|
Elektronika va sxemalar fanidan
|
| bet | 1/2 | | Sana | 26.12.2023 | | Hajmi | 470.56 Kb. | | #128488 |
Bog'liq 15-laboratoriya ishi 6 sinf tarbiya Bilim ol kasb-hunar tanla, 1-LABORATORIYA, tex talim, Avtomatik va yarimavtomarik 2016, Metall va metallmas 2016 (Автосохраненный), zamonaviy-ta-lim-metodlari-ta-lim-samaradorligi-kafolati, 7719-Текст статьи-18562-1-10-20230203, DT loyihasini boshqarish 1top, Variant-000., 1-Kompyuterni tashkil qilish.Mustaqil ish, Moychechak, B1 - 3 ders vezifesimmm, chiniqishning gigiyenik asoslari, amaliy ish das 1 6 21
MUHAMMAD AL-XORAZMIY NOMIDAGI TOSHKENT AXBOROT TEXNOLOGIYALARI UNIVERSITETI QARSHI FILIALI
Elektronika va sxemalar fanidan
15-Labaratoriya ish
Bajardi :KI fakulteti DI 12-22 guruh talabasi Omonov Islom
Qabul 1ildi : Mavlonov Abdulla
QARSHI 2023
15-ЛАБОРАТОРИЯ ИШИ
Операцион кучайтиргични тадқиқ қилиш
Ишни бажаришдан мақсад: операцион кучайтиргичда бажарилган классик релаксацион генераторни тадқиқ қилиш.
15.1.Бошланғич маълумотлар
Релаксационный генератор деб кенг спектрга эга гармоник бўлмаган тебранишлар генераторига айтилади.
Тебранишлар генераторлари кўплаб электрон қурилмаларнинг таркибий қисмидир. Масалан, улар даврий ишлайдиган ўлчов приборларида (рақамли мультиметрлар, осциллографлар), технологик жараёнларни ўлчашда, компьютер ва унинг ташқи қурилмаларида, ҳар қандай рақамли приборда (ҳисоблагич, таймер, калькулятор) ва бошқаларда ишлатилади.
Конкрет қўлланилиши бўйича тебранишлар генераторларидан мунтазам импульслар манбаси (рақамли тизимларда "соат"), таянч вақт интервали (частота ўлчагичларда), ростланувчи генератор (тарқатгич ва қабул қилгичларнинг гетеродинларида), маълум шаклдаги тебранишлар генератори (осциллографларда) ва бошқалар сифатида фойдаланилади.
Энг содда генераторни қуйидаги йўл билан ҳосил қилиш мумкин: конденсатор резистор (ёки ток манбаси) орқали зарядланади, конденсатордаги кучланиш маълум қийматга етганда разрядланади ва бундай цикл даврий равишда такрорланади. Буни EWB дастурида текшириб кўриш мумкин (15.1-расм). Схема йиғилиб ишга тушурилгандан кейин пробел клавишаси ни даврий равишда босилса тебранишлар ҳосил бўлади.
15.1-расм. Тебранишлар генератори
Тебранишларни таъминлаш манбасининг қутбларини даврий равишда алмаштириш йўли билан ҳам ҳосил қилиш мумкин. Бундай йўл билан бажарилган генераторларга «релаксацион генераторлар» деб аталади. Улар содда, арзон ва мукаммал лойиҳаланганда частота бўйича қониқарли стабилликка эга бўлиши мумкин.
Илгари релаксацион генераторларни тайёрлаш учун манфий қаршиликка эга бўлган приборлардан (масалан, бир ўтишли транзисторлар ва неон лампалар) фойдаланилган, ҳозирги вақтда эса, афзалликларга эга бўлганлиги учун, операцион кучайтиргичлар ёки махсус интеграл схемалар ишлатилади.
Операцион кучайтиргич – бу жуда катта кучайтириш коэффициентига ва носимметрик киришга эга бўлган дифференциал ўзгармас ток кучайтиргичидир. Шартли белгиси 15.2-расмда кўрсатилган, у иккита кариш ва битта чиқишга эга, + билан белгиланган кариши инвертирламайдиган ва – билан белгиланган кириши инвертирлайдиган кириш деб аталади.
15.2-расм. Операцион кучайтиргичнинг шартли белгиси
Операцион кучайтиргичнинг ташқи кўриниши 15.3-расмда келтирилган. Унинг ташқи элементларга уланадиган оёқчалари икки қаторга жойлашган бўлади. Корпусининг устидаги ўйиқ жойнинг ёнидаги нуқтага мос келувчи оёқча биринчи оёқча бўлади. Қолган оёқчаларнинг тартиб рақамлари корпуснинг устидан қараганда соат стрелкасига тескари йўналиш бўйича аниқланади (15.4-расм).
15.3-расм. Операцион кучайтиргичнинг ташқи кўриниши
15.4-расм. К140УД6 операцион кучайтиргичнинг оёқчалари( юқоридан кўриниши) : 1-нолни ўрнатиш; 2-инвертирловчи кириш; 3-инвертирламайдиган кириш; 4-таъминлаш манбаси U (одатда 15В); 5-нолни ўрнатиш; 6-чиқиш; 7- таъминлаш манбаси U+ (одатда +15В); 8-ҳеч қаерга уланмайдиган оёқча
15.5-расм. Инвертирловчи кучайтиргич
EWB дастурида йиғилган инвертирловчи кучпйтиргичнинг схемаси 15.5-расмда келтирилган. Агар схеманинг киришига 1В кучланиш берилса унинг чиқишида -10В кучланиш ҳосил бўлади, яъни, кучайтириш коэффициенти тескари ишора билан олинган R2 (тескари боғланиш занжиридаги) ва R1(киришдаги) қаршиликларнинг нисбатига билан аниқланади.
|
| |
