|
Electronics Workbench dasturining interfeysi
|
| bet | 2/9 | | Sana | 21.12.2023 | | Hajmi | 0,51 Mb. | | #126295 |
Bog'liq 1-Laboratoriya 5-semestrElectronics Workbench dasturining interfeysi
Electronics Workbench (EWB) dasturi real vaqt masshtabida ishlovchi, o’lchash asboblari bilan jihozlangan tadqiqotchining real ish joyi-radioelektron laboratoriyani imitatsiya qiladi. Dastur yordamida har qanday murakkablikdagi analog va raqamli radioelektron qurilmalarni tuzish, modellash va tadqiq qilish mumkin.
Foydalanuvchining interfeysi menyu, asboblar paneli va ishchi sohadan iborat (1.1-rasm).
Menyu quyidagi komponentlarga ega: fayllar bilan ishlash menyusi (File), tahrirlash menyusi (Edit), zanjirlar bilan ishlash menyusi (Circut), sxemalarni tahlil qilish menyusi (Analysis), oynalar bilan ishlash menyusi (Window), yordam fayllari bilan ishlash menyusi (Help).
Asboblar panelida radioelektron sxemalar elementlarining tasvirlari bo’lgan knopkalar mavjud (1.2-rasm). Knopkalar bosilganda ularga mos bo’limlar ochiladi, masalan, diodning tasviri bosilsa diodlar bo’limi ochiladi.
1.1-rasm. Electronics Workbench kompleksining interfeysi va asboblar paneli
1 .2 - rasm. EWB dasturining bosh oynasi
Dasturning bosh oynasi 2-rasmda keltirilgan. Ko’rinib turganidek, dastur standart interfeysga ega.
Buyruqlar menyusi oynasi dastur oynasining yuqori qismida joylashgan.
Sxema oynasi dastur oynasining markaziy qismini egallaydi. Ushbu oynada elektr zanjirlar hosil qilinadi va ularga kerakli o’zgartirishlar kiritiladi.
Belgilar (ikonalar) oynasi sxema oynasining yuqori qismida joylashgan. Yuqori qatordagi belgilar menyu buyruqlarini qaytaradi. Keyingi, ya’ni sxema oynasining yuqorisida joylashgan belgilardan zanjirga ulanuvchi elementlar va o’lchash asboblarini tanlash uchun foydalaniladi. Diodlarni (Diodes) va o’lchash asboblarini (Instruments) tanlash oynalari 1-rasmda ko’rsatilgan.
Sxemani hisoblashni aktivlashtirish va to’xtatish (Activate/Stop) hamda pauza (Resume) knopkalari dastur oynasining yuqori o’ng burchagida joylashgan. Activate/Stop knopkasi 0 va 1 raqamlariga ega. Ulardan birini bosish yo’li bilan sxemani hisoblashni aktivlashtirish yoki to’xtatish mumkin.
Sxemani uzoq vaqt davomida aktivlashgan holatda ushlab turish maqsadga muvofiq emas. CHunki ma’lumotlarni uzoq vaqt davomida intensiv qayta ishlash natijasida hisoblashlardagi xatoliklar ortib ketishi mumkin. EWB dasturida ishlash quyidagi uch etapni o’z ichiga oladi:
sxemani tuzish;
sxemaga o’lchov asboblarini ulash;
sxemani aktivlashtirish, ya’ni tadqiq qilinayotgan qurilmadagi jarayonlarni hisoblash.
|
| |
