|
1. Bank faoliyatlari moliyaviy natijalarining shakllanishi va tahlining asosiy vazifalari
|
| bet | 1/3 | | Sana | 14.11.2023 | | Hajmi | 230.98 Kb. | | #98388 |
Bog'liq TIJORAT BANKLARI RENTABELLIK KO\'RSATKICHLARI 39010, 10-sinf ingliz tili ish reja YANGI, zebra 2, Kirish Issiqlik almashinish qurilmalari, 20-mavzu1, ggh, 2-amaliy mashg`ulot, Hujjat turlari va xususiyatlari, Маълумотнома toifaga, resume uz, Nutq madaniyati uslublari haqida, 6085-Текст статьи-15189-1-10-20220610, 9-mavzu ma\'ruza matni, 1- Amaliy mashg\'ulot.docx
TERMIZ IQTISODIYOT VA SERVIS UNIVERSITETI
BANK ISHI VA AUDIT YO’NALISHI 2-22-GURUH
TALABASI SHERXONOVA SADOQATNING BANK ISHI FANIDAN TAYYORLAGAN MUSTAQIL ISHI
TIJORAT BANKLARI RENTABELLIK KO'RSATKICHLARI
Reja:
1. Bank faoliyatlari moliyaviy natijalarining shakllanishi va tahlining asosiy vazifalari
2. Tijorat banklari foydasining tahlili
3. Tijorat banklari faoliyatining rentabellik (foydalilik) ko’rsatkichlari tahlili
Bank faoliyatlari moliyaviy natijalarining shakllanishi va tahlilining asosiy vaziflari
Tijorat banklari bozor munosabatlari sharoitida faoliyat yurituvchi barcha subyektlar kabi, faoliyatidan olgan daromadlaridan qilgan sarf-xarajatlarini qoplab, ma’lum miqdorda foyda olishlari lozim. Foyda–tijorat banklari faoliyatlarining yakuniy natijalarini ifodalovchi asosiy ko’rsatkichdir. Tijorat banklari foydasi yoki faoliyatini zarar bilan yakunlagan bo’lsa, zarari ushbu hisobot davrida (oy, chorak, yil) barcha daromadlaridan xarajat hamda soliq va to’lovlarni chiqarib tashlangandan qolgan summani tashkil etadi.
Tijorat banklari faoliyatlari davomida oladigan daromadlari va bo’ladigan xarajatlari turlarini oldingi mavzularda kengroq yozganmiz, qolavera «Bank ishi» va boshqa o’qitiladigan fanlardan mufassal o’rganib olgansiz. Tijorat banklari daromadlari ikki guruhga: foizli va foizsiz daromadlarga ajratiladi. Bank daromadlari tijorat banklari mijozlariga berilgan qisqa va uzoq muddatli kreditlar uchun olingan foizlar, maboda kreditlarni vaqtida qaytarmagan tarzda mijozlardan yuqori stavkalar bo’yicha olinadigan foiz daromadlar, qimmatbaho qog’ozlar operatsiyalaridan olingan daromadlar, turli xil investitsiyalar bo’yicha olingan daromadlar kabilar foizli daromadlarga kiradi. Banklar olgan xizmat haqi, savdo va valyuta operatsiyalaridan olingan daromadlar – foizsiz daromadlar bo’ladi. Tijorat banklari moliyaviy natijalarini tahlil qilganda – foydaning asosiy manbai bo’lgan daromadlarning tarkibi va o’zgarishini chuqur o’rganish lozim.
Tijorat banklari xarajatlari ham foizli xarajatlar va operatsion xarajatlarga guruhlanadi. Tijorat banklari depozitlarga, olingan kreditlarga, qimmatbaho qog’ozlarga to’lanadigan foiz va shu kabilarga –foizli xarajatlar deyiladi. Tijorat banklariga ko’rsatilgan xizmatlarga (transport, suv, gaz, elektroenergiya va shu kabilarga), xodimlarga ish haqi, ma’muriy-boshqaruv xarajatlargaoperatsion xarajatlar deyiladi. Banklar moliyaviy natijalar tahlilida bu xarajatlarning zarurligi, o’tgan davrlar bilan o’zgarganligi, tejamkorlikga rioya qilinganligi o’rganiladi. Xullas, tijorat banklari moliyaviy natijalari tahlili, ularning daromad va xarajatlari tahlili bilan uzviy bog’liqlikda o’tkazilishi lozim ekan.
Tijorat banklari moliyaviy natijalarini tahlil qilish uchun ma’lumotlarni asosan, banklar buxgalterlik balansi, «Foyda va zararlar to’g’risidagi hisobot»lardan, hamda audit tekshiruvi, yig’ilishlar bayonnomalaridan, zarurat tug’ilganda buxgalteriya hisobining analitik yozuvlaridan olish mumkin.
Tijorat banklari moliyaviy natijalari tahlili asosiy vazifalari quyidagilar hisoblanadi:
faoliyat moliyaviy natijalarini (foyda yoki zarar) aniqlash;
foydaning belgilangan rejaga mosligi va o’tgan davrlardan farqini o’r-ganish;
foydaning tarkibi: daromadlar, xarajatlar miqdori va tarkibidagi o’zga-rishlarni o’rganish hamda ularning sabablarini aniqlash;
faoliyat davomida tejamkorlikga rioya qilinganligini o’rganish;
rentabellik (foydalilik) ko’rsatkichlarini aniqlash va ularga ta’sir etuvchi omillarni o’rganish;
xarajatlarni va daromadlarni optimallashtirish orqali foydasni ko’pay-tirish ichki imkoniyatlarini aniqlash va shu kabilar. Ushbu vazifalar tahlili kelgusida to’g’ri qarorlar qabul qilish uchun asos hisoblanadi.
|
| |
