| 3. Yangi mavzuning bayoni.
Yangi mavzu ustida ishlashda darslikdagi ketma-ketlikka amal qilinadi.
Ikkinchi mavzuni o’rganish quyidagicha davom ettiriladi. Ma’ruzaning birinchi qismi suyuqlikning laminar va turbulent oqimiga bag’ishlanadi. So’ngra o’quvchilarga tajriba ko’rsatiladi. Darslikda ko’rsatilganidek, ikkita yengil varaq olib uning orasiga puflanadi. Shunda varaqlar bir-biriga intiladi. Tajribani o’quvchilarning o’zlari ham bajarib ko’rishlari kerak. Shundan so’ng tajribada kuzatilgan natijaning sababi so’raladi. Javoblar olingach, (albatta to’g’ri javob chiqishi qiyin), ma’ruza davom ettiriladi. So’ngra o’quvchilarga bahorda uchiriladigan varrak nima sababdan ko’tarilishi so’raladi. Undan keyin samolyot qanotini ko’taruvchi kuch tushuntiriladi.
- Suyuqlikning idish tubi va devorlariga beriladigan bosimi suvning balandligi yoki dengizda chuqurligiga bog’liq. Chuqurlik oshishi bilan bosim ham oshadi. Okeanlar chuqurligi bir necha kilometrga yetadi. Okean tubida bosim juda katta bo’ladi. Masalan 10 kilometr chuqurlikda bosim 100000 Kpa ga teng. Maxsus mashq qilgan odam maxsus muhofaza vositasisiz 80 M gacha chuqurlikka tushishi mumkin, bunday chuqurlikda suvning bosimi 800 Kpa bo’ladi. Agar maxsus muhofaza vositalaridan foydalanilmasa, odamning ko’krak qafasi juda chuqur joylarda suv bosimiga bardosh berolmaydi. Bunda g’avvos kiyimini kiyishi lozim. Akvaland deb ataladigan g’avvos kiyimi bilan 90 m chuqurlikkacha tushishi mumkin. Akvalandan suzuvchi sportchilar ham foydalanadilar.
| 