|
-MA’RUZA
ISHLAB CHIQARISHDA YORUG‘LIK TA’MINOTI
|
| bet | 27/47 | | Sana | 23.01.2024 | | Hajmi | 0,65 Mb. | | #144059 |
Bog'liq MM MA\'RUZA mehnat muhofazasi10-MA’RUZA
ISHLAB CHIQARISHDA YORUG‘LIK TA’MINOTI
Reja:
1. Ishlab chiqarish binolarini yoritish;
2. Tabiiy yorug‘lik;
3. Sun’iy yorug‘lik;
4. Yorug‘lik manbalari.
Tayanch so‘z va iboralar
Mehnat muxofazasi
1. Ishlab chiqarish binolarini yoritish
Yorug‘lik inson mavjudligining muhim shartlaridan biri sanaladi. U inson organizmi holatiga ta’sir etadi, to‘g‘ri yo‘lga qo‘yilgan yorug‘lik oliy asab faoliyati jarayonlarining amalga oshishini rag‘batlantirib, ishga layoqatlilikni oshiradi. Etarli bo‘lmagan yorug‘likda inson besamar ishlaydi, tez charchaydi, oqibati shikastlanishga ham etib boradigan xato, yanglish harakatlar qilish ehtimoli ortadi.
Ishchi binolarini yoritish qo‘yidagi shartlarga javob berishi kerak:
1. Ish bajariladigan yuzalarning yoritilish darajasi, shu ish turi uchun gigienik me’yorlariga javob berishi lozim.
2. Binoda yoritilishning teng o‘lchamliligi va keskin zidma-zidlikning bo‘lmasligi kerak.
3. Ko‘rish maydonida yorug‘lik manbalari tovlanish hosil qilmasligi lozim.
4. Sun’iy yorug‘lik spektral tarkibi bo‘yicha tabiiy yorug‘likka yaqinlashishi kerak.
Ishlab chiqarish sharoitlarida 3 turdagi yorug‘likdan foydalaniladi: tabiiy, ya’ni quyosh, sun’iy (elektr yoki lyuminessent lampalar) va uyg‘unlashgan.
2. Tabiiy yorug‘lik
Tabiiy yoritilish qo‘yidagilarga bo‘linadi:
Ustki (shiftlar, tomlar, shuningdek, baland perepadlar, aralash bino oralari orqali teshiklardagi yorug‘lik beradigan fonarlar orqali);
Yonboshlama (derazalar orqali);
Uyg‘unlashtirilgan (aralash).
Tabiiy yoritilish yil fasllari, kuni, joyning jug‘rofiy kengligi, bino va derazalarning ichki tuzilishi, derazalar oldi yuzalarning aks etuvchi xususiyatlari, ko‘chalar kengligi va boshqa shartlarga bog‘liq. Kun davomida tabiiy yoritilish sezilarli darajada o‘zgarishi mumkin. Muayyan iqlim sharoitlarida yoritilganlik 1 necha daqiqa davomida ko‘payishi yoki 1 necha barobarga kamayishi mumkin. Yorug‘likning o‘zgarishi, kun davomida ishlab chiqarish binolarida alohida ish joylarini etarli va teng miqdorda yoritib berishni kafolatlamaydi. Tabiiy yoritilishni loyihalashtirish va hisoblashda yorug‘likning manbai sifatida osmonning tarqalma yorug‘ligi olinadi, ya’ni bunda to‘g‘ridan to‘g‘ri quyosh yorug‘ligi inobatga olinmaydi.
Temir yo‘l korxonalarida yaxshi sanitar-gigiena sharoitlarni yaratish va saqlash uchun barcha ishlab chiqarish, ma’muriy, idora va maishiy binolar kunning yorug‘ paytida bevosita tabiiy yorug‘likka ega bo‘lishlari lozim bo‘ladi. Tabiiy yoritilishning etarliligi 2 omil bilan belgilanadi: tabiiy yoritilish koeffitsienti va derazaning yorug‘lik tavsifi (yorug‘lik maydoni va yorug‘lik chuqurligi) bilan.
|
| |
