1-MA’RUZA: FANLARNI O‘QITISH METODIKASI KURSIGA KIRISH.
O‘QITISHNING DIDAKTIK TAMOYILLARI
REJA:
O‘qitish usullari haqida tushuncha.
Uslub va vositalar, ularning mohiyati.
Fanlarni o‘qitish metodikasi kursi va uning uzluksiz ta’limi tizimidagi o‘rni.
Fanlarni o‘qitish integratsiyasi (pedagogika va psixologiya fanlari bilan). Fanlarni o‘qitish metodologiyasi..
Didaktika – ta’lim va o‘qitish nazariyasi ekanligi.
Didaktikaning maqsad – vazifalari va asosiy tushunchalari.
Didaktik tamoyillar va ularning tasnifi..
Didaktik tamoyillardan o‘quv jarayonini tashkil etishda foydalanish
Mavzu bo‘yicha tayanch iboralar:
Metod - yunon tilidan olingan bo‘lib, yo‘l, usul, yo‘naltiruvchi uslub degan ma’noni beradi, ya’ni maqsadga erishish yo‘lidir
Vosita - metodlarni muvaffaqiyatli amalga oshirmoq uchun zarur bo‘lgan yordamchi o‘quv materiallari,
asbob-uskuna, qurol, apparat, kompyuterlar va boshq.
Yangi mavzu: O‘qitish usuli deganda ta’lim jarayonida o‘qituvchi va o‘quvchilarning kutilgan maqsadga erishishga qaratilgan birgalikdagi faoliyati tushuniladi. O‘qitish usullari ta’lim jarayonida o‘qituvchi va o‘quvchi faoliyatining qanday bo‘lishini , o‘qitish jarayonini qanday tashkil etish va olib borish kerakligini belgilab beradi. O‘qitish usullari har ikkala faoliyatning a) o‘qituvchi tomonidan o‘quvchilarni bilim, ko‘nikma va malakalar bilan qurollantirish, b) o‘quvchilar tomonidan
berilayotgan ilmiy bilim, ko‘nikma va malakalarni o‘zlashtirish faoliyatida qo‘llanadigan yo‘llarni o‘z ichiga oladi. Ta’lim berish o‘qituvchidan izlanishni, pedagogik mahoratni talab qiladi. Ilmiy salohiyati boy bo‘lgan ustozgina mavzuni talabalarga maxorat bilan yetkazib beradi.
Mavzuning maqsadiga qarab, ta’lim metodlarini tanlay biladi, kerakli vositalardan o‘z o‘rnida foydalaniladi.
Ta’lim metodi ta’limning maqsadi va vazifalariga bog‘liq. Metodlar o‘quvchilarning yoshiga ta’limning mazmuniga va funksiyasiga qarab tanlanadi.
Metodlarni har qanday muammoni uzatish va qabul qilish xarakteriga qarab quyidagi turlarga ajratish mumkin:
Ta’lim mazmunini o‘zlashtirishda o‘quvchilarining bilim saviyasi, o‘zlashtirish qobiliyati, ta’lim manbai, didaktik vazifalariga qarab, munosib ravishda quyidagi metodlar qo‘llaniladi: