Katta uzunlikga ega bo‘lgan buyruqli so‘zlarga ishlov berish (VLIW) bir taktda ishlov beriladigan buyruqlar sonini sezilarli darajada oshirish imkoniyatini yaratadi. Bunday buyruqlar bir nechta qisqa buyruqlar ko‘rinishida ifodalanishi mumkin. Bu qisqa buyruqlarni bajarish uchun bir nechta parallel ravishda ishlaydigan funksional bloklar talab etiladi. Bunda, SIMD-protsessorlaridan farqli tomoni shundan iboratki, VLIW-protsessorlar bir takt davomida bir nechta bajarilishi bo‘yicha har xil buyruqlarga ishlov beradi [25].
VLIW-texnologiyasining asosiy g‘oyasi shundan iboratki, kompilyator birinchidan kirishdagi boshlang‘ich dasturni tekshiradi, bir vaqtda baravariga, ammo har xil bloklarda bajariladigan buyruqlarni qidiradi. Keyin kompilyator bu kabi o‘xshash buyruqlarni paketlarga birlashtiradi. Har bir paket bitta buyruqdan iborat. Bu buyruq o‘z navbatida bir vaqtda ammo protsessorning har xil bloklarida
bajariladigan oddiy buyruqlardan iborat. Bu jarayonda oddiy buyruqlarning soni protsessorda mavjud bo‘lgan funksional bloklar soniga teng. 10.7-rasmda TMS320S62x protsessorida ma’lumotlarga ishlov berish sxemasi ko‘rsatilgan.
8х32 bitli buyruq
10.7-rasm. VLIW-protsessorini ma’lumotlar oqimi sxemasi
Protsessor ikkita ma’lumotlar uzatish taktiga va sakkizta bir biriga bog‘liq bo‘lmagan ikkita bog‘lama ko‘rinishida shakllangan (blok «A» va blok «B») bloklardan iborat. Ishlov berish kompilyator tomonidan buyruqlar paketining shakllanishidan va ichki kesh-xotira paketidagi buyruqlarni o‘qishdan boshlanadi. Paket uzunligi sakkizta buyruqdan iborat. Har bir buyruqning uzunligi 32 bit. 256 bit miqdorli paket bufer yordamida sakkizta turli vazifalarni bajaradigan operatsion bloklarga uzatiladi: L1, L2 – mantiqiy amallarni bajaradigan bloklar, S1, S2 – surish sxemalari, M1, M2 – ko‘paytirgichlar, D1, D2 – manzilli elementlar. Natijalar ichki ma’lumotlarning tezkor xotira qurilmasida (TXQ) joylashadi va ishlov berishning keyingi taktlarida ishlatilishi mumkin.
Qisqa buyruqlar paketini dastlabki tayyorlash maqsadida kompilyatorlardan foydalanish tamoyili juda murakkab “intellektual” kompilyatorlar mavjud bo‘lishini
talab etadi. Ammo bu vaziyat parallel ravishda ishlov berishni buyruqlar darajasida ta’minlaydi va ma’lumotlarga ishlov berish tezligi oshadi, ayniqsa dasturning sodda buyruqlari uchun.
Ichki xotira М0 8 Мб
Ichki xotira М1 8 Мб
Ichki xotira М2 8 Мб
|
