|
Tema. Dreamweaver programmasınıń tiykarǵı aynaları, menyusi, komponentleri. Joba
|
| bet | 1/4 | | Sana | 05.06.2023 | | Hajmi | 0.83 Mb. | | #69828 |
Bog'liq 1-lekciya 8-лек moodle interaktiv
Tema. Dreamweaver programmasınıń tiykarǵı aynaları, menyusi, komponentleri.
Joba:
Dreamweaver programmasınıń tiykarǵı aynası elementleri.
Dreamweaver programmasınıń menyusi.
Dreamweaver programmasınıń komponentleri.
Dreamweaver programmasınıń rejimleri menen islesiw.
Tayanısh sózler: Hújjet aynası, Obyekt palitrası (Insert), Qásiyetler palitrası (Properties), Ózgeriwsheń palitralar (Floating Palettes), HTML-bet, HTML-kod, Elementler, HTML-teg.
1. Dreamweaver programmasınıń tiykarǵı aynası elementleri.
Dreamweaver MX programmasın iske túsiriw ushın tómendegi qádemlerdi orınlaw kerek: Пуск > Программы > Macromedia > Macromedia Dreamweaver MX.
Programanıń jumısshı maydanın hár qanday paydalanıwshı óz qálewine hám tájiriybesine sáykes ráwishte sazlap alıwı múmkin.
1-súwret. Dreamweaver MX programmasınıń interfeysi.
Jumısshı maydanınıń tiykarın payda etiwshiler tómendegiler esaplanadı:
Hújjet aynası – redaktorlanıp atırǵan hújjetti kórsetedi.
Obyekt palitrası (Insert) – túrli tiptegi obyektlerdi (súwretler, kesteler, arnawlı simvollar hám basqalar) bette tez jaylastırıw ushın xızmet qılatuǵın túymelerge iye;
Qásiyetler palitrası (Properties) – belgilangen tekst yamasa obyekt qásiyetlerin kórsetedi hám olardı redaktorlaw imkanın beredi.
Ózgeriwsheń palitralar (Floating Palettes) – aynalar, inspektorlar hám palitralardı ulıwmalıq blokqa birlestiriw ushın xızmet etedi.
Hújjet aynası Dreamweaver MX programmasınıń tiykarǵı aynası esaplanıp, onda hújjetti jaratıw hám redaktorlaw processin kóriw múmkin; Hújjettiń brauzer aynasında qanday kóriniwin shamalap kórsetip turadı; Sol proektke baylanıslı bolǵan hár túrli maǵlıwmatlardan paydalanıw imkanın beredi.
|
| |
