137
tizim ma’lumotlariga kirish imkoniyati cheklangan. Foydalanuvchi rejimidagi
dastur tizim xizmatiga murojaat qilganda protsessor murojaatni qabul qiladi va
murojaat oqimini yadro rejimiga o‘tkazadi. Tizim murojaati tugagandan so‘ng, OT
oqimni foydalanuvchi rejimiga o‘tkazadi va murojaat dasturining bajarilishini
davom ettirishga imkon beradi.
Bu o‘rnatilgan qurilmalar uchun OT arxitekturasining eng keng tarqalgan turi
hisoblanadi. Tahlil qilinayotgan operatsion tizimlarning aksariyati barcha jarayonlar
(foydalanuvchi ham, tizim ham) cheklovlarsiz bir xil manzil maydonida
bajariladigan mikrokontrollerlarda ishlashga mo‘ljallangan monolitik muhitdir.
Jarayon izolatsiyasi yetarli darajada ta’minlanmagan monolitik operatsion
tizimlariga misol tariqasida RIOT OS, Zephyr, Unison RTOS va Vector – Microsar
OS tomonidan bazaviy OTlarni keltirish mumkin [26, 34].
Xattoki monolitik tizimlarning barcha xavfsizlik nuqsonlari bilan ham bu kabi
ixcham OT arzon mikrokontrollerlarga o‘rnatish uchun juda mos keladi. Ular oddiy
ixcham qurilmalarda qo‘llaniladi, ularning vazifasi bitta parametrni o‘lchash bilan
cheklangan - masalan, harorat, bosim yoki hajm. Bunday qurilmalar sodda, ixcham
va arzon bo‘lishi kerak.