2. Dreamweaver programmasınıń menyusı.
Menyu qatarı — bul Windowstıń ixtiyarıy qosımshasınıń zárúriy atributı. Ol buyrıqlar járdeminde dialog aynalarına, túymelerge jol ashadı, olar járdeminde hújjet jaratıw, programmanı sazlaw, vizuallastırıw processin basqarıw qusaǵan programmanıń barlıq funkcionallıq imkaniyatların óz ishine alǵan jumıslar orınlanadı. Menyu qatarınıń hár bir bóliminiń wazıypası bir-birine jaqın kiritilgen menyu hám kishi menyular iyerarxiyasın payda etiwshi buyrıqlar toparın birlestiredi. Bul bólimlerdiń qısqasha táriyplerin keltiremiz.
• File menyusı (Файл) fayllar menen baylanıslı buyrıqlardı, gipertekstli hújjetler shablonları menen islesiw, eksport qılıw, import qılıw hám brauzer programmasında kóriw buyrıqların óz ishine aladı.
• Edit (Правка) menyusine redaktorlaw hám izlew menen baylanıslı bolǵan buyrıqlar kiredi.
• View (Вид) menyusi interfeystiń járdemshi elementlerin hám gipertekstli hújjet obyektleriniń kórinisleri ústinde islewshi buyrıqlardı óz ishine aladı.
• Insert (Вставка) menyusine hár túrli obyektlerdi import qılıw buyrıqları kiredi: súwretler, kesteler, formalar, qatlamlar, arnawlı belgiler hám basqa obyektlerdi import qılıw.
• Modify (Изменить) menyusı óz ishine gipertekstli hújjet obyektleri atributların ózgertiw buyrıqların qamtıydı.
• Text (Текст) menyusi tekstli fragmentlerdi payda etiw hám olardı formatlaw menen baylanıslı buyrıqlardı óz ishine aladı.
• Commands (Команды) menyusi gipertekstli hújjetlerdi avtomatikalıq qayta islew buyrıqların óz ishine aladı.
• Menyu qatarınıń Site (Сайт) bólimi sayt penen islesiw quralları hám gipertekstli hújjetler menen baylanıslı quramalı sistemalar quralların óz ishine alǵan.
• Window (Окно) menyusı programmaǵa tiyisli palitralar, paneller hám dialog aynaların ornatıw hám kerisinshe alıp taslaw menen baylanıslı buyrıqlardı óz ishine aladı.
• Help (Справка) menyusında programmadan paydalanıw haqqındaǵı interaktiv maǵlıwmatlardı shaqırıw, elektron qollanbanı shaqırıw qusaǵan buyrıqlar jaylasqan.
|
