shomiliwina, kino-teatrlarg`a bariwina, bir-birine dosliq ja`rdem beriwine imkaniyat jaratip
beriwshi ku`shlerdi biriktiredi.
Ku`shlerdi biriktiriw ushin ata-analarg`a xa`m ja`miyetshilikke g`alaba pedagogikaliq oqiw
za`ru`rligi tuwadi. Bunday pedagogikalik oqiwdi mektep sho`lkemlestiredi.
Ata-analar ushin
pedagogikaliq bilim beriw 1 yamasa 2 jil mu`ddetke soziliwi mu`mkin. Pedagogikaliq bilim
beriwdin` tematikasin islep shiqqanda 1-gezekte mektep o`z mu`mkinshiliklerin esapqa alg`ani
makul boladi. Son`inan medikler,
kitapxana, ishki isler bo`limi, awil xojaliq xizmetkerleri x.t.
basqada za`ru`r dep esaplang`an adamlardi lektsiya oqiwg`a tartadi. O`zinin` qa`niygesi
ta`repinen oqilg`an lektsiyalardin` na`tiyjeliligi anag`urlim joqariraq boladi. Bunday lektsiyalar,
dokladlar, temasin tan`lag`anda klasstin` aldinda turg`an belgili bir ta`rbiyaliq waziypalardi,
ta`rbiyaliq jumislardi esapqa aliw kerek. Sonliqtan ata-analar ushin lektsiya, doklad xa`m
gu`rrin`lerdi o`tkergende pedagogika iliminin` teoriyaliq mag`liwmatlari sol jerdegi sem`ya
ta`rbiyasinin` a`meliyati menen u`ylestiriledi.
Qanday temada lektsiya, doklad xa`m gu`rrin`
o`tkerilsede balalardi sem`yada ta`rbiyalawdin` ta`jiriybesinen misallardi, faktlerdi ko`plep
keltiriwge boladi.
Mektep xa`m sem`ya xa`reketinin` ken`esleri de jiyi-jiyi sho`lkemlestirilip, bul jerde de
ata-analarg`a mug`allimler ta`repinen, al mug`allimlerge ata-analar ta`repinen
paydali
ma`sla`xatlar, faktler berilip, olar bul ma`sla`xatlardi, bul faktlerdi o`zlerinin` is ta`jiriybesinde
qollanadi.
