3
K I R I S I W
Internet kompyuter tarmaģında járiyalanģan elektron resurslar búgingi kúnde
insan iskerliginiń derlik barlıq tarawlarında qollanıladı. Olardan paydalanıw
injener
hám shıpakerler, yurist hám áskeriyler, ekonomist hám kórkem–óner ģayratkerleriniń
is ónimdarlıģın arttırıp otırģanlıģı hesh kimge sır emes. Házirgi
zaman telekom-
minkaciya texnologoyaların hám elektron resursları zárúrligi bilimlendiriw tarawında
da kelip shıqtı. Internet tarmaqların oqıwshılar hám talabalardı oqıtıwda, oqıw–
tárbiya, sabaqtan tıs hám ilimiy–izertlew jumısların shólkemlestiriwde, tálim
mákemeleri jumısların jobalastırıw hám basqarıwda qollanıw múmkinshlikleri júzege
keldi. Házirgi waqıtta oqıw orınlarında tálim – tárbiya jumıslarında IKT qollanıwģa
ótiw menen Internet tarmaģı resurslarına degen qızıģıwshılıqtı jánede arttırıp jiberdi.
Bul bolsa, telekommunikaciyalardı úyre-niwshiler sanınıń kúnnen – kúnge kóbeyip
barıwına alıp kelmekte.
Hár qanday jumısta da kompyuter tarmaģın paydalanıwda eń dáslepki qádemdi
isenimli túrde qoyıw áhmiyetli boladı. Qolında Internetke jalģanģan kompyuterdiń
bolıwı múmkin. Biraq onnan talap dárejesinde paydalanıw ushın kóp sandaģı
infor-
maciyalıq resurslardıń túrlerin ajıratıp biliw, olardıń jaylasqan mánzillerin izlep tabıw,
qalayınsha qollanıw usılların iyelep alıw zárúr boladı. Endi baslawshılar bul jumısqa
birden kirisip kete almaytuģını belgili. Mine usı jerde de katalog – qollanba járdemge
keledi.
Metodikalıq qollanbadan paydalanıp dáslepki qádemlerin tabıslı qoyıp alģan
úyreniwshiler sońģılıqta óz betinshe izleniw menen Internet resurslarınan paydalanıw
kónlikpeleriniń kólemin keńeytip baradı.
Oqıwshı tematikalıq saytlar menen tanısıw arqalı pánlerdi úyreniwiniń
nátiyjeliligin arttıradı, al oqıtıwshılar bolsa, metodikalıq sheberligin hám sabaqların
ótiwdiń nátiyjeliligin arttıradı. Qollanbada Internet texnologiyaları boyınsha qısqasha
maģlıwmatlar, bilimlendiriwge tiyisli bolģan Internet resursları hám saytlar adresleri
berilgen. Qollanbadan institut professor-oqıtıwshıları, magistrler,
student jaslar,
mektep oqıtıwshıları hám oqıwshıları paydalanıwı múmkin. Qollanba óz
betinshe
bilim alıw hám biimlerin jánede bekkemlew ushın innovaciyalıq texnologiyalar bolıp
esaplanadı. Oqıw
procesinde
informaciyalıq texnologiyalardı paydalanıw,
telekommunikaciyalıq texnologiyaladı jumıs babında paydalanıw múmkinshiliklerin
ashıp beredi.
