141
Shu bilan birga, qatlamli modeli NT ijro tizimining kiritish/chiqarish tizimida
va ijro etuvchi tizimning eng past darajadagi qismlarida: NT yadrosi (NT kernel) va
apparatning a qatlami (hardware abstraction layer, HAL) qo‘llaniladi. NT tizimi
ijrochilari barcha boshqa tarkibiy qismlari bu ikkilasining ustgi qatlamida
joylashadi. NT yadrosi mikroyadro mijoz-server operatsion tizimlarida uchraydigan
operatsion tizimning past darajadagi funksiyalarini bajaradi - masalan, oqimlarni
rejalashtirish, uzilishlar va istisnolardan foydalanish, shuningdek ko‘p protsessorli
sinxronlash.
Shuningdek, u yuqori darajadagi konstruksiyalarni amalga oshirish uchun ijro
tizimining qolgan qismlari tomonidan qo‘llaniladigan protseduralar va asosiy
obyektlar to‘plamini taqdim etadi. Yadro ostida dinamik bog‘lanish kutubxonasi
(dynamic-link library, DLL) joylashgan. HAL - bu yadroni va NT ijro etish
tizimining boshqa qismlarini platformaga xos bo‘lgan apparatdan ajratib turadigan
kod qatlami. HAL to‘g‘ridan-to‘g‘ri apparat bilan ishlaydi [22, 30].
Gibrid yadroli OT arxitekturasi monolit va mikroyadro arxitekturasining
xususiyatlarini birlashtiradi. Bu ba’zi bir o‘zgartirilgan mikroyadro shaklidagi oraliq
yechim bo‘lib, bu ishni tezlashtirish uchun yadro sohasida OT modullarini ishga
tushirishga imkon beradi. Bunday gibrid yadroga ega operatsion tizimlar monolit
yadro kodini iloji boricha yaxshi sozlangan holda, mikroyadro arxitekturasining
ravshan afzalliklaridan foydalanish urinishlaridan kelib chiqqan.