|
1-lekciya. Informaciyalıq texnologiyalardıń tiykarǵı túsinikleri
|
| bet | 3/4 | | Sana | 17.05.2024 | | Hajmi | 211,96 Kb. | | #239611 |
Bog'liq 1 lekciya1.3 – súwret. Dáslepki elektron esaplaw mashinaları.
1946 jılı amerikalı alımlar Djon Mochli hám Prespera Ekerta ENIAC atamalı birinshi universal elektron esaplaw mashinasın jarattı. Bul mashina elektron lampalar tiykarında isler edi.
Ol MARK-1 den mıń márte tezirek isler edi, biraq onıń da kemshilikleri bar edi: awırlıǵı - 30 tonna; uzınlıǵı 170 kvadrat metr kólemdi iyelep, 18 000 elektrolampalardan quralǵan edi; islew protsessi júdá quramalı hám bul mashina júdá áste isler edi (sekundına 300 kóbeytiw yamasa 5000 qosıw ámellerin orınlawı múmkin edi). Sol kemshiliklerdi saplastırıw ushın alımlar júdá kóp miynet etti.
Birinshi EEM ler awladı lampalar járdeminde islegen. 1947 jılda BELL laboratoriya qániygeleri V. Shokli, J. Bardini hám V. Berteyn tárepinen birinshi tranzistor islep shıǵıldı. 1948 jıldan baslap elektron lampalar ornına tranzistorlar qollana basladı hám sonıń ushın 2-áwlad EEMları tranzistorlı EEMler dep atalǵan. 1949 jılı Djey Forrester tárepinen magnitli yad qurılmaları jaratıldı hám usı jılı Kembridj universitetinde birinshi yadqa iye EEM - EDSAC atamalı EEM jaratıldı.
1959 jılı Robert Noys (INTEL firmasın jaratqan insan) bir plastinada bir neshe tranzistorlardı jaylastırıp integral sxemalar yamasa chiplardı jaratqan. 1968 jılı Burroughs firması tárepinen integral sxemalarda isleytuǵın birinshi kompyuterdi shıǵardı hám sonıń ushın úshinshi EEMler áwladı úlken integral sxemalı dep ataladı. Usı jılı amerikalı injener Duglas Endjelbart házirgi mısh qurılması wazıypasın orınlawshı úskeneni jarattı. 1970 jıldan baslap INTEL firması yadtıń integral sxemaların shıǵara basladı. Bul firmada islegen Marshian Edvard Xoff usı jılı mikroprotsessordı oylap tapqan (bir kremniy chipte bir neshe integral sxemalardı jaylastırdı). Usı jıldan baslap mikroprotsessorlerde islewshi tórtinshi EEMler áwladı baslandı, olar kishi integral sxemalı áwlad dep ataladı.
1973 jıldan baslap EEM tariyxınıń jańa beti, personal kompyuterler beti baslandı. Sol jılda Frantsiyanıń Truong Trong Ti firması tárepinen birinshi personal kompyuter jaratıldı. Sonıń menen birge 1973 jılda dúnyaǵa belgili XEROX firması tárepinen Alto atamalı jeke kompyuter jaratılǵan. Bul kompyuterde birinshi bolıp fayllar hám dástúrlerdi aynalar kórinisinde ashıw printsipi qollanılǵan.
1.4 - súwret. Birinshi personal kompyuterler
1977 jılı Apple Compyuter firması tárepinen Apple - II atamalı jeke kompyuterler ǵalaba ráwishte shıǵarıla baslaǵan. Bul kompyuterler plastmassa korpus, klaviatura hám displeyge iye bolǵan.
1980 jılı Os barne Compyuter firması birinshi portativ kompyuterlerdi shıǵara basladı. Bul kompyuter awırlıǵı 11 kg, júdá kishkene kólemge iye bolǵan hám bahası 1795 dollar bolǵan.
1981 jıldan baslap IBM (International Business Machines) firması tárepinen personal kompyuterler seriyalap shıǵarıla basladı hám pútkil dúnyaǵa keń satıla basladı. Sonnan beri kompyuter turmısımızda bekkem jaylasıp, maǵlıwmattı qayta islewdiń eń zamanagóy quralına aylandı. Sonıń ushın personal kompyuterler standartı usı kompyuter atama menen ataladı - IBM PC (Rersonal Compyuter).
|
| |
