Annotatsiya:
Ushbu fan turli madaniy muhitlarda xulq-atvor va
mentalitetning psixologik
jihatlarini o'rganadi. U ijtimoiy-madaniy farqlar kontekstida psixologik jarayonlarni
tushunish, tahlil qilish va tadqiq qilishga qaratilgan.
Etnopsixologiyani ijtimoiy psixologiya doirasida oʻrganish madaniyat va inson
psixikasining oʻzaro taʼsirini tahlil qilishni oʻz ichiga oladi. Ushbu fan madaniy, etnik
va ijtimoiy omillar shaxsning shakllanishiga, uning psixologik xususiyatlariga,
e'tiqodlariga, qadriyatlariga va xulq-atvor normalariga qanday ta'sir qilishini
tushunishga yordam beradi.
Ijtimoiy psixologiya doirasida etnopsixologiyaning maqsadi turli madaniy
kontekstlarda inson psixikasini tushunishga kompleks yondashuvni yaratishdan
iborat. U madaniyat va individual psixologik xususiyatlar o'rtasidagi
munosabatlarni
o'rganish, inson ruhiyati va xatti-harakatlaridagi ijtimoiy, etnik va madaniy farqlarni
chuqur tushunishga yordam beradigan vositalarni taqdim etadi.
TUZUVCHILAR:
Qodirov O.S.
SamDU, Psixologiya kafedrasi mudiri
(PhD)
Shonazarov A.
SamDU, Psixologiya kafedrasi katta
o‘qituvchisi (PhD)
Elmurodov U.Y.
SamDU, Psixologiya kafedrasi katta
o‘qituvchisi (PhD)
Dastur
Psixologiya
va
ijtimoiy-siyosiy
fanlar
fakultetining
2023-yil __ avgustdagi № 01-sonli Kengash yig‘ilishida muhokama qilingan va
tasdiqlashga tavsiya etilgan.
KIRISH
19.00.05 – Ijtimoiy psixologiya. Etnopsixologiya ixtisosligi – ijtimoiy
psixologiya metodini tushunish umumiy psixologiya
va sotsiologiya predmetini
tushunishga bog‘liqligini o‘rganish, psixologiya va sotsiologik adabiyotlarda ijtimoiy
psixologiya predmetini birdek tushunish yo‘qligini tahlil qilish, ijtimoiy psixologiya
predmetiga nisbatan mavjud uch nuqtai nazarni o‘rganish, ijtimoiy psixologiyaning
boshqa fanlar, psixologiyaning boshqa turkumlari bilan munosabati, ijtimoiy
psixologiya predmeti tushunchasi, tarixni tanqidiy analiz
qilish va chet ijtimoiy
psixologiyasidagi nazariyalarning, oqimlarning mohiyatini ochib berish, boshqaruv
psixologiyasiga oid bilimlar, kategoriyalar va tushunchalarni o‘zlashtira oladigan
malakali mutaxassislar tayѐrlash taʼlim tizimining negizi hisoblanadi.
19.00.05 – Ijtimoiy psixologiya. Etnopsixologiya ixtisosligining vazifasi –
ijtimoiy psixologiyaning predmeti, ijtimoiy psixologik
qarasharning rivojlanish
tarixi, fanning metodologiyasi va metodlari, ijtimoiy psixologiyaning asosiy
yo‘nalishlari, ijtimoiy psixologiyada shaxs muammosi, muloqot psixologiyasini
o‘rganishdan iborat.
Ushbu maqsadga erishish uchun
ijtimoiy psixologiya fani bo‘yicha – ijtimoiy
psixologiyaga kirish, ijtimoiy psixologik g‘oyalar
shakllanishi tarixi, ijtimoiy
psixologiya metodologiyasi va metodlari, ijtimoiy psixologiyaning asosiy
yo‘nalishlari, ijtimoiy psixologiyada shaxs muammosi, ijtimoiy va
shaxslararo
munosabatlar, shaxslararo munosabatlar va ularning kechishi, shaxslararo
munosabatlarda shaxs agressivligi muammosi, muloqot psixologiyasi, ijtimoiy
psixologiyada guruhlar muammosi, kichik guruhlar psixologiyasi, olomon
psixologiyasi, guruh sharoitida zamonaviy o‘qitishning
pedagogik va psixologik
texnologiyalari, ijtimoiy rol, shaxs ijtimoiylashuvi, ijtimoiy ustanovka, liderlik va
boshqaruv, tatbiqiy ijtimoiy psixologiya,
etnopsixologiyasi fani bo‘yicha –
etnopsixologiya fanining predmeti,
vazifalari va metodlari, etnopsixologiya fanining
shakllanish tarixi, etnopsixologiya muammolarini o‘rganish bo‘yicha yaqin xorij
mamlakatlarida o‘tkazilgan tadqiqotlar, etnos va millat tushunchalarining qiyosiy
tahlili, etnos va shaxs, milliy xarakter va etnik identiklik,
milliy psixika, etnik
ramzlar va madaniyat, etnik stereotiplar va ularning turlari, etnik o‘zaro
munosabatlarning xususiyatlari, etnik nizolar va etnosentrizm bo‘yicha bilimlarni
oshirish va ko‘nikma hosil qilishlari zarur.
19.00.05 – Ijtimoiy psixologiya. Etnopsixologiya ixtisosligi bo‘yicha tayanch
doktoranturaga kiruvchi da’vogarlar uchun 2 ta ixtisoslik fanlari bo‘yicha: “Ijtimoiy
psixologiya”, “Etnopsixologiya” fanlaridan savollar bazasi shakllantirilgan.
Bu fanlar o‘z negizida qamrab olingan ma’lumotlar quyida batafsil keltirilgan.
