|
XULOSA…………………………………………………………………………34
|
| bet | 2/8 | | Sana | 28.09.2024 | | Hajmi | 155,11 Kb. | | #272797 |
Bog'liq KURS ISHI-ISHLAB CHIQARISHNI DIVERSIFIKATSIYALASH VA MODXULOSA…………………………………………………………………………34
FOYDALANILGAN ADABIYOTLAR……………………….………….……37
KIRISH
Mavzuning dolzarbligi. Barchamizga ma’lumki 28 yanvar kuni O’zbekiston Prezidenti 2022−2026 yillarga mo’ljallangan Yangi O’zbekiston taraqqiyot strategiyasi to’g’risidagi farmonni imzoladi. Strategiya 7 ta yo’nalish va 100 ta maqsaddan tashkil topgan. Bo‘lib, uning 3 - yo‘nalishi bevosita milliy iqtisodiyotni jadal rivojlantirish va yuqori o’sish sur’atlarini ta’minlashga yo ‘naltirilgan maqsadlarni ko ‘zda tutadi. Unda milliy iqtisodiyot barqarorligini ta’minlash va yalpi ichki mahsulotda sanoat ulushini oshirishga qaratilgan sanoat siyosatini davom ettirib, sanoat mahsulotlarini ishlab chiqarish hajmini 1,4 baravarga oshirish maqsadi belgilangan bo‘lib, ushbu maqsadni amalga oshirish bevosita ishlab chiqarishni modernizatsiya qilish bilan bog ‘langan. Modernizatsiya jamiyat hayoti yoki ishlab chiqarish sohalaridagi har qanday jarayon va hodisalarni turli takomillashtirishlarni joriy etish orqali zamonaviy talablarga muvofiqlashtirish maqsadida o‘zgartirishdan iborat. Sanoatni modernizatsiya qilish korxonalar va ishlab chiqarish majmualarining ishlab chiqarish tizimini, birinchi navbatda, ishlab chiqarishning texnik-texnologik bazasini zamonaviy holatga keltirishni nazarda tutadi. Shu bilan birga, ishlab chiqarishni tashkil etish va korxonaning ijtimoiy sohasini ishlab chiqarishning yangi moddiy-texnik bazasiga moslashtirish kerak.
Zamonaviy iqtisodiy sharoitda, tashkilotning raqobatbardoshligi nafaqat mustaqil xo'jalik yurituvchi sub'ekt sifatida saqlanib qolishi, balki kelajakda ham ishlashi va rivojlanishi mumkinligiga bog'liq bo'lsa, asosiy maqsad ishlab chiqarishni kengaytirish yoki yangi bozor segmentlariga kirish uchun qo'shimcha moliyalashtirish manbalarini izlash va texnologik darajani yaxshilashdir. Zamonaviy tashkilotlar oldida turgan eng muhim vazifalardan biri mavjud yoki jalb qilingan resurslardan to‘liqroq va oqilona foydalanishni ta’minlash, ishlab chiqarishni iste’molchilar ehtiyojlariga moslashtirish, faoliyatning yangi, istiqbolli yo‘nalishlarini rivojlantirish uchun innovatsion texnologiyalarni joriy etishdan iborat. Bozor iqtisodiyoti tizimiga o'tish davrida tashkilotlar o'rtasidagi raqobatning kuchayishi raqobatbardoshlikni oshirish va tanlangan bozor segmentida tashkilotning mavqeini mustahkamlash uchun biznesni rivojlantirishning yangi yo'nalishlarini izlash zarurligiga olib keldi. Shu munosabat bilan, so'nggi yillarda, ko'pincha, ko'plab tashkilotlar biznes samaradorligini oshirish uchun ishlab chiqarishni diversifikatsiyalash kabi iqtisodiy vositalardan foydalanishni boshladilar, bu esa tadqiqotning dolzarbligini belgilab beradi. Biznesni diversifikatsiya qilish - bu moliyaviy yoki ishlab chiqarish resurslarini turli sohalar va tarmoqlarda taqsimlash bilan bog'liq ishlab chiqarish yoki savdo jarayonida yuzaga keladigan xavflarni minimallashtirishga qaratilgan usul.Turli xil diversifikatsiya dasturlari orqali biznesni modernizatsiya qilish tendentsiyasi 1950-yillarning o'rtalarida butun dunyo bo'ylab ishbilarmonlar tomonidan tan olingan.
Diversifikatsiya strategiyasining amalga oshirilishi bugungi kunda dunyodagi eng yirik kompaniyalarning aksariyati o‘z faoliyatini turli yo‘nalishlarda rivojlantirayotganiga olib keldi. Hozirgi vaqtda bunday iqtisodiy siyosat eng samarali hisoblanadi, chunki biznesning innovatsion turlarini joriy etishdan kelib chiqadigan muqarrar xavflar an'anaviy, o'zlashtirilgan faoliyat turlari bilan sug'urta qilinadi va aksincha.
Mamlakatimizda o’z vaqtida tanlab olingan iqtisodiy taraqqiyot modelining asosiy tamoyillari asosida ishlab chiqilgan, chuqur va har tomonlama o’ylangan iqtisodiyotni tarkibiy o’zgartirish va modernizatsiyalash bo’yicha ishlar amalga oshirilishi natijasida 2019-yil yakunlariga ko’ra, mamlakatning yalpi ichki mahsuloti – 8,0 foizga, qishloq xo’jaligi – 6,8 foizga, sanoat mahsulotlari ishlab chiqarish hajmi – 8,8 foizga, chakana savdo aylanmasi – 14,8 foizga oshdi2.
Ushbu mavzuning dolzarbligi - respublikamizda ishlab chiqarishni diversifikatsiyalash va modernizatsiyalash hamda mahsulot raqobatbardoshligini boshqarishni takomillashtirish, rivojlangan mamlakatlar qatori zamonaviy asbob-uskunalar bilan ta’minlash va mahsulot raqobatbardishligiga erishish uchun uning sifatini oshirish jarayonida qo’l keladigan taklif va tavsiyalarni tahlil qilish va uni amalga qo’llay olish hisoblanadi. Prezidentimiz Shavkat Mirziyoyev Miromonovich aytganlaridek, “tadbirkorlik va ishlab chiqarish sohalarini rivojlantirish, ularni zamonga mos holda diversifikatsiya va modernizatsiya qilish, ularning imkoniyatlardan to‘la foydalanish xalqimiz farovonligini yanada yuksaltirishga xizmat qiladi va shunda biz qurayotgan jamiyat o’z-o’zidan rivojlanish yo’liga qadam qo’yadi”
|
| |
