|
II. OQIW PÁNINIŃ MAQSETI HÁM WAZIYPASI
|
| bet | 145/154 | | Sana | 25.12.2023 | | Hajmi | 111,08 Mb. | | #128134 |
Bog'liq O.A.ARXEOLOGIYASI OMK-2022II. OQIW PÁNINIŃ MAQSETI HÁM WAZIYPASI
Pándi oqıtıwdan maqset - Orta Aziya arxeologiyası haqqında studentlerge tuwra ilimiy dúnya qaras, kónlikpe hám tájiriybelerin qaliplestiriwden ibarat.
Pánniń wazıypası - Orta Aziyanıń eń áyyemgi, áyyemgi hám orta ásirler dáwirleri materiallıq hám ruwxıy mádeniyat, sociallıq-ekonomikalıq, etno-mádeniy processler hám ideologiyalıq qaraslar máselelerin úyretiwden ibarat.
«Orta Aziya arxeologiyası» oqıw pánin ózlestiriw processinde ámelge asırlatuǵın máseleler sheńberinde bakalavr:
- Orta Aziya arxeologiyası pániniń maqset hám wazıypaları, materiallıq hám ruwxıy mádeniyatı, xojalıq qásiyetler, etno-mádeniy processler, ideologiyalıq qaraslar máseleleri hám olardıń rawajlanıw basqıshları, olardan ilimiy maqsetlerde paydalanıwdı biliwi kerek;
- student tariyxıy maǵlıwmatlardı ilimiylik, tariyxıylıq, obektivlik tiykarda úyreniw. Materiallıq dereklerdi hám ilimiy ádebiyatlar maǵlıwmatların, erkin analiz etiwi hám izertlew kónlikpelerine iey bolıwı kerek;
- muzey eksponatları, arxeologiyalıq derekler klassifikaciyası, ilim izertlew institutları fondları materiallarınan paydalanıw tájiriybesine iye bolıwları kerek.
“Orta Aziya arxeologiyası” páni ulıwma kásiplik pán esaplanıp 2,3,4,5 semestrlerde oqıtıladı. Dástúrdi ámelge asırıw, oqıw rejesinde rejelestirilgen Qánigelikke kirisiw, Geoarxeologiya, Adam evolyuciyası hám tariyx pánlerinen jeterli bilim hám kónlikpelerge iye bolıwları kerek.
Ózbekistan Respublikası Ministrler Kabinetiniń 1998-jıl 27-iyulda «Ózbekistan Respublikası Ilimler Akademiyası tariyx instituti xızmetin jetilistiriw haqqında»ǵı qararında ózbek xalqı hám onıń mámleketshilik tariyxın obektiv úyreniwdiń ilimiy tiykarların jaratıw, izertlewlerdi zamanagóy talaplar dárejesine kóteriw, mámleketshiliktiń tuwra tariyxın tariyxıy derekler tiykarında úyreniw wazıypası belgilengen.
Orta Aziya arxeologiyalıq estelikleri materialları mine sonday derek esaplanadı. Olardı izertlew, úyreniw arqalı kóplegen maǵlıwmatlardı qolǵa kiritiwimiz múmkin.
Studentlerdiń Orta Aziya arxeologiyası pánin ózlestiriwleri ushın oqıtıwdıń aldıńǵı usıllarınan paydalanıw, jańa informaciyalıq-pedagogikalıq texnologiyalardı engiziw baslı áhmiyetke iye. Páńdi ózlestiriwde sabaqlıq, oqıw hám metodikalıq qollanbalar, lekciya tekstleri, tarqatpa materiallar, elektron materiallar, virtual stendler, kestelerden paydalanıladı.
Dástúrde berilgen temalar lekciya, seminar formada alıp barıladı. Sonday-aq, pánniń aktual máseleleri ózbetinshe jumıs sıpatında studentlerge ózlestiriw ushın beriledi. Sabaq processleri zamanagóy pedagogikalıq-texnologiyalar "Bumerang”, “Klaster” hám basqa metodlardı qollanǵan halda alıp barıladı.
|
| |
