ONA TILI DARSLARIDA “SO`Z BIRIKMASI” MAVZUSINI O`RGATISH
Rahimova
Yulduz Abidovna
NamDU akademik litsey
Tursunova Mahliyo Shuhrataliyevna
Namangan viloyati Norin tumani 44-maktab
Annotatsiya:
Bugungi kunda dars jarayonida ilg’or pedagogik
texnologiyalardan foydalanib, samarali natijalarga erishish maqsad qilingan.
Darsning texnik vositalar, metodlar va ko’rgazmalar bilan tashkil etilishi o’quvchida
mavzu yuzasidan mustahkam bilimga ega bo’lish, mustaqil fikrini bayon eta olish,
faol ishtirok etish ko’nikmalarini shakllantiradi. Maqolada gapda so’zlarning
bog’lanishi, so’z birikmasi hodisalarini o’quvchilarga tushuntirishda foydalanish
mumkin bo’lgan ilg’or metodlar va grafik organayzerlar tavsiya etilgan.
Kalit so`zlar: so`z birikmasi, teng va tobe bog`lanish, test, asalari, bahs-
munozara.
TEACHING WORD PHRASES IN MOTHER TONGUE LESSONS
Rakhimova Yulduz Abidovna
NamSU Academic lyceum
Tursunova Makhliyo Shukhrataliyevna
School #44
Namangan Region, Narin District
Abstract: Today the purpose of the lesson is to achieve effective results using
advanced pedagogical technologies. The organization of the lesson with the help of
technical means, methods and exhibitions develops the student 's solid knowledge of
the subject, ability to express independent opinions, ability to actively participate. In
article the advanced methods of a formulation and graphic organizers who can be
used for an explanation of phrases, phrases for students are offered.
Keywords: phrase, equal and subordinate sentence, test, bees, discussion.
Hozirgi zamon talabi оna tili o’qitishni ham tashkiliy, ham mazmuniy jihatdan
qayta ko’rib chiqishni taqоzо etadi. Ma’lumki, yangilangan оna tili ta’limining
mazmuni o’quvchilarda ijоdiylik, mustaqil fikrlash, fikr mahsulini nutq sharоitiga
mоs ravishda оg’zaki va yozma shakllarda to’g’ri bayon qilish malakalarini
shakllantirish va rivоjlantirishga qaratilgan.
Hayotimizning barcha sohalari kabi ta’lim tizimini ham modernizatsiyalash
bugungi kunning eng dolzarb muammolaridan biri bo‘lib qolmoqda.
Innovatsion
"Oriental Art and Culture" Scientific-Methodical Journal - (3) III/2020
ISSN 2181-063X
394
http://oac.dsmi-qf.uz
ta’lim muhitini yaratish, uni xalqaro andozalarga to‘liq mosligini ta’minlash bugun
tez o‘zgaruvchan ijtimoiy hayotga yoshlarimizni muvafaqqiyatli
ijtimoiylashtirishining muhim omilidir. Mazkur vazifaning samarali hal etilishi o‘z
navbatida ta’lim jarayonining yaxlit tizimi sifatida modernizatsiyalashni taqozo etadi.
Ta’limning innovatsion yo‘nalganligining eng muhim parametrlaridan biri
o’quvchilarni ta’lim jarayoni subyekti sifatida o‘z faoliyatining ijodkoriga aylanishini
ta’minlashdir. Mazkur maqsadga erishish o‘z navbatida o’quvchilarni
guruhlarda,
kichik guruhlarda va juftliklarda hamkorlikdagi ishlarini tashkil etishni talab etadi.
Har bir interfaol metod ta’lim-tarbiya sifatini yaxshilash, samaradorligini
oshirish, o‘qituvchi va ta’lim oluvchilar, o‘quvchi va o‘quvchilar guruhi, shuningdek,
jamoa o‘rtasida o‘zaro
hamkorlikni qaror toptirish, g‘oyaviy va ruhiy birlikka
erishish, yagona maqsad sari intilish, har bir ta’lim oluvchining ichki imkoniyatlarini
ro‘yobga chiqarish, shaxs sifatida namoyon bo‘lishi uchun zarur shart-sharoit hamda
muhitni yaratishda katta imkoniyatlarga ega.
Interfaol metodlar o‘z mohiyatiga ko‘ra ta’limiy yoki tarbiyaviy maqsadlarni
amalga oshirishda ma’lum darajada samaradorlikka erishishni ta’minlasa-da, biroq,
ularning har biri ta’lim yoki tarbiya jarayonida mahsuldorlikni ta’minlash bo‘yicha
turli imkoniyatlarga ega. Shu sababli o‘qituvchilar interfaol metodlarni tanlashda
o‘rganilayotgan mavzu, muammo yoki hal qilinishi lozim bo‘lgan masalaga e’tibor
qaratishlari maqsadga muvofiqdir. Interfaol metodlarni qo‘llashda ta’lim
oluvchilarning yosh,
psixologik xususiyatlari, dunyoqarash darajasi, hayotiy
tajribalari inobatga olinsa, uning samaradorligi yanada oshadi. Bu o‘qituvchilardan
kasbiy mahorat, malaka, bilimdonlik, sezgirlik va intuitsiyaga ega bo‘lishni taqozo
etadi.
“So`z birikmasi” mavzusini o’quvchilarga tushuntirishda quyidagi ta’lim
metodlaridan foydalanish maqsadga muvofiq:
