|
1-lekciya. Informaciyalıq texnologiyalardıń tiykarǵı túsinikleri
|
| bet | 4/4 | | Sana | 17.05.2024 | | Hajmi | 211,96 Kb. | | #239611 |
Bog'liq 1 lekciyaEEM áwladları
Kompyuterler óziniń elementler bazaları boyınsha áwladlarǵa ajıratılǵan.
I áwlad (1945 - 1956 jıllar) kompyuterleri elementler bazaları elektron lampalar ekenligi menen xarakterlenedi. Bul áwlad mashinaları úlken zallardı iyelegen halda, júzlep elektr energiya sarplap, tonnalap awırlıqqa iye jáne sekundına 1-2 mıń ámeldi orınlaǵan, yadınıń kólemi 1-2 mıń sózdi (maǵlıwmattı) saqlaydı. Bul áwlad mashinalarına "Ural-1", "Ural-2", "BESM-1", "BESM-2","M-1", "M-2", "M -20" sıyaqlı mashinaların mısal etip keltiriw múmkin.
II áwlad (1957 - 1968 jıllar) kompyuterleri elementler bazaları tranzistorlardan ibarat bolıp, operativ yadı sekundına 10-20 mıń ámeldi orınlaw, yadınıń kólemi 4-8 mıń sózdi saqlaydı. Ekinshi áwlad esaplaw mashinaları esaplawdan basqa islep shıǵarıw protsesslerin basqarıw, ekonomikalıq máselelerdi sheshiw, háripler menen isley alıw "qábileti"ne de iye boldı. Bul áwlad mashinalarına "BESM-3", "BESM-4", "Ural-16", "Minsk-22", IBM-608, "BESM-6" mısal etip keltiriw múmkin.
III áwlad (1969 - 1980 jıllar) kompyuterlerdiń elementler bazaları integral sxemalardan ibarat bolıp, operativligi sekundına 10 mıńnan baslap, eń aqırǵı mashinalar 2-2,5 million ámel orınlawǵa shekem jetti. Yadınıń kólemi de 8-10 mıń bayttan (bul áwlad yad ólshemi xalıq aralıq ólshem baytlarda beriletuǵın bolǵan) 8 million baytlarǵa shekem jetti. Bul áwlad mashinalarına ES - "ES-1010", "ES-1020", "ES-1030", "ES-1035", "ES-1050", "ES-1060", "ES-1066" lardı mısal etip kórsetiw múmkin.
IV áwlad (1981 - 1990 jıllar) kompyuterleriniń elementler bazaları úlken integral sxemalar. Olardıń operativligi sekundına 6,5 million ámel orınlawǵa shekem jetti, yadınıń kólemi 64 Mb baytqa shekem keńeydi. Bul áwlad mashinalarına Super EEMler, "Elbrus" esaplaw mashinası, "IBM PC" sıyaqlı kompyuterlerdi kórsetiw múmkin.
V áwlad (1990 jıllardan baslanǵan) kompyuterlerdiń elementler bazaların júdá úlken integral sxemalar quraydı. Bul áwlad kompyuterleri házir keń qollanıladı. Bul áwlad kompyuterleri elektron hám jaqtılıq nurları energiyasınan paydalanıwǵa, dúzilisi bolsa lazer texnikasına, nurlanıwshı diodlarǵa tiykarlanǵan. Ámel orınlaw tezligi sekundına 1 mlrd shekem, yadınıń kólemi 10 mln 3-4 milliard (Gbayt)qa jetti.
Jeke kompyuterlerdiń jaratılıwı texnikada revolyutsiyalıq xarakterge iye boldı, olar ǵalabalıq esaplaw mashinalarına aylanıp qaldı.
Házirgi waqıtta islep shıǵarıw hám kúndelikli turmısta dúnyada 100 millionlap jeke kompyuterler isletilmekte.
|
| |
