|
2-bo’lim. Boshlang’ich sinflarda ona tili o’qitishning xususiy masalalari
|
| bet | 1/5 | | Sana | 25.11.2023 | | Hajmi | 23.82 Kb. | | #105445 |
Bog'liq 3-ma\'ruza 2-kurs kunduzgi Buddaviylik va Xristianlik, Grammarway 2, Kompyuter klaviaturasidagi tugmalar funksiyalari, ozoda2004, AbdurahimTest savollari TQMS Elektrgazpayvandchi II toifa, AbdurahimTest savollari TQMS Elektrgazpayvandchi II toifa, 3-top, 1-mus, ayzada, psihometricheskiy-podhod-k-otsenke-rezultatov-neyropsihologicheskogo-obsledovaniya-v-detskom-vozraste, portal.guldu.uz-Fan sillabusi -YuMB kimyosi
2-bo’lim. Boshlang’ich sinflarda ona tili o’qitishning xususiy masalalari
1-modul. Savod o‘rgatish metodikasi
mavzu: SAVOD O‘RGATISH METODIKASINING MAQSAD VA VAZIFALARI. SAVOD O’RGATISH METODIKASINING ILMIY, PSIXOLOGIK VA LINGVISTIK ASOSLARI
Reja:
1.O‘qish va yozish – nutq faoliyatining turi.
2.Savod o‘rgatish uchun o‘zbek tili tovush tuzilish va yozuvi, ular o‘rtasidagi munosabat.
3.O‘qish va yozish jarayonining psixolingvistik tavsif.
4.Savod o‘rgatish tarixidan.
Tanyach so’z va iboralar: o’qish, yozish, nutq, o’zbek tili, savod o’rgatish, psixolingvistika, metod, metodika.
1. O‘qish va yozish – nutq faoliyatini turi
Maktabda o’qitish elementar o’qish va yozishga o’rgatishdan boshlanadi. “Alifbe”ga asoslangan holda qisqa vaqt ichida o’quvchilar o’qish va yozishga o’rgatiladi, ya’ni o’qish va yozish ko’nikmasini egallaydilar.
Savod o’rgatish davrida o’qish va yozish harakatini maqsadga muvofiq ravishda bajara olish o’qish va yozish ko’nikmasi deyiladi. Bu ko’nikma bilimni talab qiladi, chunki har qanday ko’nikma bilimsiz shakllanmaydi. Bilim ko’nikmaga aylanmagan bo’lishi mumkin. Masalan, bola v harfining elementlarini, yozuv chiziqlari orasiga qanday joylashtirilishini bilib, uni daftarda yoza olmasligi yoki o’quvchi harflarni tanib, ularni o’qiy olmasligi mumkin. Yozish ko’nikmasini hosil qilish uchun boshqa faoliyat turlari, ya’ni yozish jarayonida partada to’g’ri o’tirish, ruchkani barmoqlar orasida tutish, daftarni qiyalikda qo’yish kabilar ham o’rgatiladi.
O’qish va yozish ko’nikmasi takomillashtirila borib, malakaga aylantiriladi. Malakaning shakllanishi uchun bir faoliyat bir necha bora takrorlanishi lozim. Yozish malakasida o’quvchi ruchkani qanday ushlash, qanday yurgizish haqida o’ylab o’tirmay, so’z va gaplarni yoza boshlaydi. Demak, o’qish va yozish malakasi harakatning o’ylab o’tirmay amalga oshirilish jarayonidir. Malaka o’qitishning keyingi bosqichlarida mustahkamlanib, avtomatlashish darajasiga yetkaziladi.
O’qish va yozish malakasi biri ikkinchisining muvaffaqiyatli amalga oshuvini ta’minlaydi. SHuning uchun ham o’qishga o’rgatish bilan yozuvga o’rgatish parallel olib boriladi va bu faoliyat muntazam ravishda mashq qildiriladi. SHunday ekan, savod o’rgatish jarayonida bola juda ko’p o’qishi va yozishi zarur.
O’zbek tili yozuvi tovush yozuvi, ya’ni fonematik yozuvdir. Har bir tovush uchun, har bir fonema uchun maxsus grafik shakl (harf) olingan. O’qishda grafik shakllar tovushga aylantirilsa, yozuvda aksincha, tovushlar harflarga aylantiriladi.
|
| |
