Stansiya va podstansiyaning elektr qismi faniga kirish

Ammo, 50 Hz li uch fazali tok tizimida kuchlanish nominal qiymatidan og‘ishi standart bo‘yicha ± 5% dan katta bo‘lmasligi kerak. Generatorlarni nominal kuchlanishi tarmoqda bo‘ladigan kuchlanish yo‘qotilishini hisobga olib tarmoq kuchlanishidan 5% ga oshiq qilib olinadi. Transformatorlarni nominal kuchlanishi salt yurish holatida ularni birlamchi va ikkilamchi cho‘lg‘amlari uchun olinadi. Transformatorni birlamchi cho‘lg‘ami elektr energiyani qabul qiladi va shuning uchun kuchaytiruvchi transformatorda nominal kuchlanishi generatorning nominal kuchlanishiga, pasaytiruvchida esa tarmoqning nominal kuchlanishiga teng. U yoki bu kuchlanishli tarmoqni taminlovchi ikkilamchi cho‘lgamni kuchlanishi yuklama vaqtida, tarmoq kuchlanishidan 5% ga yuqori bo‘lishi kerak.

Ammo, yuklama ostida transformatorning o‘zida ham kuchlanish yo‘qolishi bo‘lganligi sababli ikkilamchi cho‘lg‘amning nominal kuchlanishi (yani salt yurish kuchlanishi) tarmoq kuchlanishidan 10% ga yuqori holda olinadi. Bu quvvati 630 kVA va undan kichik transformatorlardan tashqari hamma transformatorlarga tegishlidir. Bunday trasformatorlar uchun esa ta’minlovchi tarmoqning kuchlanishi tarmoqning nominal kuchlanishidan 5% ga yuqori holda olinadi.

Ammo, yuklama ostida transformatorning o‘zida ham kuchlanish yo‘qolishi bo‘lganligi sababli ikkilamchi cho‘lg‘amning nominal kuchlanishi (yani salt yurish kuchlanishi) tarmoq kuchlanishidan 10% ga yuqori holda olinadi. Bu quvvati 630 kVA va undan kichik transformatorlardan tashqari hamma transformatorlarga tegishlidir. Bunday trasformatorlar uchun esa ta’minlovchi tarmoqning kuchlanishi tarmoqning nominal kuchlanishidan 5% ga yuqori holda olinadi.

Elektroqurilmalar haqida umumiy ma’lumotlar

Elektr energiyasi hosil qilishga mo‘ljallangan korxona yoki qurilma elektr stansiyasi deb ataladi. Energiyani bir turdan boshqa turga o‘zgartirishdagi asosiy texnologik jarayonning xususiyatlari va foydalaniladigan energetik resursning turiga qarab elektr stansiyalari issiqlik (IES), atom (AES), gidroelektrostansiya (GES), gidroakkumulyasiyalovchi (GAES), gaz turbinali va boshqa stansiyalarga bo‘linadi. Elektr energiyasini o‘zgartirish hamda taqsimlashga mo‘ljallangan korxona yoki qurilma elektr podstansiyalari (podstansiya) deyiladi.