Qattiq kosmetik vositalarni fizik-kimyoviy hossalarini baholash
Pudralar sifatiga qo‘yiladigan asosiy talablar: tashqi ko‘rinishi, rangi, hidi, granulometrik tarkibi (zarrachalar o‘lchami), sochiluvchan zichligi, maxsus g‘ovakligi va suv shimishi, №0071 sim setka ustida qolgan qoldik miqdori, tayyor mahsulotning o‘tirib qolish darajasi (kompaktlanish darajasi), surtilishi (yopishqoqligi), suv va uchuvchan moddalarning massa miqdori, kalsiy yoki magniy stearat massa miqdori.
Poroshok va kompakt holidagi dekorativ kosmetika mahsulotlarini tekshirish uchun har bir seriyadan (ya’ni bir vaqtda ishlab chiqilgan, qadoqlangan va sifati baholangan mahsulot) quyidagi tartibda namunalar olinadi:
- mahsulotni qadoqlanishi va markirovkasi DST (GOST) talabiga mos kelishi uchun har bir partiyadan 3% jihozlangan mahsulot birligi olinadi. Agar mahsulot DST talabiga javob bermasa, yana 3% jihozlangan mahsulot birligi olib tekshiriladi, bunda ham sifati talabga javob bermasa, butun partiya brak deb hisoblanadi.
- poroshok va kompakt holidagi dekorativ kosmetika mahsulotlarini organoleptik va fizik-kimyoviy hossalarini tekshirish uchun olingan 3% jihozlangan mahsulot birligidan 12 dona (korobka, paket, pudrenitsa va boshqalar) tahlil uchun olinadi har 10 mingta dona mahsulotli partiya uchun va 0,1% agar mahsulot partiyada 10 mingtadan oshiq bo‘lsa.
- tahlil uchun olingan o‘rtacha namunaning massasi 150 g dan kam bo‘lmasligi kerak.
|