3. Tərəflərin məsuliyyəti
3.1. Tərəflər Müqavilənin şərtlərini yerinə yetirmədiklərinə və ya lazımi qaydada yerinə yetirmədiklərinə görə Azərbaycan Respublikasının qanunvericiliyinə uyğun olaraq məsuliyyət daşıyırlar.
3.2. İcarəyə götürülmüş (fraxt edilmiş) avtonəqliyyat vasitəsinin məhv olması və ya zədələnməsinə görə icarəçiyə (fraxtedənə) vurulmuş ziyanın əvəzini, ondan asılı olmayan səbəblərdən baş verdiyini sübuta yetirməzsə, icarəyə verən (fraxtverən) ödəyir.
3.3. İcarəyə götürülmüş (fraxt edilmiş) avtonəqliyyat vasitəsinin, onun mexanizm, qurğu və avadanlıqlarının istifadəsi zamanı üçüncü şəxslərə dəymiş ziyana görə icarəyə verən (fraxtverən) məsuliyyət daşıyır. İcarəyə verən (fraxtverən) üçüncü şəxslərə dəymiş ziyana görə ödənilmiş məbləğin geri qaytarılması barədə, təqsirin icarəçinin (fraxtedənin) ucbatından baş verdiyini sübuta yetirdiyi halda, icarəçiyə (fraxtedənə) qarşı reqres tələb irəli sürə bilər.
|