Ta’lim jarayonida innovatsion pedagogik klaster texnologiyalaridan foydalanish imkoniyatlari annotatsiya
TA’LIM JARAYONIDA INNOVATSION PEDAGOGIK KLASTER
TEXNOLOGIYALARIDAN FOYDALANISH IMKONIYATLARI
ANNOTATSIYA
Biz ushbu maqolamizda pedagogik taʼlim klasterining taʼrif va tavsifini bayon qilishni va unga ilmiy-pedagogik muammo sifatida jamoatchilikning eʼtiborini qaratishni maqsad qilganmiz. Bugungi kunda oliy taʼlim tizimida shunday yangi mexanizm yaratilishi hayotiy zaruratga aylandiki, unda taʼlim turlari oʻrtasida oʻzaro nazorat ham, raqobat ham, manfaatlarning qondirilishi ham taʼminlanishi zarur.
Kalit so’zlari: Pedagogika, uzluksiz ta‟lim, klaster tizimi, innovatsiya, bilim, ko„nikma, malaka.
KIRISH
Oliy taʼlimning jamiyat barqaror rivojlanishidagi yuqori ijtimoiy ahamiyatidan kelib chiqqan holda zamonaviy talablar, tizimdagi muammolar va ularni hal qilishda taʼlim, fan va ishlab chiqarish tarmoqlari oʻrtasidagi tarqoqlik bugungi kunda uzluksiz pedagogik taʼlimni klaster rivojlanish modeliga oʻtkazish zaruratini taqozo etmoqda. Fan va ta‟limning ishlab chiqarish bilan uyg„unligi barcha sohalardagi taraqqiyotni ta‟minlaydi. Bu borada tabiiyki, fan, ta‟lim va ishlab chiqarishning integratsiyasi muhim va dolzarb vazifa. Bu esa o„z-o„zidan innovatsion klasterga yo„l ochadi. Davlatimiz rahbari Shavkat Miromonovich Mirziyoyev 2017 yil 10-11 mart va 2018 yil 16-17 fevral kunlari xalq bilan muloqot qilish hamda joylarda amalga oshirilayotgan islohotlar bilan tanishib, Buxoro viloyatiga tashrifi chog„idagi “Paxta va to„qimachilik klasteri” loyihasini tashkil etish g„oyasini olg„a surdi. Unda O‟zbekistonda klaster tizimi asosida ishlab chiqarishni tashkil etishning ilmiy asoslari ko„rsatib berilgan. Darhaqiqat, so„nggi vaqtda innovatsion klaster tizimi barcha sohalarga shiddat bilan kirib bormoqda. Jumladan, ta‟lim tizimida ham klaster mavjud. Bu esa shaxsni kamol topishi va yetuk kadr bo„lishiga qaratilgan bo„lib, uning bog„liqligi – maktabgacha, umumiy o„rta maktab, akademik litsey, kasb-hunar kolleji, oliy o„quv yurti, doktorantura, malaka oshirish kabi jarayonlarni qamrab oluvchi butun umr davomidagi ta‟lim zanjirini bir-biriga bog„langanidir.
|
