102
Motorola firmasining DSP56002 modeldagi signal protsessor bunga misol
bo‘la oladi. Xotiraning bunday qurilishi grafik ilovalari uchun (X va U
koordinatalari), OIX filtrlarni amalga oshirishda va TFO‘ algoritmlarini bajarishda
juda qulay.
O‘sha markadagi signal protsessorlarning keyingi modellarida DSP56300
operativ xotira (OXQ-X va OXQ-U – har biri 2K so‘z hajmli) bilan bir qatorda 4K
so‘z hajmli dasturning kesh-xotirasi paydo bo‘ldi. Kesh-xotiraning paydo bo‘lishi
ishlov berish tezligini ancha oshirdi, shuning uchun kesh-xotira SPning boshqa
barcha markalarida qo‘llaniladi. TMS markasining SPsida kesh bilan bir qatorda ikki
kirishli xotiraning qo‘llanilishi olg‘a qo‘yilgan yana bir qadam bo‘ldi. Xotiraga
to‘g‘ridan-to‘g‘ri kirish o‘rnatilgan kotrolleri hisoblashlar va xotira bilan ma’lumot
almashlash protsedurasini vaqtga moslashtirish imkonini berdi.
Parallelizm tamoyilining keyingi rivojlanishida registr xotiraning turli
variantlarda keng qo‘llanilishi muhim o‘rin tutadi. Ko‘pincha arxitekturada umumiy
vazifalarni bajaruvchi registrlar qo‘llaniladi, u yerda ishlov berishning oraliq
natijalari qo‘llaniladi. Akkumlyatorlar, to‘plovchilar, suruvchi registrlar, registr
fayllar ko‘p funksional registrlar hisoblanadi.
Xotirada
parallelizmdan
amaliy
foydalanishga
siklli
manzillashda
qo‘llaniluvchi sirkulyar bufer misol bo‘la oladi. Bu ma’lumotlar xotirasidagi
yacheykalar to‘plami bo‘lib, ularga sikl bo‘yicha murojaat qilinadi, ya’ni buferga
yozilagan ma’lumotlarga murojaat bir va boshqa yo‘nalishda yopiq doira bo‘yicha
amalga oshiriladi. Bunday sirkulyar bufer tutilishlar liniyasini tashkil etishda ham
qo‘llanilishi mumkin.