• 23-mavzu: Mehribonim onam (
  • 24-mavzu: “Odobli bola elga manzur” I.Kirish
  • 25-mavzu: Navro`z –bahor bayrami ( 21-mart –Navro`z bayrami munosabati bilan) I.Kirish
  • 26-mavzu: Mehnat –mehnatning tagi rohat I.Kirish
  • III.Yakuniy qism: 4-topshiriq Hunar va mehnat haqida qanday maqollarni bilasiz
  • 27-mavzu: Ona tabiat qo’ynida I.Kirish
  • 28-mavzu: Men sevgan ertak qahramoni I.Kirish
  • 29-mavzu: Mening qahramonim I.Kirish
  • 30-mavzu: Bobom xotiralari
  • II.Asosiy qism
  • 31-mavzu: “Kitobim-oftobim” I.Kirish: Tarbiyaviy mashg`ulotning maqsadi
  • 32-mavzu:Yoz – o`tadi soz! I.Kirish qismi: Tarbiyaviy mashg`ulotning maqsadi
  • 33-mavzu: “Men 1- sinfni tugatdim!”
  • Tushuntirish xati




    Download 2.5 Mb.
    bet10/10
    Sana23.12.2019
    Hajmi2.5 Mb.
    1   2   3   4   5   6   7   8   9   10

    III. Yakuniy qism:

    Qani aytingchi bolalar mustaqillikdan keyin qanday yutuqlarga erishdik?

    Javoblaringiz uchun rahmat.

    Haqiqatdan ham 26 yildirki, ota-bobolarimiz orzu qilgan, kimlardir yetib, kimlardir yetolmagan ozod va obod mustaqil Vatan bag‘rida tinch va farovon hayot kechirmoqdamiz. O‘zbekiston tarixan juda qisqa vaqt mobaynida o‘z kuchi va salohiyatiga ega, o‘z yeri, tinch va osoyishta hayotini himoyalashga qodir, jadal sur’atlar bilan rivojlanib borayotgan zamonaviy, mustaqil, suveren davlatga aylandi! Bu esa har birimizning qalbimizni faxr va iftixorga to‘ldiradi…

    Dars yakunida o`quvchilar fikri umumlashtirilib, rag`batlantiriladi

    23-mavzu: Mehribonim onam

    (8-mart- Xotin-qizlar kuni munosabati bilan)

    I.Kirish:

    Tarbiyaviy mashg`ulotning maqsadi:O`quvchilar qalbida onalarni hurmatlash,qadrlash,sevish,jondek aziz tutish tuyg`usini tarbiyalash.Farzandlarning

    Ota-onalari oldidagi burchlari borasidagi tushunchalarini kengaytirish,odob-axloq tarbiyasini singdirish.



    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tarbiyaviy mashg`ulotning soatning borish:

    Tashkiliy qism.

    O`quvchilarning mashg`ulotga tayyorgarligi,navbatchi axboroti.

    II.Asosiy qism:

    Ona hurmati Q.Muhammadiy

    Ona hurmatin keltirmak uchun,

    Anglamoq kerak onalar burchin.

    Ona so`zi – bu juda ulug` nom,

    Ona – bosh bog`bon,Ona ham posbon.


    Ona uyimiz obodligidir,

    Ona uy husni ham shodligidir.

    Onadir bizni guldek bezagan,

    O`ynab,kech qolsak,yo`qlab izlagan.


    Onamiz – Vatan sharaf va shoni

    Onamiz -tinchlik po`lat qo`rg`oni.


    Ona – qanchalik ulug` va mo`tabar zot! Onalardan tog`lar viqor olgan,quyosh haroratini o`ziga singdirgan.

    -Onalar mehribon,ular shunchalar mehrliki,bizni necha yoshga to`lsak ham “bolam” deb suyadilar.Ona- bu hayot demak.Ona borki,hayot davom etadi,ona borki,oila chirog`i o`chmaydi.Ona borki,olam munavvar.

    -Onalarimiz bizni bir parcha etdan katta qilib,qatorga qo`shadilar,oq yuvib,oq taraydilar.Doimo boshimiz uzra parvona bo`ladilar. Ular oyog`imizga kirgan tikanni kipriklari bilan olishga tayyordirlar.

    -Buning sababi nimada?Ne uchun onalar farzand qoshida bu qadar parvonalar?

    Hatto kerak bo`lsa,farzand uchun jonini fido qilishga ham tayyor ekanliklarining boisi nimada?

    Buning javobi bitta – onalik mehri.Onaning o`z farzandiga bo`lgan cheksiz mehri!

    -Ha,ona mehri toshni eritar.Ular bir umr bolam deb yasharlar.Shunday ekan,onalaringiz siz ham mehribon bo`ling,ularni avaylang,qadriga yeting,aziz o`quvchilar.

    -Ularga ko`p narsa kerak emas.Ular Yaratgandan farzandlariga doimo sog`liq,omonlik tilaydilar.Jigarbandlari kamoli ular uchun eng katta baxtdir aslida.

    Bu haqda O`zbekiston Respublikasining Konstitutsiyasida ham shunday deyilgan.

    64-modda. Ota-onalar o`z farzandlarini voyaga yetkunlariga qadar boqish va tarbiyalashga majburdirlar.

    66-modda. Voyaga yetgan,mehnatga layoqatli farzandlar o`z ota-onalari haqida g`amxo`rlik qilishga majburdirlar.

    III.Yakuniy qism:

    1.Onalar haqida maqollarni bilasiz?

    -Ona bilan bola – gul bilan lola.

    -Onaning ko`ngli bolada,bolaning ko`ngli dalada.

    -Jannat – onalar oyog`i ostidadir.

    2. “Mening onam” mavzusida “Kungaboqar” texnoligiyasini o`tkazish.




    Mo`-tabar

    Suyanchiq





    Ulug` zot



    Uyimizning chirog`i





    Munis




    Onajonimiz





    Dono



    Mehribonimiz





    Shirinso’zimiz



    G’amxo’rimiz


    Mehr bobida onajonlarimizdan qolishmaydigan yana kimlarni bilasiz?

    -Buvijonlarimizni.

    -Barakalla,bolajonlar!

    -Buvijonlarimizga ham ta`rif bering-chi?Ular qanday insonlar?

    -Ular duogo`y,oqila, dono,doimo hurmatda,izzatdalar, piru badavlat,nabiralarini juda sevadilar.

    O`quvchilarga onajonlar,buvijonlar haqida qo`shiq kuylatiladi.

    Dars yakunida o`quvchilar fikri umumlashtirilib, rag`batlantiriladi.



    24-mavzu: “Odobli bola elga manzur”

    I.Kirish:

    Tarbiyaviy mashg`ulotning maqsadi:O`quvchilarga yosh avlod tarbiyasi-kelajak poydevori ekanligini uqtirish.

    O`quvchilarda or-nomus,mehr-oqibat,kamtarlik,insonparvarlik,mehnatsevarlik tuyg`ularini tarbiyalash,kattalarni hurmat qilish,kichiklarni izzat qilishga o`rgatish.



    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tarbiyaviy mashg`ulotning borish:

    Tashkiliy qism.

    O`quvchilarning mashg`ulotga tayyorgarligi,navbatchi axboroti.

    II.Asosiy qism:

    O`qituvchi:

    Inson tarbiyasi – buyuk ma`naviy qadriyatlarga ega. Tarbiya – bu odob

    fazilatlaridan biri.Tarbiyali kishi el o`rtasida e`zozlidir.

    Hozir men sizga Rostgo`ylik haqida hikoya aytib beraman.Diqqat bilan quloq soling.

    Aytishlaricha,Imom Buxoriy hazratlari bolalik yillari ilm o`rganish maqsadida uzoq safarga chiqibdilar.U kishining onalari bolasini to`nining etagiga qirq tilla tangani yaxshilab tikib qo`yibdi. Safar oldidan har qanday vaziyatda ham hech qachon yolg`on so`zlamaslikni tayinlabdi.Yo`lda bola qo`shilib ketayotgan karvonga qaroqchilar hujum qilib qolibdi.Barchani talab bor-yo`g`ini batamom tortib olishibdi-da,bolaga uncha ham e`tibor bermay so`rashibdi:

    -Sening nimang bor?

    -Menda qirq tilla bor,-debdi bola.

    Qaroqchilar bolani masxara qilishibdi.Qaroqchilar boshlig`i bolani olib kelishni buyuribdi.Shunda ham bola to`g`risini gapirib,menda qirq tilla bor,deb turaveribdi va etagini yirtib,tangalarni qaroqchilar boshlig`ining oldiga to`kibdi.Shunda qaroqchilar boshlig`i:

    -Ey,nodon bola,sen bor narsangni aytmaganingda,tillalaring o`zingda qolardi,hech kim bilmagan edi-ku!- debdi.

    Shunda Imom Buxoriy hazratlari safar oldidan onalari hech qachon yolg`on gapirmasliklari lozimligini ta`kidlaganini va onalarining o`gitiga amal qilganliklarini aytgan ekanlar.

    Qaroqchilar boshlig`i yosh Buxoriyning gapidan nihoyatda ta`sirlanib,qaroqchilik,talon-taroj va zo`ravonlikdan qaytib,nochor,faqir odamlardan zo`ravonlik bilan tortib olgan narsalarni miskin,bechoralarga tarqatib tavba qilgan ekanlar.



    III.Yakuniy qism.

    1.Ona safarga otlangan o`g`liga qanday nasihat berdi?

    2. Shunda Imom Buxoriy hazratlari qaroqchilarga qanday saboq berdilar?

    “Ruchka stol o`rtasida”o`yini.(Tanaffusda har bir o`quvchiga o`zi yopishadigan bo`sh tarqatma kartochkalar beriladi.)



    Har bir qatorga A-4 format tarqatiladi. Tarbiya deganda qanday tushunchaga ega bo`ldingiz? Fikringizni qog`ozchalarga yozib formatga yopishtiring.

    O`quvchilar fikri umumlashtiriladi.

    Dars yakunida o`quvchilar fikri umumlashtirilib, rag`batlantiriladi.

    25-mavzu: Navro`z –bahor bayrami

    (21-mart –Navro`z bayrami munosabati bilan)

    I.Kirish:

    Tarbiyaviy mashg`ulotning maqsadi:O`quvchilarga “Navro`z”ning mazmun-mohiyatini keng tushuntirib berish hamda davlatimizning mustaqillik yillarida erishgan yutuqlari,xalqimizning tarixi haqida texnik vositalar yordamida ma`lumotlar yetkazish.

    O`quvchilarni bahor faslini sevish,milliy urf-odatlarimizni qadrlash,insonparvar bo`lishga o`rgatish,ularda do`stlik,ahillik hissini tarbiyalash.



    Tarbiyaviy mashg`ulotning jihozi:DVD,disk, tarqatma material,rasmlar,undirilgan bug`doy.

    Tarbiyaviy mashg`ulotning borishi

    Tashkiliy qism: O`quvchilarning mashg`ulotga tayyorgarligi, navbatchi axboroti.

    O`qituvchi:

    O`zbegimning o`zligi,

    Salomidan bilinur.

    Mehrga to`la qaynoq,

    Kalomidan bilinur.

    Assalomu alaykum!



    Hamma: Assalomu alaykum!

    O`qituvchi:Hozir darsimiz qanday dars?

    O`quvchi: Odob-axloq, xulq-atvor,

    Barchasin bilmoq darkor.

    Ota-onaga hurmat,

    Insoniy go`zal fazilat,

    Barchasin o`rgataman

    Men!Tarbiyaviy soat faniman.



    O`qituvchi:Biz qayerda bilimlarga ega bo`lamiz

    o`quvchi:Maktabda.Maktab ta`lim va tarbiya maskani.

    O`qituvchi: Sizlar qanday bolalarsiz?

    Mashg`ulotga tayyormisiz?



    Hamma: Tayyormiz.

    O`qituvchi:Bugungi mashg`ulotimizni noan`anaviy tarzda o`g`il bolalar va qiz bolalar bellashuvi orqali “ Navro`z – bahor bayrami” ruknida boshqaramiz.

    Aziz bolajonlar!.

    Hozir sizlar qo`lingizdagi vizitkangizda yozilgan so`zga asoslanib o`rningizni topib o`tirasiz. O`quvchilarning qo`llarida dars boshida o`zlari tomonidan tanlangan rangli kartochkalar bo`lib, ularda “Baxt” yoki “Omad” so`zlari yozilgan. Mana, sizlar ikki guruhga bo`lindingiz. Endi guruhlar o`zingiz haqida ma`lumot bering.

    II.Asosiy qism:

    O`qituvchi:Rahmat bolajonlar. Endi musobaqa mashg`ulotimizni davom ettiramiz.

    Hozir o`lkamizda qanday fasl hukm surmoqda? Bahor fasli

    Bahor faslida tabiatda qanday o`zgarishlar bo`ladi?

    O`quvchilar fikri umumlashtiriladi.

    -O`lkamizda bahor…Shuning uchun ham qadimdan dehqonchilik ishlarining boshlanishini bahorning 21-martidan hisoblaganlar.Bu bayram Navro`z,ya`ni Yangi kun deb atalgan.

    Dehqon ahlining qadimiy bayrami – Navro`zni har yili zo`r quvonch,katta tayyorgarlik bilan kutib olish elimizning eng yaxshi udumlaridan biri bo`lib qolgan.

    Bobodehqonlar Navro`zda dala ishlariga kirishib,yer hayday boshlaydilar.Navro`zgacha yo`llarga ko`chatlar ekiladi. Ko`chalar tozalanib,ariqlar qaziladi.Hammayoq supurib-sidiriladi. Navro`z kirar kuni qo`g`irmoch qovurilib,turshak qaynatiladi.Yalpiz,ismaloq,jag`-jag` kabi ko`katlardan somsalar yopiladi.

    Navro`z kunlari yoshlar keksalarga va bemorlarni ko`rishga boroshadi.

    Yalpiz,binafshalarni olib borsalar,qariyalar: “Esonlig-u omonlik,hech ko`rmaylik,yanagi oy-u yillarga o`ynab-kulib yetaylik” – deb tilak bildirishadi. Xonadonlarda to`kin-sochinlik bilan mehmon kutiladi.

    III.Yakuniy qism:

    “Aqliy hujum”usuli 1-topshiriq:

    Bahor faslining klasterini hosil qilamiz. Guruhlar oldilariga qo`yilgan A-4 formatli qog`ozlarga javoblarini yozishadi.

    (Har bir topshiriq bajarilayotganda bahor,sumalak, navro`z haqida qo`shiqlar qo`yiladi.Musiqa o`chirilganda o`quvchilar harakatni to`xtatib,savollarga javob beradilar)




    Daraxtlar gullaydi




    Yangilanish fasli

    Fasllar kelinchagi









    Qushlar issiq o`lkalardan uchib keladi




    Uyg`onish fasli



    Bahor tabiati




    Muzlar eriydi

    Qizg`aldoqlar ochiladi



    Boychechak,binafsha chuchmomalar ochiladi

    Momaqaldiroq gumburlaydi



    Ko`p yomg`ir yog`adi




    Gullar fasli

    O`quvchilar savollarga javoblarni yozib bo`lgach,o`qituvchi ularning fikrlarini to`ldiradi.



    O`qituvchi:Bolajonlar nima deb o`ylaysiz ota-bobolarimiz qaysi fazilatlar bilan “Navro`zi olam”ni kutib olishgan?

    O`quvchilar o`z fikrlarini izohlab berishadi.Demak Navro`zgacha barcha yomon odatlarni tashlab, yaxshi xulq- atvor bilan yangi kunni qarshilashar ekan.

    G`olib guruh rag`bat kartochkalari bilan taqdirlanadi

    O`qituvchi: Xush,o`quvchilar qalaysiz?

    O`quvchilar: Qalaymasmiz,Oltinmiz!

    O`qituvchi: Musobaqani davom ettirishga qandaysiz?

    O`quvchilar: Nasib bo`lsa oldinmiz.

    O`qituvchi: Xursandmisiz?

    O`quvchilar: Xursandmiz!

    O`qituvchi: Unda musobaqani davom ettiramiz.Bugungi darsimizda sizlar bilan “Navro`z” haqida rivoyat tomosha qilamiz.

    O`quvchilarga slayd qo`yib beriladi va tahlil qilinadi.



    O`qituvchi: Bolajonlar Nima uchun Navro`zni kutib olish yaxshi odat bo`lgan?

    O`quvchilar: Guruhlar birin - ketin javob berishadi:

    Savol-javob o`yini 2-topshiriq:

    Dehqonchilik ishi qachondan boshlangan?

    -Dehqonlar navro`zda dala ishlariga kirishganlar,ish hayvonlarini,asboblarini olib chiqib yer haydaganlar,baraka urug`ini sepganlar.

    -Yurtimizda ”Navro`z”ga qanday tayyorgarlik ko`riladi?

    -Navro`zni har yili zo`r quvonch bilan,katta tayyorgarlik bilan kutib olish elimizning eng yaxshi odatlaridan bo`lib qolgan.Doshqozonlarda sumalak,halim pishiriladi.

    -Siz bayramga qanday tayyorgarlik ko`ryapsiz?

    -Ko`chalarni,ariqlarni tozalashda, yosh nihollar ekishda,daraxtlarni oqlashda kattalarga yordam beryapmiz.

    O`quvchilarning fikri to`ldiriladi.Bahor fasli nafaqat go`zalligi bilan ham ajralib

    turadi. Navro`z – biz, turkiy xalqlarning eng ulug`,eng qadimiy,eng sevimli bayramingizdir. Navro`z-yangi kun demakdir. Navro`zda sumalak,halim,ko`k somsa,lochira va ko`k chuchvaralar pishiriladi.

    4-topshiriq. Adashib qolgan so`zlarni joylariga qaytaring .

    Guruhlarlarga qog`ozchalarga yozilgan so`zlar beriladi.O`quvchilar so`zlarni o`z joylariga qo`yib chiqadilar.(Navro`z, sumalak,baraka,lochira,un,qatlama,21-mart,yangi kun,qozon,ezgu niyat,yong`oqlar,halim,go`zal tabiat, yomg`ir,qor, 14-yanvar,sayllar,toshlar va hkz.)

    3-topshiriq:Bolajonlar qaldirg`och xatjildlar ichida sizga topshiqriqlar olib kelibdi . Qani Bayram urf-odatlari haqida aytilgan fikrlarda tushurib qoldirilgan so`zlarni davom ettirib ko`ringchi?

    1-xatjild:

    Navro`zda … -… tozalaydilar. (uy-joyni)

    2-xatjild:

    Navro`zga qadar … …. oqlaydilar. (daraxtlar tanasini)

    3-xatjild:

    Navro`zda …. o`tirmaydilar. (g`amgin)

    4-xatjild:

    Navro`zda araz-ginalarni …… . (unutadilar)

    5-xatjild:

    Navro`z kuni … bayram taomlari jo`natiladi. (bemorlarga)

    6-xatjild:

    Navro`zda …-… mehmonga boradilar. (qarindosh-urug`larnikiga)

    O`qituvchi: Aziz bolajonlar! Mustaqil Yurtimizning kelajagi siz yosh avlodlar qo`lidadir. Bugungi mavzumizda milliy an`analarimiz va umuminsoniy qadriyatlarimiz,o`zbekona urf-odatlarimiz haqida suhbatlashdik.Jannatmakon yurtimizning har bir go`shasida Navro`z tantana qilinmoqda. Bu – istiqlol sharofatidandir.

    Guruhlarning yig`gan ballarini hisoblanib,faol qatnashgan o`quvchilarni rag`batlantiriladi.



    26-mavzu: Mehnat –mehnatning tagi rohat

    I.Kirish:

    Tarbiyaviy mashg`ulotning maqsadi:

    Mehnat haqida tushuncha berish.Hunar moddiy va ma`naviy boylik ekanligi,hunarli kishi hayotda hech qachon xor bo`lmasligi haqida tushuncha berish.



    Tarbiyaviy mashg`ulotning jihozi:

    mehnat qurollari aks etgan rasmlar,plakatlar,mehnat darsida foydalaniladigan texnika vositalari



    Tarbiyaviy mashg`ulotning borishi:

    Tashkiliy qism

    O`quvchilarning mashg`ulotga tayyorgarligi

    II.Asosiy qism:

    Qadim o`tgan zamonda Mirak ismli Dog`istonlik shahzoda bo`lib.uning boyligini hisobiga yetib bo`lmas ekan.

    Safarlarning birida dengizda kuchli shamol uyg`onib,shahzoda kelayotgan kema ag`darilib ketibdi. Ko`pchilik yurtdoshlari halok bo`libdi. Mirakni oqim qirg`oqqa chiqarib tashlabdi.

    U o`z vatanidan ayrilib,boshqa mamlakatga kelib qolibdi. Yonida na puli, na boshpanasi,yeyishga hech narsasi yo`q edi. Tilanchilik qilib ovqat yeyishga oriyati, shahzodalik g`ururi yo`l qo`ymabdi.

    U bolalikda birga o`sgan do`sti Saidni eslabdi. Saidning otasi duradgor-usta bo`lib,eshik, rom yasab sotib kun kechirishardi. Mirak bo`sh vaqtlarida otasidan yashirincha do`stiga yordam berib turar, shu tariqa eshik, rom yasash san`atidan xabari bor edi.

    Shahzoda Mirak shahardagi duradgorlardan biriga shogird tushdi, eshik, rom yasab,sotib kun kechirdi.Vataniga qaytish uchun mablag` to`pladi.

    Yurtiga qaytib kelgach,otasiga ya`ni podshohga boshidan kechirgan sarguzashtlarni aytib beribdi.Podshoh farzandining hunarmand bo`lib o`z yurtiga qaytganidan quvonibdi.U shahzoda Mirakni podshilikdagi eng go`zal,dono va oqila qizga o`ylantiribdi.

    Podshoh vafotidan oldin Mirakni o`rniga podshoh etib tayinlabdi.U o`g`liga shunday deb vasiyat qilibdi:

    -O`g`lim seni o`rnimga podshoh bo`lishinga va ona yurtingga qaytishinga sabab bo`lgan hunaringni farzandlaringga ham o`rgatishingni xohlayman.Chunki,har qanday hunar, bo`lajak yurt egasini barcha muammolarning yechimini topishga yordam beradi.

    Otasining vasiyatiga ko`ra podshoh Mirak, farzandlarining xohishlariga ko`ra hunarmand ustozlar maktablariga o`qishga beradi.Shahzodalar ham ota kasbini zo`r qiziqish bilan o`rganib,xalqqa manzur bo`lib,murod-maqsadlariga yetishibdi.

    Qissadan-hissa shuki:

    inson hayotini bezaydigan ,unga baxt-saodat keltiradigan boylik, faravonlik basxh etadigan yagona narsa bu-mehnatdir. Insonlar halol mehnatlari orqali obro` orttiradilar va o`zlarining baxtli kelajaklarini yaratadilar.Bobomiz Bahovuddin Naqshbandning “Ko`ngling Ollohda, qo`ling mehnatda bo`lsin” degan hikmatli so`zlarida ulkan ma` bor.

    -“Mehnat bilan yashab, o`z hayotini mehnat bilan yashnatib kelayotgan odamlarni hurmat qilish, ularni boshga ko`tarish, hordiqlarini, huzur-halovatini

    o`ylash odamiylikning muhim shartlaridan biridir”.



    III.Yakuniy qism:

    4-topshiriq

    Hunar va mehnat haqida qanday maqollarni bilasiz?



    -Hunaring bo`lsa qo`lingda, non topilar yo`lingda.

    -Urinchoqlik, hojatbarorlik – yaxshi fazilat.

    -Mehnatni sevish , g`ayrat va matonat bilan ishlash lozim. Bunda uchta shirin meva bor: tan salomatligi; ko`ngil rohati; obro`ning ortishi;

    -Mehnatni salomatlikning kaliti deb bil.

    1.Inson hayotda nimani yo`qotishdan qo`rqmasligi mumkin?

    2.Inson nima uchun tinib bilmay mehnat qiladi?

    Aqliy hujum orqali o`quvchilar bilimini tekshirish:

    Kasb-hunarning yomoni bo`lmaydi. Mehnat insonni ulug`laydi.Mehnatni sevish,g`ayrat va matonat bilan ishlash lozim.

    O`qituvchi o`quvchilardan olingan fikrlarni xulosalaydi.Urinchoqlik,hojatbarorlik yaxshi fazilat. Mehnatni salomatlikning kaliti deb bilgan insonlargina baxtli hayot kechirishadi,deb mashg`ulotga yakun yasaydi.

    Dars yakunida o`quvchilar fikri umumlashtirilib, rag`batlantiriladi.



    27-mavzu: Ona tabiat qo’ynida

    I.Kirish:

    Tarbiyaviy mashg`ulotning maqsad: Tabian nima? Nima ucun biz unu asrashimiz va g`amxo`rlik qilishimiz kerakligi haqida suhbat o`tkazish.

    Tarbiyaviy mashg`ulotning jihozi:Tabiat manzarasi , o`simliklar ,hayvonlar aks ettirilgan rasmlar va videotasmalar.

    Tarbiyaviy mashg`ulotning borishi:



    Tashkiliy qism. Mashg`ulot maqsadi bilan tanishtirish.



    II Asosiy qism :

    Tabiat manzarasi aks ettirilgan : yurtimiz ko`chalari ,bog`lari hayvonot dunyosi va qushlar, gulzor bog`lar va tog`lar aks ettirilgan videolavha namoyish etiladi. Bularning barchasi bir so`z bilan tabiat deb atalishi aytib o`tiladi.




    O`qituvchi : Tevarak atrofimizni o`rab turgan , mana shu lavhada ko`rgan barcha narsalar tabiat deb ataladi. Tabiat jonli va jonsiz tabiatga bo`linadi.

    Hozir ko`rgan lavhani ko`z oldingizga keltiring va shu yerdan qaysilari jonli tabiatga , qaysilari jonsiz tabiatga kirishina aniqlab olamiz.

    O`quvchilar guruhlarga bo`linib jonli va jonsiz tabiatga kiruvchi harsalar alohida- alohida yozib chiqishadi va uni doskaga osib qo`yiladi. Hamma ishni yakunlagach, tushunchalar umumlashtiriladi.

    Demak , Hayvonlar ham odamlardek nafas olishi, ovqatlanishi, ulg`ayishi va qandaydir holatlarda insonlarga foyda keltirishi mumkin ekan. O`simliklar ham ildizlari orqali suv ishadi, oziqlanadi, barglari orqali nafas oladi, bizlarga iflos havoni barglari orqali tozalab, toza havo yetkazib beradi .

    Baland osmono`par tog`larimiz, suvlar, qum, toshlar, ter osti bo`yliklarimiz- oltin, kumush , mis, toshko`mir, neft va tabiiy gaz ham tabiat ne`matlaridir . Ular yer yuzida insoniyat barpo bo`lgandan boshlab insonga xizmat qiladi.Inson ongi rivojlanib borgan sari bu tabiat ne`matlarini o`rganib keldi . Ularning tarkibi, nima uchun ishlatish mumkinligini va qanday foydalanish kerakligini olimlarimiz o`rganib bordilar. Hozirgi paytda bizning yer osti va yer usti boyliklarimizdan xo`jaligimizning turli sohalarida ishlatilib kelinmoqda.

    Yer yuzining tabiiy xaritasidan mintaqalardagi tabiatning xilma- xilligi, hayvon va o`simliklardagi farqi ko`rsatib o`tiladi.

    III Yakuniy qism :

    Bugun biz sizlar bilan tabiat haqida suhbatlashdik. Yerimizdagi har bir xas- cho`p ham biz uchun qadrli ekani haqida bilib oldik. Tasavvur qiling, agar uyimizda bir kun kechgacha suv, tabiiy gaz va elektr nuri bo`lmasa qanday holat yuzaga keladi. Endi bu holatni yer yuzida bo`lmasligini ko`z oldingizga keltiring. Buning uchun bizlar nima qilishimiz kerak? Albatta tabiatni asrab –avaylashimiz kerak . Shundagina kelajak avlodlarimiz ham bu ne`matlardan foydalanish imkoniyatiga ega bo`ladilar. Shu maqsadda O`zbekiston ham ko`p davlatlar qatori “EKOSAN” jamgarmasiga a`zo bo`lgan . Bu jamg`armaning asosiy maqsadi yer yuzida nobud bo`lib ketayotgan ba`zi bir hayvonlar, o`simliklarni ko`paytirish va saqlash, suv va havoning ifloslanishining oldini olish choralarini ko`rishga qaratilgan.

    Bu ishda biz ham o`z hissamizni qo`shishimiz kerakligini tushunib oldik.

    Dars yakunida o’quvchilar rag’batlantiriladi.


    28-mavzu: Men sevgan ertak qahramoni

    I.Kirish:

    Tarbiyaviy mashg`ulotning maqsadi:O`quvchilarda ertaklarni o`qishga qiziqish tuyg`usini tarbiyalash.Ertak qahramonlari timsolida o`quvchilarni kamtar,insonparvar,yaxshilarni qadrlashga,kattalarni hurmat qilishga o`rgatish.

    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tashkiliy qism: O`quvchilarning mashg`ulotga tayyorgarligi,navbatchi axboroti.



    II.Asosiy qism:

    O`qituvchi:“Bir bor ekan,bir yo`q ekan,qadim-qadim zamonda…”.Bolajonlar,bu nima?

    O`quvchi: Bu ertak.

    O`qituvchi:Qanday ertaklarni bilasiz?

    O`quvchilar: ”Bo`g`irsoq”,”Echki bolalari va Bo`ri”,”Sholg`om”,”Zumrad va Qimmat”,”Uch og`a-ini botirlar” va boshqalar ertak nomlarini aytishadi.

    Ertaklar doimo yaxshilikka yetaklaydi.Ertakda xalq og`zaki ijodining xususiyatlari to`laligicha namoyon bo`ladi.O`tmishda ham,hozirgi zamonda ham ertaklar yozma adabiyot vakillari tomonidan ham yaratilgan.Demak,ularning barchasi og`zaki tarzda yaratilgan desak xato bo`ladi

    Ertaklarda asosan,hayvonlar,turli afsonaviy jonzotlar qahramon sifatida qatnashadi.Aksariyat o`zbek ertaklarida mardlik,halollik,va`daga vafo,adolat,ota-onaga,katta-kichikka hurmat,Vatanga muhabbat,jasurlik kabi tushunchalar va fazilatlar ilgari tushuniladi.

    III.Yakuniy qism:

    1-topshiriq:”Tarmoqlash” metodidan foydalaniladi

    O`quvchilarga varoqlar tarqatiladi.Ularga o`zlari yoqtirgan ertak nomi va uning qahramonlarining nomlarini yozish topshiriladi

    2-topshiriq.

    O`zingiz yoqtirgan ertak qahramonining ijobiy va salbiy fazilatlarini yozing:

    “T”sxemasi asosida yozishadi



    O`quvchilar fikri umumlashtiriladi.

    Dars yakunida o`quvchilar fikri umumlashtirilib, rag`batlantiriladi.

    29-mavzu: Mening qahramonim

    I.Kirish:

    Tarbiyaviy mashg`ulotning maqsadi:O`quvchilarda ertaklarni o`qishga qiziqish tuyg`usini tarbiyalash.Ertak qahramonlari timsolida o`quvchilarni kamtar,insonparvar,yaxshilarni qadrlashga,kattalarni hurmat qilishga o`rgatish.

    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tashkiliy qism: O`quvchilarning mashg`ulotga tayyorgarligi,navbatchi axboroti.



    II.Asosiy qism:

    O’qituvchi: har bir inson o’zining sevimli qahramoniga ega. U o’z qahramonga havas qiladi. Uning har bir hatti harakatini taqlid qiladi. Doimo unga o’xshashga intiladi.

    Qahramonlar albatta, ijobiy va salbiy bo’lishi; ijobiy qahramonlar insonlarni yaxshilikka undashi, salbiy qahramonlar esa ko’plab yonliklar qilib insoniyatga kulfat keltirishi haqida aytib o’tiladi.

    Haqiyqiy qahramonlar yurt shonu-shavkati yo’lida jon fido aylagan, yurtning tinchligini hamma narsadan ustun qo’yuvchi insonlar ekanligi haqida tushuncha berish.

    Shunday insonlar haqida suhbat uyushtiriladi. Jaloliddin Manguberdi, Amir Temur, Alpomish, Islom Karimov, Najmiddi Kubro….

    III.Yakuniy qism:

    1-topshiriq:”Tarmoqlash” metodidan foydalaniladi



    O`quvchilarga varoqlar tarqatiladi.Ularga o`zlari yoqtirgan qahramon nomi va uninf fazilatlarini yozish topshiriladi.

    O`quvchilar fikri umumlashtiriladi.

    Dars yakunida o`quvchilar fikri umumlashtirilib, rag`batlantiriladi.



    30-mavzu: Bobom xotiralari (Xotira va qadrlash kuni oldidan)

    I.Kirish:

    Tarbiyaviy mashg`ulotning maqsadi: O`quvchilarga Vatan degan muqaddas tuyg`uni,uning aziz insonlarini,Ona Vatan himoyasi uchun jonini ayamagan mard,jafokash,jasur o`g`lonlarini yana bir bor yod etish mazmun-mohiyatini keng tushuntirib berish. hamda davlatimizning mustaqillik yillarida erishgan yutuqlari,xalqimizning tarixi haqida texnik vositalar yordamida ma`lumotlar yetkazish.

    Tarbiyaviy mashg`ulotning jihozi:Proyektor va kompyuter,DVD, tarqatma material,rasmlar.(Mahallada istiqomat qilayotgan urush yoki mehnat faxriylaridan taklif qilish)

    Tarbiyaviy mashg`ulotning borishi:

    Tashkiliy qism: O`quvchilarning mashg`ulotga tayyorgarligi, navbatchi axboroti.

    Ma`naviyat daqiqasi.

    O`qituvchi:

    Sen mening bobomsan – Xotira,

    Sen mening momomsan-Qadr!

    Bir qadim yo`llar-a…..Xotira….

    Bir qadim yo`llar-a…...Qadr….

    G`alvirak dunyoning dog`lari

    Po`panak bog`laydi raxtma-raxt

    Xotira ko`nglimning tog`lari,

    Qadr-ko`nglim suyangan daraxt.

    Men-da, bir novdangman, Qadr,

    Sen mening bobomsan – Xotira,

    Sen mening momomsan –Qadr

    Bir qadim yo`llar-a……Xotira….



    II.Asosiy qism:

    -She`r nima haqida ekan? (Xotira va qadrlash haqida ekan)

    -Demak,bugungi darsimizda “Xotira va Qadrlash” kuni haqida suhbtlashamiz.

    Yurtboshimiz farmoniga ko`ra,xalqimizning Vatan ozodligi va mustaqilligi uchun jon fido etgan farzandlari xotirasini abadiylashtirish,bugun ham el-yurtimiz obro`yini yuksaltirishga,siz yoshlarni tarbiyalashga hissa qo`shayotgan faxriylarni ardoqlsh maqsadida 9-Mayni” Xotira va Qadrlash kuni” sifatida keng nishonlash an`anasi qaror topdi.

    Bugungi darsimizda noan`anaviy tarzda “Eng muqaddas kun” ruknida boshqaramiz.



    O`qituvchi:-Bolajonlar siz musobaqa deganda nimalarni tushunasiz?

    O`quvchilar: Ikki yoki bir necha guruhning o`zaro savol – javob yoki o`yin orqali musobaqalashuvini.

    O`qituvchi: -Qanday musobaqa turlarini bilasiz?

    O`quvchilar:-Birin-ketin bilgan musobaqalarini aytadilar. “Bilimlar bellashuvi”,”Futbol”,”Suzish”,”Volleybol”,”Kurash”

    O`qituvchi: -Balli! Sizlar musobaqalarni juda yaxshi bilar ekansizlar.

    Aziz bolajonlar!.

    Hozir sizlar qo`lingizdagi vizitkangizda yozilgan so`zga asoslanib o`rningizni topib o`tirasiz. O`quvchilarning qo`llarida dars boshida o`zlari tomonidan tanlangan rangli kartochkalar bo`lib, ularda “Do`stlik”,“E`zoz” yoki”G`urur” so`zlari yozilgan. Mana, sizlar uch guruhga bo`lindingiz. Endi guruhlar o`zingiz haqida ma`lumot bering.

    Do`stlik” guruhi

    Do`st mushkulini oson-

    Qilishni istar inson,

    Olam to`lsin ziyoga,

    Do`stlik kerak dunyoga.

    “E`zoz” guruhi

    Tinchlik juda soz,

    To`kin-sochin yoz.

    O`q tovush chiqmas,

    Yangrar qo`shiq,soz,-

    G`urur”gurur

    Tinchlik bo`lsin hamma yoq,

    Buning uchun hamma vaqt.

    Kurashar jam bo`lib xalq

    Urushga yo`l bermaymiz,

    Tinchlik yengar,tinchlik haq.



    O`qiituvchi:1-topshiriq: Keling shirin so`zlar orqali uchala guruh kayfiyatlarini

    ko`tarib, darsimizni davom ettiraylik.O`quvchilar o`z tilaklarini o`rik, bodom va shaftoli gullariga yozib,o`rik va bodom daraxtlari maketlariga osadilar.

    Masalan:

    Sizga omad yor bo`lsin,xush kelibsiz, sog` bo`ling, barakalla, ko`p yashang,

    ofarin, niyatingizga yeting, Baraka toping, dunyo turguncha turing, omon

    bo`ling,yaxshi dam oling. (guruhlar tilak daraxtlari bilan o`zaro almashadilar)



    O`qituvchi: Rahmat bolajonlar. Endi musobaqa darsimizni davom ettiramiz.

    Hozir o`lkamizda qanday fasl hukm surmoqda? Bahor fasli

    Bahor faslida qanday bayram va kunlarni nishonlaymiz?

    8-mart – Xalqaro xotin-qizlar kuni

    21 – mart Navro`z bayrami

    9 – aprel Sohibqiron Amir Temur bobomiz tavallud topgan kun

    9 – may Xotira va Qadrlash kuni

    25 – may So`nggi qo`ng`iroq kuni

    Bir necha yillardan buyon Xotira va Qadrlash kuni yurtimizda keng

    nishonlanmoqda.

    Hozir siz bilan shu kunga atalgan videolavhani ko`ramiz va suhbatimizni davom

    ettiramiz.(3-5 daqiqalik lavha namoyish etiladi)

    1.Xotira va qadrlash maydonida nimalarni ko`rish mumkin ekan?

    2.Xotira va qadrlash kunining ma`nosi nimadan iborat ekan?



    O`qituvchi:Xotira o`zlikni anglash,o`tmishni doimo yodda tutishga da`vat qilib turadigan muqaddas tuyg`u.Inson o`zining kimligini xotira va qadr tiyg`usi orqali chuqurroq anglaydi.

    Biz Millat,Vatan, Istiqlol kabi bir necha so`zlarni hurmat bilan tilga olamiz,muqaddas sanaymiz.Ana shu tushunchalar haqida so`z yuritganda,fikrimizni beixtiyor xotira tuyg`usi band etadi.Inson xotirasi muqaddas,u o`z ajdodlarini esga olib,ezgu ishlarni yod etadi.Ajdodlarni xotirlash susaysa yoki yo`qolsa,ya`ni ajdodlar bilan avlodlar o`rtasida uzilish yuz bersa,millat tanazzulga yuz tutar ekan.

    Muqaddas sanalgan tushunchalarning hammasi xotira bilan tirik.U nafaqat o`tmishni unutmaslik,balki bugungi kunni va kelajakni yorqin tasavvur etish ham demakdir.

    Xotira insonni kelajakka teran ko`z bilan qarashga o`rgatadi.Qadrlash esa,xonadonlarimizga fayz-baraka bag`ishlab,qilayotgan ishlarimizga oq fotiha tilab turgan qariyalarning hurmatini joyiga qo`yishdir.



    III. Yakuniy qism:

    O`quvchilar yangi mavzuni qay darajada o`zlashtirganlarini bilish maqsadida quyidagi texnologiyalardan foydalanamiz.

    Aqliy hujum”usuli :

    2-topshiriq:Endi bolajonlar egallagan bilimlaringizni mustahkamlash

    maqsadida “Nima uchun” o`yinini o`tkazamiz.


    Ajdodlarimizning mardonovor kurashlarini eslash uchun

    Nima uchun ? texnologiyasi


    Bugungi farovon hayotga osonlik bilan erishilmaganini bilish uchun



    Nima uchun 9-mayXotira va qadrlash kuni deb e’lon qilindi?

    O`tmishimizni unutmasligi-miz uchun

    Ota-ona, qavm-qarindoshlarni qadrlash,xotirlash uchun




    Keksalarni ardoqlash uchun


    Bemorlarning holidan xabar olish uchun



    Yurtni qadrlash uchun




    Tinchlikni,osoyish-talikni qadrlash uchun

    Shu tariqa uchala guruh fikrlarini bayon etadi.

    Barakalla bolajonlar mavzu haqida ko`pgina bilimga ega bo`libsiz.

    Dars yakunida o`quvchilar fikri umumlashtirilib, rag`batlantiriladi.



    31-mavzu: “Kitobim-oftobim”

    I.Kirish:

    Tarbiyaviy mashg`ulotning maqsadi:O`quvchilarning kitob o`qishga,ilm olishga,kutubxonadan foydalanishga qiziqishini hosil qilsh.O`quvchilar qalbiga hamma narsadan ilm kuchli,qadrli ekanini singdirish.

    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tarbiyaviy mashg`ulotning borishi:

    Tashkiliy qism.

    O`quvchilarning mashg`ulotga tayyorgarligi,navbatchi axboroti.

    II.Asosiy qism:

    O`qituvchi:

    Topishmoqning javobini toping:

    Juda sevamiz uni, U barchaning ulfati,

    Xilma-xildir mazmuni. Bo`lar ba`zan surati,

    O`qituvchi emas-ku, Qani,o`rtoq,buni top!

    Bilim bera olar u. Eslagan der: bu……(kitob)

    -Demak,bugungi suhbatimiz nima haqida ekan? –Kitob haqida ekan.

    -Bolajonlar ayting-chi? Kitob bizga nimalarni o`rgatadi?

    -Kitob bizga dunyo sirlarini,ajoyibotlarini ochib beradi,yangi bilimlar egallashga yordam beradi.

    Endi kitob haqida qissa tinglang. Buyuk hakim va faylasuf Ibn Sino yozadi:Arastunung “Metafizika”(tabiatdan tashqaridagi hodisalar haqidagi fan) asarini to yod bo`lguncha qayta-qayta o`qidim.Lekin baribir hech narsani tushunmadim.Tushunarsiz narsa ekan,degan xulosaga kelib tashlab qo`ydim.Bir kuni muqovasozlar bozoridan o`tayotib,bir savdogarning o`z kitoblarini maqtayotganini eshitib qoldim.Do`konga yaqin bordim.Savdogar menga kitoblardan birini ko`rsatdi.Bu Abu Nasr Farobiyning “Metafizikaning asosiy qoidalari” deb nomlangan asari edi.Men biroz tajang bo`lib,tushunarsiz ilmdan hech qanday foyda yo`qligini aytib, kitobni rad etdim. Sotuvchi esa qo`yarda -qo`ymay kitobni arzon bahoda sotib olishga undardi.Axiyri kitobni bor-yo`g`I uch dirhamga sotib oldim.Uyga qaytib,kitobni mutolaa qilishga kirishdim: u menga o`z sirlarini ochdi va men falsafaga oid barcha savollarimga javob topdim.

    2-qissa:Donishmand Abu Bakr al-Xorazmiy og`ir betob edi.Shogirdlari undan so`radilar:

    -Ko`nglingiz nimani xohlaydi,ishtahangiz nimani tusamoqda?

    -Kitobning yuziga bir qarasam,-dedi u.

    Mana,ko`rdingizmi,yaxshi kitob dastlab qiyin,tushunarsiz bo`lib tuyulgan ilm yoki voqealarni anglab yetishga hammamizga ko`maklashadi,yangi bilimlarni egallashda yordam beradi va bizga to`g`ri yo`lni ko`rsatadi.

    III.Yakuniy qism:

    Kitob o`qish odob-qoidalari bilan tanishtirish.

    1.Kitobni tanlay olish va zarurini o`qish.

    2.Kitobni mustaqil o`qishni bilish.

    3.O`qiganlaridan hayotiy xulosalar chiqarish.

    4.Uning kerakli joylarini yon daftariga ko`chirib,uni esda saqlash.

    5.Kitobni yaroqsiz holga keltirmaslik uchun undan to`g`ri foydalanishni bilish.

    6.Kitobni shoshmasdan o`ylab,diqqat – e`tibor bilan o`qish malakalariga ega bo`lish.

    7.Qayta-qayta o`qish – kitobxonlik ko`nikmasini orttirish.

    O`qituvchi:Dunyodagi barcha kitoblarni sotib olish mumkinmi? Nima uchun?

    O`quvchi:Yo`q,sotib olish mumkin emas.

    O`quvchi:Uy sharoitida uncha kitobni saqlash qiyin.

    O`quvchi:Men o`qimoqchi bo`lgan kitob do`konda bo`lmasligi mumkin.

    O`qituvchi:Xush,bunday holatda bizga nimalar yordamga keladi?

    O`quvchi:Kutubxonalar yordamga keladi.

    O`qituvchi:Barakalla, bolajon!

    Demak,kutubxonalar bizni kitoblar dunyosiga boshlar ekan.Ajdodlarimizdan o`rnak olib,bo`sh vaqtingizni kitob o`qishga sarflashga harakat qiling,kitobni seving.Kitob o`qish qoidalariga rioya qiling.Sizning hozirgi mehnatingiz kitob o`qishdir.Kitob o`qish uchun mehnat sarflasangiz o`qimishli kishi,hatto katta olim bo`lib,O`zbekistonning kelajagi uchun yangiliklar yaratasiz.

    Dars yakunida o`quvchilar fikri umumlashtirilib, rag`batlantiriladi.

    32-mavzu:Yoz – o`tadi soz!

    I.Kirish qismi:

    Tarbiyaviy mashg`ulotning maqsadi:O`quvchilarga yozgi fasli,yozgi ta`til vazifalari haqida tushuncha berish..

    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tarbiyaviy mashg`ulotning borish:

    Tashkiliy qism

    O`quvchilarning mashg`ulotga tayyorgarligi,navbatchi axboroti.

    O`qituvchi:



    II.Asosiy qism:

    Yoz fasli iyun oyidan boshlanadi.Ammo bizning Vatanimizda may oyining o`rtalaridan havo yozdagidek issiq bo`ladi.Yozda yomg`ir kam yog`adi.Maktablarda o`qishlar yakunlanib,o`quvchilar yozgi ta`tilga chiqadilar.

    Bu vaqtda bolalar dam olish maskanlari,sog`lomlashtirish oromgohlarida dam oladilar. Mamlakatimizda bolalar oromgohlari juda ko`p.Ular tabiati chiroyli,havosi toza joylarda qurilgan.

    Tabiat qo`yniga sayohatga chiqilganda yurishning,kiyinishning,suvda cho`milishning o`z qoidalari bor.

    Oftobda вosh kiyimsiz yurish,gullar,o`tlarni yulish,hasharotlarga,hayvon va qushlarga teginish,katttalar nazoratisiz suvga tushish,cho`milish mumkin emas.

    Bu qoidalarga albatta rioya qilish kerak.Shunda turli ko`ngilsiz hodisalar yuz bermaydi.



    III.Yakuniy qism:

    O`quvchilar fikri umumlashtiriladi, rag`batlantiriladi



    33-mavzu: “Men 1- sinfni tugatdim!”(Maktab haqida taasurotlarim)

    I.Kirish qismi:

    Tarbiyaviy mashg`ulotning maqsadi: O`quvchilarning o’quv yili davomidagi taassurotlari bilan o’rtoqlashib, ularga yozgi ta’tilni mazmunli o`tkazish bo’yicha tavsiyalar berish, yozgi oromgohlarga yoki cho`milish havzalariga borganda ehtiyot bo`lishlikni uqtirish

    Tarbiyaviy mashg`ulotning jihozi:DVD,disk, tarqatma material,rasmlar,plakat.

    Tarbiyaviy mashg`ulotning borish:

    Tashkiliy qism

    O`quvchilarning mashg`ulotga tayyorgarligi,navbatchi axboroti.

    II.Asosiy qism:

    O’quvchilardan yil davomida olgan bilimlarimizni bir eslashlari haqida so’raladi. Ona tili,o’qish,matematika,odobnoma,atrofimizdagi olam,odobnoma,musiqa, ingiliz tili,texnalogiya hamda yo’l harakat qoidalari fanlaridan olgan bilimlari umumlashtiriladi. 1- sinfga kelgan vaqti hamda 1- sinfni tugatgan vaqtdagi bilim saviyalari, muomala madaniyati hamda o’zini tutish madaniyatidagi tafovutlar haqida suhbat olib borish. Yozgi ta’til qachon boshlanishi hamda yoz davomida xavfsizlik qoidalariga amal qilish haqida suhbat olib borish

    Yozgi tatil vaqtida bolalar dam olish maskanlari,sog`lomlashtirish oromgohlarida dam oladilar. Mamlakatimizda bolalar oromgohlari juda ko`p.Ular tabiati chiroyli,havosi toza joylarda qurilgan.

    Tabiat qo`yniga sayohatga chiqilganda yurishning,kiyinishning,suvda cho`milishning o`z qoidalari bor.

    Oftobda вosh kiyimsiz yurish,gullar,o`tlarni yulish,hasharotlarga,hayvon va qushlarga tegish,katttalar nazoratisiz suvga tushish,cho`milish mumkin emas.

    Bu qoidalarga albatta rioya qilish kerak.Shunda turli ko`ngilsiz hodisalar yuz bermaydi.



    III.Yakuniy qism.

    1.Nega ota-onalar ruxsatisiz ko`chaga chiqish mumkin emas?

    2.O`quvchilar yozgi ta`tilda qayerlarda dam oladilar?

    3. Toqqa chiqayotganda qanday xavsizlik choralarini ko’rishi kerak?

    4. Katta yo’llarda o’tayotganimizda nimalarga e’tibor berishimiz zarur?

    O`quvchilar fikri umumlashtiriladi,rag`batlantiriladi.





    Download 2.5 Mb.
    1   2   3   4   5   6   7   8   9   10




    Download 2.5 Mb.

    Bosh sahifa
    Aloqalar

        Bosh sahifa



    Tushuntirish xati

    Download 2.5 Mb.