|
Ta`lim tarbiya protsesine zamanogo`y pedagogikaliq texnologiyalardi qollaniwdin` a`hmiyeti
|
| bet | 1/7 | | Sana | 16.07.2024 | | Hajmi | 81,96 Kb. | | #267703 |
Bog'liq Pedagogikaliq texnologiya (2)
Ta`lim tarbiya protsesine zamanogo`y pedagogikaliq texnologiyalardi qollaniwdin` a`hmiyeti
Pedagogikaliq texnika bul oqiw protsesinde zamanogo`y axborot texnologiyalarinan ken`nen paydalaniw bolip esaplanadi.
Ta`lim-ta`rbiya protsesine zamanogo`y pedagogikaliq texnologiyalardi qollaniw en` da`slep pedagogikaliq qatnasiqlardi insaniyliqqa bag`darlaw ha`m demokratiyalastiriwdi talap etedi.O`ytkeni pedagogikaliq qatnasiqlardi insaniyliqqa bag`darlaw ha`m demokratlastiriwdi a`melge asirmay turip qollang`an ha`rqanday pedagogikaliq texnologiya ku`tilgen na`tiyjeni bermeydi. Ta`lim protsesi oqiwshilardin` bilim aliw ko`nlikpelerin olardin` ilimiy jaqtan du`nyag`a ko`z-qaraslarin do`retiwshilik izleniwlerin rawajlandiriw maqsetine bag`darling`an oqitiwshi ha`m oqiwshilardin` o`z-ara birge islesiwi bolip tabiladi.Basqasha aytqanda, ta`lim mazmuninin` oqitiw metodlari ja`rdeminde o`zlestiriwine erisiw bolip tabiladi.Metod so`zinin` uliwma ma`nisi maqsetke erisiw usili.Oqitiw metodi bul oqitiwshinin` bilimlerdi oqiwshilardin` sanasina etkeriw ha`m sol waqitta olardi oqiwshilar ta`repinen o`zlestirip aliw usili.Didaktikada oqitiw metodlari to`mendegi metodologiyaliq ha`m teoriya qag`iydalarina tiykarlanadi.
1.Oqitiw metodi protsesinde o`zine tiyisli pedagogikaliq sharayatinda obiektiv realliqti biliw metodlarinin` sa`wlesi bolip esaplanadi. Ya`g`niy oqitiw metodlari ja`rdeminde oqiwshilardin` biliw iskerligi sho`lkemlestiriledi ha`m basqariladi.
2.Oqitiw metodlari oqiwshilardi oqitiw, ta`rbiyalawha`m rawajlandiriw maqsetinde qollaniladi.Bul olardin` tiykarg`I funksiyalari bolip esaplanadi.Sonday-aq usi metodlardin` bag`darlawshi ,xoshametlewshi, sho`lkemlestiriwshi ha`m baqlawshi funksiyalari da bar.
3.Oqitiw metodlari jalg`iz ta`lim protsesinin` eki subiekti bolg`an oqitiwshinin` pedagogikaliq ha`m oqiwshilardin` oqiw ha`m biliw ha`reketlerin birlestiriwshi ha`m birge islewdi ta`minlewshi ha`reket usili bolip esaplanadi.
4.Oqitiw metodlari oqiw maerialliq qurallari bolg`an sabaqliq, ko`rgizbeli didaktikaliq ha`m tarqatpa materiallar menen bekkem baylanisqan.
5.Oqitiw metodlari aniq oqitiw usillarinan ibarat boladi ha`m pedagogikaliq protseste qollaniladi.
6.Oqitiw metodlari o`z-ara baylanisqan iskerlik usillari sipatinda sabaqtin` barliq basqishlari, sho`lkemlestiriw ha`m basqariw,oqiwshilardin` o`zlestirgen bilimlerin baqlaw ha`m bahalaw,aling`an na`tiyjelerdi analizlew,u`yge tapsirma beriwde qollaniladi.
7. Sabaqta oqitiw metodlari barqulla birikken halda qollaniladi. Sabaqtin` ha`rbir basqishinda metodlarinin` ol yamasa bul birikpelerinen paydalaniladi. Usi basqishtag`I waziypalardi tabisli sheshiwdi ta`minlewshi metod u`stemlik etiwshi jetekshi tizim payda etiwshi bolip esaplanadi.Qalg`an metodlar og`an boysinadi.
8.Insan iskerligi metodlarinin` o`zgeriwi oqitiw metodlarinin` bayiwina ha`m jan`alaniwina alip keledi.Jan`aliqlardin` g`alabaliq sharayatinda da`stu`rli oqitiw EEM da`stu`rleri ja`rdeminde oqitiw ha`m tag`ida basqa metodlar payda boladi. Didaktika oqitiw metodlarin klassifikatsiyalaw tartisli ma`sele bolip, tu`rli tiykarlar boyinsha a`melge asirilg`an.Akademik I.D.Zverov metodlarin oqitiw deregi ha`m oqiwshilar iskerlik da`rejesine ko`re to`mendegi klassifikatsiyani using`an.
Usi kestege muwapiq oqitiw metodlarinin` tog`iz toparin ta`nlap aliw mu`mkinshiligin beredi.
Belgili didaktik ilimpaz Yu.K.Babanskiy oqitiw metodlarin to`mendegi toparlarg`a ajiratqan.
1.Oqitiwdin` a`wizeki metodlari( gu`rrin`, oqiw,lektsiya, sa`wbet)
2.Oqitiwdin` ko`rgizbeli metodlari
3.Oqitiwdin` a`meliy metodi
4.Oqitiwdin` problemali izleniw metodi
5.Oqitiwdin` logikaliq metodlari
6.O`z betinshe islew metodi
7.Oqitiwda oqiwshilar ha`reketin, iskerligin xoshametlew ha`m tiykarlaw metodi.
8.Oqitiwdin` baqlaw ha`m o`z-o`zin baqlaw metodi.
“Kishi toparlarda islew” qollaniw usili
Kishi toparlarda islew oqiwshilardin` sabaqta aktivligin ta`minleydi.ha`r biri ushin tartista qatnasiw huqiqin beredi. Bir-birinen auditoriyada u`yreniwge imkaniyat tuwiladi, basqalar pikirin qa`dirlewge u`yretedi.
|
| |
