Prezidentimizning Yo`l ho`jaligini yanada rivojlantirish to`g`risidagi PQ 330 qarorida pullik yo`llar tog`risida shunday deyilgan

Prezidentimizning Yo`l ho`jaligini yanada rivojlantirish to`g`risidagi PQ 330 qarorida pullik yo`llar tog`risida shunday deyilgan.

• Prezidentimizning Yo`l ho`jaligini yanada rivojlantirish to`g`risidagi PQ 330 qarorida pullik yo`llar tog`risida shunday deyilgan.
• Transport vazirligi va Avtomobil yo‘llari qo‘mitasining quyidagi takliflari ma’qullansin:
• a) xalqaro ahamiyatdagi M39 “Toshkent — Termiz” avtomobil yo‘lining “Toshkent — Chinoz” yo‘nalishidagi 817 — 827 km qismini ilg‘or xorijiy texnologiyalar va zamonaviy xalqaro standartlar asosida sement-beton qoplama qurgan holda rekonstruksiya qilish loyihasini amalga oshirish ishlarini joriy yilda boshlash;
• b) xalqaro moliya institutlari ishtirokidagi loyihalar doirasida avtomobil yo‘llarini, shu jumladan umumiy foydalanishdagi avtomobil yo‘llarini yuqori tezlikda harakatlanishga oid xalqaro talablarga muvofiq loyihalashtirish, qurish va rekonstruksiya qilish ishlarini amalga oshirish hamda kelgusida ushbu yo‘llarga muqobil yo‘llar mavjud bo‘lganda, Vazirlar Mahkamasi qarori bilan “pullik yo‘llar” toifasiga o‘tkazish.
• Bunda, “pullik yo‘llar”dan olingan daromadlarni taqsimlash va ushbu yo‘llarni boshqarish masalalari Vazirlar Mahkamasi tomonidan belgilanadi;
• v) 2024 — 2026-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish dasturini shakllantirishda umumiy foydalanishdagi avtomobil yo‘llari, ko‘priklar va sun’iy inshootlarni qurish, rekonstruksiya qilish bo‘yicha avvalgi yillardan o‘tib kelayotgan obyektlarni ustuvor ravishda yakunlashni nazarda tutish;
• Bunda, 2024-yildan boshlab har yili xalqaro moliya institutlaridan umumiy foydalanishdagi avtomobil yo‘llari, ko‘priklar va sun’iy inshootlarni qurish, rekonstruksiya qilish obyektlariga 300 mln AQSh dollaridan kam bo‘lmagan miqdorda kreditlar jalb qilib borish;

Hozirgi kunda avtomagistrallarga ehtiyoj deyarli barcha davlatlarda ortib bormoqda. Chunki iqtisodiyotning jadal ravishda rivojlanishida aynan avtomagistral yo`llarning ahamiyati sezilarli darajada ortmoqda. Shu tufayli avtomagistral yo`llar jadal ravishda qurilmoqda. Lekin ularni soz holda saqlash oson ish emas. Bu borada jahonning yo`l sohasidagi ilg`or davlatlari Germaniya, Buyuk Britaniya, Yapaoniya, Amerika tajribalaridan keng foydalanishimiz kerak. Misol uchun Men Buyuk Britaniya va Germaniya Avtobanlarida suv chetlatish tizimlari haqida o`rgandim. Ularda ko`p polosali avtomagistrallarda suv chetlatish tizimi ajratuvchi tasma ostidan qurish tajribasi qo`llanilar ekan shuningdek yo`lning ikki chetida yopiq latoklar ham keng foydalanilar ekan. Ushbu tajribalarni Ozbekistonda ham qo`llash zarur deb hisoblayman. Zero yo`lchi sifatida bizning eng oliy vazifamiz davlatimizga va xalqimizga uzoq yillar xizmat qiluvchi yo`llarni barpo etishdir.