Ulıwma oqıw saatı – 600 saat
Sonnan:
Lekciya: 120 saat (3-semestr 30 saat, 4-semestr 46 saat, 5-semestr 44 saat);
Ámeliy (seminar) sabaqlar- 120 saat (3-semestr 30 saat, 4-semestr 44 saat, 5-semestr 46 saat);
Óz-betinshe jumıslar- 360 saat (3-semestr 120 saat, 4-semestr 120 saat, 5-semestr 120 saat);
Nókis-20
Pánniń is baǵdarlaması Ózbekistan Respublikası Joqarı hám orta arnawlı bilim ministrliginiń 2019-jıl 04.10 № БД-5120400-2.01 dizimi menen maqullanǵan hám Ózbekistan Milliy universitetinde islep shıǵılǵan.
Pánniń isshi oqıw baǵdarlaması QMU Tariyx fakulteti «Arxeologiya» kafedrasınıń 20__ - jıl «__» ______ kúngi №___ - sanlı bayanlaması menen talqılıwdan ótken hám fakultet keńesinde 20__ - jıl “___” ______ jıynalısınıń № ___ - sanlı bayanlamasında talqılawdan ótken hám usınıs etilgen.
Pánniń is baǵdarlaması Qaraqalpaq mámleketlik universiteti Keńesiniń 20___ - jıl “___” _______ №____ - sanlı bayanlaması menen tastıyıqlanǵan.
Dúziwshi:
Hákimniyazov J. - «Arxeologiya» kafedrası baslıǵı, docenti, t.i.k.
Tolıbaev M. – “Arxeologiya” kafedrası assistent-oqıtıwshısı.
Pikir bildiriwshiler:
Turganov B.K. – NMPI docenti, t.i.k.
Davletiyarov M. – ÓzIAQQIII (PhD) doktori.
QMU Tariyx fakulteti dekanı:
20__ - jıl «_____» ________________________ doc. S.Sulaymanov
«Arxeologiya» kafedrası baslıǵı:
20__ - jıl «_____»_________________________ doc. J.Hákimniyazov
I. OQIW PÁNINIŃ AKTUALLIǴI HÁM JOQARI KÁSIPLIK TÁLIMDEGI ORNI
Bul dástúr «Orta Aziya arxeologiyası» pánin úyreniwdiń áxmiyetin, arxeologiya derekleri hám olardıń insaniyat jámiyeti tariyxı hám mádeniyatın úyreniwdegi áhmiyetin, Orta Aziyanıń tas dáwiri xojalıǵı, materiallıq mádeniyatı, islep shıǵarıwshı xojalıqtıń qáliplesiwi, paleometall dáwiri suwǵarma diyxanshılıq rawajı, Orta Aziyanıń lokal mádeniyatları qásiyetleri, erte urbanizaciyanıń qáliplesiwi, qánigelesken islep shıǵarıw rawajı, ideologiyalıq-diniy kóz-qaraslar, áyyemgi dáwir etno-mádeniy processler, áyyemgi hám orta ásirler dáwiri qala mádeniyatı, xojalıq qásiyetleri, islep shıǵarıw, materiallıq hám ruwxıy mádeniyatı qásiyetleri kibi túsinikler hám bilimler mazmunı hám áhmiyeti ashıp beriledi.
Sonday-aq, «Kadrlar tayarlaw Milliy Dástúri»nde kórsetip ótilgen student-jaslardıń tariyxıy dúnya qarasın bayıtıw, olarda erkin pikirdi qarar taptırıw, tariyxtı tereń dárejede biliw, insaniyat civilizaciyasınıń jetiskenliklerinen hám tájiriybesinen tolıq paydalanıw, ulıwma insaniy qádiriyatlardı ańlap jetiwge kómeklesiw hám bar bolǵan mashqalalardıń tariyxıy tamırların izlep tabıw kibi aktual máselelerdi úyrenedi.
|
