz Windows ning o‘rnatuvchi paketini tanlagan vaqtingiz avtomatik sozlanadi va u yerdagi hech narsani o‘zgartirish tavsiya etilmaydi.
1.3-rasm. Windows faylini yuklab olish jarayoni.
Bizda quyidagicha oyna ochiladi va biz oldindan ko‘chirib olgan Windows OT ining o‘rnatuvchi paketini tanlaymiz
1.4-rasm. Windows fleshkaga yuklanishi uchun start bosish jarayoni.
Bizda «fleshkamizda biron ma’lumot mavjud bo‘lsa u o‘chib ketishi» haqida ogohlantiruvchi oyna ochiladi. Albatta biz agar fleshkamizda kerakli ma’lumot mavjud bo‘lmasa «OK» tugmasini bosamiz.
Bizda quyidagicha «Готов» yozuvi chiqganda Windows OT ining o‘rnatiluvchi paketi yozilgan bo‘ladi.
Mana endi bizda Windows OT ni o‘rnatuvchi paketi yozilgan fleshkamiz mavjud. Endigi galda qiladigan ishimiz bu BIOS ni sozlash. Demak, siz bilan BIOS haqida gaplashamiz. “BIOS” termini IBM firmasi tomonidan kompyuter bilan mos bo‘lgan qurilmalarga nisbatan qo‘llaniladi. Boshqa firmalar tomonidan ishlab chiqarilgan kompyuter qurilmalarida “PROM” yoki “Boot” terminlari qo‘llaniladi.
Agarda siz sotib olgan noutbuk yoki kompyuteringizda windows belgisi bo‘lsa, siz qo‘rqmasdan “BIOS” terminini qo‘llasangiz bo‘ladi.
«BIOS» — bu har bir kompyuter yoki noutbukning tizim osti tizimidir. Ya’ni, siz kompyuteringizga biror bir windows (xp, 7, 8,10) o‘rnatmagan bo‘lsangiz ham sizning kompyuter/noutbukingizda operatsion tizim mavjud. Faqat uning vazifasiga rasm/video ko‘rish, qo‘shiq eshitishni ta’minlash emas, foydalanuvchi o‘ziga mos Operatsion Tizim (OT) ni o‘rnatishini ta’minlab turishdir.
“BIOS” kompyuterning doimiy xotirasiga o‘rnatilmaydi, shuning uchun operatsion tizimingiz o‘chib ketsa ham BIOS hech ham o‘chmaydi.
BIOS ga kirish qiyin emas, buning uchun kompyuteringizni yoqasiz (yoki qayta ishga tushirasiz) va monitor tasvir uzatishi bilan quyidagi tugmalarni bosasiz: F2 + Delete tugmalarini birgalikda qayta va qayta bosasiz – bu deyarli barcha kompyuterlar uchun BIOS ga kirishni ta’minlovchi tugmalar kombinatsiyasi hisoblanadi.
|
