|
I I BOB.
PYTHONNING SUN’IY INTELLEKT TEXNOLOGIYALARIDAGI O‘RNI
Pdf ko'rish
|
| bet | 68/265 | | Sana | 19.05.2024 | | Hajmi | 49,29 Mb. | | #244032 |
Bog'liq 11-sinf yangi darslik 172 varaq IP adresI I BOB.
PYTHONNING SUN’IY INTELLEKT TEXNOLOGIYALARIDAGI O‘RNI
96
PyBrain
sun’iy intellektning mashinani o‘qitish tarmog‘ini
rivojlantiruvchi Python kutubxonasi hisoblanadi. PyBrain
algoritmlarni sinashi yoki bir nechta algoritmni bir-biriga qiyoslash
orqali muqobil variantni tanlashi mumkin. Shuningdek, u algoritmlarni o‘z imkoniyati
darajasida optimallashtirish qobiliyatiga ham ega.
Scikit-learn
ma’lumotlarni tahlil qilish va qayta ishlashning samarali vositasi hisoblanadi.
MDP (Modular Data Processing) Toolkit
Python yordamida
ma’lumotlarni chuqur qayta ishlash imkoniyatini taqdim etadi.
Shuningdek, u nazoratli va nazoratsiz o‘qitish algoritmlari to‘plamiga
ega ma’lumotlarni qayta ishlashning murakkab va ko‘pqirrali
usullaridan foydalanadi. Kutubxona o‘z algoritmlar bazasini jadallik bilan rivojlantirib
bormoqda. Natijada, yaqin yillarda sun’iy intellektga nisbatan qo‘llanilish ko‘lami yanada
kengayishi kutilmoqda.
O‘tkazilayotgan xalqaro Python dasturchilari forumlari hamda yaratilayotgan yangi o‘quv
qo‘llanmalari orqali keng qamrovli qo‘llab-quvvatlash Python dasturlash tilini yanada
rivojlantirmoqda. Bu esa Pythonning sun’iy intellekt texnologiyalaridagi o‘rnini yanada
mustahkamlamoqda.
Sun’iy intellektni rivojlantirish bo‘yicha ko‘plab loyihalar amalga oshirilmoqda. Ularning har
birida ko‘plab dastur kodlari yoziladi va ular ma’lum bir sinovlardan o‘tadi. Jarayonda ishtirok
etgan qisqa va samarali dastur kodi loyihaning sinov ishlari uchun kamroq vaqt talab qiladi.
Sun’iy intellekt loyihalariga bunday imkoniyatni Python dasturlash tili yuqorida tilga olingan
o‘zining qo‘shimcha kutubxonalari yordamida taqdim etmoqda.
1. Dasturlash tili deganda nimani tushunasiz?
2. Sun’iy intellektda nima uchun Python dasturlash tili qo‘llanilmoqda?
3. Pythonning boshqa dasturlash tillaridan qanday ustunlik tomonlari bor?
4. Nima uchun Python qo‘shimcha kutubxonalardan foydalanadi?
5. Sun’iy intellekt loyihalarini amalga oshirishda Pythonning qanday kutubxonalaridan
foydalanish mumkin? Nima sababdan?
6. Mavzuda berilgan Python kutubxonalarining bir-biridan farqli tomonlarini ayting.
|
| |
