SəTƏM İlk yardım İlk yardimin əsaslari

SƏTƏM
İlk yardım

İLK YARDIMIN ƏSASLARI

İlk yardımın məqsədləri (3 məqsəd)

Digər ciddi xəstəliklər
DÖŞ QƏFƏSİNDƏ AĞRI; İNFARKT
Belə hal adətən 30 yaşından sonra baş verir, lakin narkotik maddələr və kokain qəbul edən adamlarda
30 yaşdan əvvəl də baş verə bilər. İnfarkt zamanı ağrı aşağıdakı tipdə ola bilər:
1. “Dağıdııcı”, sanki döş qəfəsinin üzərinə ağır bir yük qoyulub.
2. Döş qəfəsinə təzyiq hissi
3. Sanki qida borusunda nə isə “ilişib qalıb”.
4. Diş ağrısına və ya boynun sol tərəfinə ötürülən çənə ağrısına bənzər.
5. Ağrısız da ola bilər.
6. Xəstədə zəiflik, yorğunluq, başgicəllənmə, ürəkbulanma yapışqan tər, dərinin rənginin solması ola bilər və ya o
sadəcə özünü pis hiss edə bilər. Əgər xəstədə tənginəfəslik və ya səsli tənəffüs varsa, o mütləq oturaq vəziyyətdə
olmalıdır.
BELƏ HALLARDA TƏCİLİ YARDIM VƏ YA HƏKİM ÇAĞIRIN VƏ XƏSTƏNİ
XƏSTƏXANAYA KÖÇÜRÜN.

DIABET; INSULIN REAKSIYASI
Qanda şəkərin miqdarı az olan insanlarda aşağıdakı simptomlar yarana bilər:
1. Dərin çaşqınlıq və dezoriyentasiya;
2. Tərləmənin güclənməsi
3. Rəngin solması
Əgər xəstənin huşu özündədirsə ona konfet, qənd verin.
Əgər huşu özündə dəyilsə, məcburi surətdə yemək və su verməyə cəhd etməyin
Xəstənin huşu özündə olmadıqda təcili yardim çağirin və xəstəni xəstəxanaya köçürün.
TUTMALAR; HUŞUN İTMƏSİ
Bayılma hallarinda dərinin rəngi avaziyir, dəri yapişqan tərlə örtülür. Lazım olan tədbirlər:
1. Xəstəni düz uzandırın və bir qədər ayaqlarını yuxarı qaldırın.
2. Paltarın yaxalağını açın.
3. Alın nahiyəsinə soyuq kompres qoyun.
4. Həkimə zəng edin və xəstəni xəstəxanaya köçürün..
Huş olmayan hallarda yardım üçün müraciət edin:
Xəstə uzanmış vəziyyətdə olmalıdır, başını yana çevirin (qusma hallarında tənəffüs yolunun tutulmasının qarşısını 
almaq məqsədi ilə)
Nəbzi və tənəffüsü yoxlayın; Paltarın yaxalağını açın; Təcili olaraq xəstəxanaya çatdırın.

QANAXMA VƏ AMPUTASİYA
1. Əmin olun ki, zərərçəkmiş nəfəs alır.
Zərərçəkmişin tənəffüsünə qulaq verin və onu hiss etməyə çalışın, tənəffüs hərəkətlərinə nəzər
yetirin. Əgər tənəffüs yoxdursa, ürəyin masajını və süni tənəffüs yerinə yetirməyə başlayın.
2. Venoz qanaxma zamanı yaraya təmiz salfet vasitəsi ilə sıxıcı sarğı qoyun.
Yaranın üzərindəki sarğı materialını çıxarmayın. Lazım gələn hallarda yeni sarğını köhnənin üzərinə qoyun.
3. Sıxıcı sarğı qoyun
Əgər yara aşağı və ya yuxarı ətrafdadırsa, onun üzərinə sıxıcı sarğı qoyun və urək səviyyəsindən
yüksəkdə tutmağa çalışın (əgər sınıq yoxdursa).