2. Pedagogikanin tiykargi kategoriyalari ham tusinikleri.
7. U. Tolipov, M.Usmonboeva «Pedagogik texnologiyaning tadbiqiy asoslari» Toshkent
2006
8. N.Gaybullaev., R.Yodgorov., R.Mamatkulova. Pedagogika T- 2005
9. O.Xasanbeva va boshkalar Oila pedagogikasi T 2007 y
10. X.Ibragimov Pedagogika T 2007 y
11. U.Askarova va boshkalar Pedagogika T 2008 y
12. Q.Qosnazarov., A.Pazilov., A.Tilegenov Pedagogika «Bilim» N5kis 2009 j
1. Pedagogikanin` payda boliwi xa`m rawajlaniwi
Adamzat ja`miyetinin` payda boliwi menen adamlardin` turmisi, miyneti xa`m o`z-ara
qarim-qatnasi protsesinde ta`rbiya payda boldi. Ta`rbiyanin`
payda boliwina adamzat
ja`miyetinin` ob`ektiv a`meliy za`ru`riyatlari, insaniyattin` ku`ndelikli turmis talaplari xa`m xa`r
tu`rli mu`ta`jliqlari sebep boldi.
A`yyemgi waqitlari jas a`wladqa ta`rbiya beriw uliwma tu`rde xa`mmege birdey turmis
xa`m miynet protsesinde alip barildi.
Ta`rbiya xaqqindag`i ilimnin` pedagogika dep ataliwi bunnan ko`p a`sir burin payda boldi
xa`m oni bunday ataw du`n`ya ju`zinde da`stu`rge aylandi. «Pedagogika» so`zi grek so`zinen
kelip shiqqan bolip «paydo» bala xa`m «gogos»-jeteklewshi, yag`niy bizin`she
bala jetelewshi
degen ma`nisti bildiredi. A`yyemgi Gretsiyada da`slepki waqitlari qul iyelerinin` balalarina
qaraytug`in qullardi pedagoglar dep atag`an. Al olardin` atqarg`an
waziypalarin pedagogikaliq
xizmet dep esaplag`an. Onnan beri neshshe-neshshe a`sirler o`tti, «Pedagogika» so`zinin`
ma`nisi tu`pten o`zgerdi, mazmuni bayidi xa`m bu`gingi qollaniw da`rejesine jetti.
