|
Ta`rbiyada oqiwshilardin` jas xa`m jeke o`zgesheligin esapqa aliw
|
| bet | 54/97 | | Sana | 13.01.2024 | | Hajmi | 450,29 Kb. | | #136582 |
Bog'liq Uliwma pedagogika-fayllar.orgTa`rbiyada oqiwshilardin` jas xa`m jeke o`zgesheligin esapqa aliw. Ta`rbiya
protsesinde qolg`a kirgiziletug`in tabis ko`p ta`repten olardin` jas ayirmashiliqlarin esapqa
aliwg`ada baylanisli boladi. Ta`rbiyada bul printsipti a`melge asiriw oqiwshilardin` jasin,
ku`shin xa`m imkaniyatlarin esapqa alip bolip, olar ushin xizmettin` tu`rin tan`lawdi na`zerde
tutadi. Mug`allim ta`rbiya metodlarin tan`lag`anda da, olardin` aldina talaplar qoyg`anda da,
oqiwshilardin` jas ayirmashiliqlarin esapqa aliwi kerek. Usinin` menen bir qatarda
oqiwshilardin` jeke o`zgesheliklerin esapqa aliwda og`ada u`lken a`xmiyetke iye. Sebebi xa`r
bir balada, onin` jeke rawajlaniwi protsesinde xesh bir ta`kirarlanbaytug`in, bir-birine
usamaytug`in minez-quliq xa`m a`detler payda boladi. Basqasha qilip aytqanda xa`r bir bala
o`z aldina du`n`ya degen so`z.Sonin` ushinda xa`r bir mug`allim balalardin` nerv xizmeti
tipinin` o`zgesheliklerin, aqliy qa`biletlerin, qizig`iwin xa`m ayirim qiliqlarinin` tiykarg`i
sebeplerinde biliwi kerek. Oqiwshidag`i unamsiz xa`reket istochniklerinde biliw mug`allim
ushin paydali. o`z oqiwshilarindag`i jeke o`zgesheliklerdi biliw mug`allimge ta`rbiya
protsesindegi ozi bolarmanliqti jen`iwge, oni bir maqsetke qaratilg`an, sho`lkemlestirilgen,
basqarilatug`in protsesske aylandiriwg`a ja`rdem beredi.
Oqiwshilar menen jeke qatnas jasaw printsipi-ta`rbiyaliq jumisti duris jolg`a qoyiw
isinin` tiykari bolip tabiladi. Bunisiz barliq ta`rbiyaliq maqsette paydalanilg`an ta`rbiya
qurallari, ta`rbiya protsessleri u`stirtin o`tkerilgen bolar edi. Oqiwshilar menen jeke qatnas jasaw
isinde ata-analardin` xa`m mug`allimlerdin` oqiwshi u`stinen baqlawlari og`ada ko`p material
beredi. Olar bul baqlawlar na`tiyjesinde barkulla o`zleri kutpegen materiallar alip otiradi.
Oqiwshinin` jeke basi tek kollektivte rawajlaniwi mu`mkin. Sonliqtan oqiwshig`a jeke qatnas
jasaw isi uliwma oqiushini kollektivte qa`liplestiriw isi menen shirmatilg`an bolmawi kerek. Al
onin` ornina kollektivke su`yenip turip, xa`r bir oqiwshinin` kollektivte tiyisli orinlardi
iyelewine, olardin` pikirlerin paydalaniwg`a, kollektivtin` jeke adamg`a parallel` qatnas
jasawina su`yeniw kerek. Okiwshi menen jeke qatnas jasaw tek ayirim balalar ushin emes, al
barliq balalar ushin kerek.
|
| |
