09/05/2023, 15:23
385-сон 07.11.2002. Toshkent axborot texnologiyalari universiteti faoliyatini tashkil etish to‘g‘risida
https://lex.uz/docs/-327307
1/2
O‘ZBEKISTON RESPUBLIKASI VAZIRLAR MAHKAMASINING
QARORI
TOSHKENT AXBOROT TEXNOLOGIYALARI UNIVERSITETI FAOLIYATINI TASHKIL ETISH
TO‘G‘RISIDA
O‘zbekiston Respublikasi Prezidentining “Kompyuterlashtirishni
yanada rivojlantirish va
axborot-kommunikatsiya texnologiyalarini joriy etish to‘g‘risida” 2002-yil 30-maydagi PF-3080-son
Farmonini
va Vazirlar Mahkamasining “Kompyuterlashtirishni yanada rivojlantirish va axborot-
kommunikatsiya texnologiyalarini joriy etish chora-tadbirlari to‘g‘risida” 2002-yil 6-iyundagi 200-son
qarorini
bajarish yuzasidan hamda axborot-kommunikatsiya texnologiyalari sohasida yuqori
malakali kadrlarni tayyorlash va qayta tayyorlash sifatini oshirish maqsadida Vazirlar Mahkamasi
qaror qiladi:
Oldingi
tahrirga qarang.
1. Belgilab qo‘yilsinki, Muhammad al-Xorazmiy nomidagi Toshkent
axborot texnologiyalari
universiteti respublikaning aloqa va axborot texnologiyalari sohasida kadrlar tayyorlash, qayta
tayyorlash va mutaxassislar malakasini oshirish bo‘yicha bazaviy oliy ta’lim muassasasi hisoblanadi.
(1-band O‘zbekiston Respublikasi Vazirlar Mahkamasining 2017-yil 5-iyundagi 350-son
qarori
tahririda
— O‘R QHT, 2017-y., 23-son, 474-modda)
Oldingi
tahrirga qarang.
2. Quyidagilar Muhammad al-Xorazmiy nomidagi Toshkent axborot texnologiyalari
universitetining asosiy vazifalari etib belgilansin:
(2-bandning birinchi xatboshisi O‘zbekiston Respublikasi Vazirlar Mahkamasining 2017-yil 5-iyundagi
350-son
qarori
tahririda — O‘R QHT, 2017-y., 23-son, 474-modda)
aloqa va axborot texnologiyalari sohasida yuqori malakali kadrlarni tayyorlash va qayta
tayyorlash;
o‘quv jarayoniga o‘qitishning zamonaviy axborot texnologiyalarini joriy
etish ishlarini tashkil
etish, ta’lim muassasalari faoliyatini o‘quv-metodik ta’minlashga hamda respublika ta’lim tizimi
uchun yagona axborot-kommunikatsiya makonini yaratishga ko‘maklashish;
oliy va oliy ta’limdan keyingi ta’lim dasturlari va standartlarini ishlab chiqishda va amalga
oshirishda, o‘quv adabiyotlarini tayyorlashda qatnashish, aloqa va axborot texnologiyalari sohasida
o‘quv-metodik qo‘llanmalar elektron kutubxonasi tizimini rivojlantirish;
xorijiy mamlakatlar o‘quv muassasalari va ilmiy markazlari bilan aloqa va axborot
texnologiyalari, dasturiy
mahsulotlar ishlab chiqish, xizmatlar va texnologiyalarning yangi turlarini
joriy etish sohasida hamkorlikni kengaytirish.
3. O‘zbekiston aloqa va axborotlashtirish agentligi, O‘zbekiston Respublikasi Oliy va o‘rta
maxsus ta’lim vazirligining 2003/2004 o‘quv yilidan boshlab Toshkent axborot texnologiyalari
universitetida professor-o‘qituvchilar tarkibining amaldagi soni doirasida
akademik litseylar va
kasb-hunar kollejlari uchun bakalavriat dasturi bo‘yicha pedagoglar tayyorlash uchun maxsus sirtqi
bo‘lim ochish to‘g‘risidagi taklifiga rozilik berilsin.
4. Toshkent axborot texnologiyalari universitetiga yuklangan asosiy vazifalardan kelib chiqqan
holda O‘zbekiston aloqa va axborotlashtirish agentligi, O‘zbekiston Respublikasi Oliy va o‘rta
maxsus ta’lim vazirligi, Universitet rektorati O‘zbekiston Respublikasi Mehnat va aholini ijtimoiy
muhofaza qilish vazirligi bilan birgalikda 2002-yil oxirigacha Universitetning
yangi tuzilmasini va
shtatlar ro‘yxatini ishlab chiqsinlar va belgilangan tartibda tasdiqlasinlar.
Oldingi
tahrirga qarang.
5. O‘zbekiston Respublikasi Iqtisodiyot vazirligi, Moliya vazirligi O‘zbekiston aloqa va
axborotlashtirish agentligi bilan birgalikda Toshkent axborot texnologiyalari universiteti o‘quv-
laboratoriya binolarini qurish va rekonstruksiya qilishni, ularni
zamonaviy asbob-uskunalar va
texnika bilan jihozlashni 2003-yildan boshlab respublika investitsiya dasturiga belgilangan tartibda
kiritsinlar.
09/05/2023, 15:23
385-сон 07.11.2002. Toshkent axborot texnologiyalari universiteti faoliyatini tashkil etish to‘g‘risida
https://lex.uz/docs/-327307
2/2
(5-bandning birinchi xatboshisi O‘zbekiston Respublikasi Vazirlar Mahkamasining 2003-yil 28-
fevraldagi 112-son
qarori
tahririda — O‘zbekiston Respublikasi Qonun hujjatlari to‘plami, 2003-y., 4-son, 42-
modda)
O‘zbekiston aloqa va axborotlashtirish agentligi Toshkent axborot texnologiyalari universiteti
o‘quv-laboratoriya va sport-sog‘lomlashtirish binolarini qurishning loyiha-smeta hujjatlari 2002-yil
oxirigacha tayyorlanishini ta’minlasin.
6. O‘zbekiston Respublikasi Moliya vazirligi hamda O‘zbekiston aloqa va axborotlashtirish
agentligi Toshkent axborot texnologiyalari universiteti moddiy-texnika bazasini mustahkamlash
uchun 2003-yildan
boshlab davlat budjeti, O‘zbekiston aloqa va axborotlashtirish agentligi va
Toshkent axborot texnologiyalari universitetining budjetdan tashqari jamg‘armalari hamda qonun
hujjatlariga zid bo‘lmagan boshqa manbalar hisobiga zarur mablag‘ ajratishni nazarda tutsinlar.
7. Vazirlar Mahkamasining “Oliy o‘quv yurtlari talabalariga stipendiyalar to‘lash tartibi va
miqdorlari to‘g‘risida” 2001-yil 17-avgustdagi 344-son
qaroriga
ilovaning 8-bandidagi “va
informatika” so‘zlari “informatika, axborot texnologiyalari va axborot xavfsizligi” so‘zlari bilan
almashtirilsin.
8. Mazkur qarorning bajarilishini nazorat qilish O‘zbekiston Respublikasi Bosh vazirining
o‘rinbosari A.N. Aripov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
2002-yil 7-noyabr,
385-son
(O‘zbekiston Respublikasi Qonun hujjatlari to‘plami, 2002-y., 21-son, 169-modda; 2003-y., 4-son, 42-modda;
2017-y., 23-son, 474-modda)
