97
qadamda birga kamayadigan RC takrorlanishlar schyotchigi qo‘llaniladi. RC tarkibi
nolga teng bo‘lmaguncha dasturiy schyotchik qiymati o‘zgarmaydi. Bitta siklning
buyruqlar blokini takrorlash uchun buyruqlar bloki boshi va oxiri qo‘shimcha
registrlari mavjud bo‘lib, ularga birinchi va oxirgi takrorlanuvchi buyruqning
manzillari yoziladi. Har bir qadamda buyruqlar schyotchigi qiymati buyruqlar bloki
oxiri registri tarkibi bilan tenglashadi. Agar buyruqlar schyotchigi qiymati blok oxiri
registri tarkibidan kattalashsa, buyruqlar schyotchigiga blok oxiri registri qiymati
yoziladi va takrorlinishlar soni schyotchigi dekrementlanadi.
Ayrim SPlarda siklning birinchi o‘tishda unda bajarilayotgan buyruqlar
buferga joylashtirilishi mumkin, bu esa navbatdagi iteratsiyalarda xotiradan xuddi
o‘sha buyruqlarni takroran tanlash zaruriyatini bartaraf etadi.
Motorola protsessorlarida DO siklining maxsus buyrug‘idan foydalaniladi.
Bu buyruq siklning boshi va oxiri (LC va LA) regstrlari bilan ishlaydi. Analog
Devices firmasi protsessorlarida ham sikllar xuddi shunday ishlaydi [19, 22].