19-mavzu. Axborot saqlovchi va tashuvchi texnik va dasturiy ta’minoti Reja Axborotlarni uzoq vaqt saqlovchi vositalar haqida: hdd, ccd, dvd, Cloud

Download 365,5 Kb.
bet	1/3
Sana	21.11.2023
Hajmi	365,5 Kb.
	#102890

1 2 3

Bog'liq
19-mavzu

19-mavzu.Axborot saqlovchi va tashuvchi texnik va dasturiy ta’minoti

Reja

1.Axborotlarni uzoq vaqt saqlovchi vositalar haqida: HDD, CCD, DVD, Cloud

2.Axborotni saqlash qurilmalari – turlari va ko‘rinishlari

3. O‘zbekistonda axborot tashish vositalari haqida

Hozirda barcha ishlar avtomatlashib ketdi, qog‘oz ishlari kamayib, asosan elektron fayllar ommalashdi. Endi bizga qog‘ozlarni saqlash uchun katta javon emas, balki, fayllarni saqlash uchun katta hajmdagi qattiq disk, fleshka va optik disklar kerak bo‘lib qoldi. Kompyuter bilan bevosita ishlaydiganlar kuniga kamida 10 tadan kam fayl hosil qilishmaydi, bu fayllarning hajmi ham borgan sari ortib bormoqda. Bundan kelib chiqadiki, biz kompyuter fayllarini saqlash bo‘yicha muammoga duch kelmoqdamiz va bu muammo borgan sari ommalashib ketdi.
Fayl turlari har hil, shunday ekan ularni saqlashdan oldin quyidagi maslahatga amal qilsangiz, foydali bo‘ladi:
— fayllarni ommabop formatlarda saqlang, chunki keyinchalik ularni ochishga qiynalmaysiz. Agar fayllarni saqlashda nostandart formatni tanlasangiz, keyinchalik bu formatni qaysi dastur orqali ochishni bilmay qolishingiz mumkin. Ommabop formatlarga:
* matn uchun: doc, txt, docx, rtf;
* rasmlar uchun: png, jpg, jpeg, bmp;
* video fayllar uchun: avi, mkv, mp4.
— fayllarni bir necha nusxalarda va bir necha qattiq disklarda saqlang.
— fayllarni uzoq vaqt saqlash lozim bo‘lsa, ularni shifrlamang va parol qo‘ymang, agar qattiq diskda joy bemalol bo‘lsa, hattoki arxiv ham qilmang. Keyinchalik bu fayllaringizni hech qanday muammosiz ishlatishingiz mumkin bo‘ladi.
— ma’lum bir vaqt ichida, uzoq vaqtga saqlab qo‘yilgan fayllaringizni o‘qishga tekshirib turing.
Fayllarni saqlashda quyidagi jihozlardan foydalanish mumkin:

1 . Qattiq disk(vinchester, HDD) — har xil turdagi ma’lumotlarni saqlovchi, eng ommabop jihoz. Odatiy ishlash davomiyligi o‘rtacha 4-10 yil(ishlatish qoidalariga rioya qilgan holda). Agar bir necha qattiq disklaringiz bo‘lsa, bittasiga uzoq saqlash kerak bo‘ladigan ma’lumotlarni yozib, uni kompyuterdan uzib bir chetga qo‘yib qo‘yish yaxshi fikr hisoblanadi. Bu jihozni buzilishiga sabab, magnit maydon va biroz kuchsiz zarb yetarli bo‘ladi. Demak, ehtiyotkorlik juda muhim.

2 . USB fleshka, SSD — bunday saqlovchi jihozlar mikrosxmelarga asoslangan, odatiy ishlash vaqti taxminan 3-6 yil(agar ishlatish qoidalariga rioya qilinsa). Buzilish ehtimoli juda katta, fleshkaga ma’lumotlaringizni saqlaysiz, 3-4 kundan keyin bu fleshkani qayta kompyuterga ulaysiz, qarabsizki formatlash lozimligini so‘raydi. Xullas, fleshka uzoq vaqt saqlash uchun mo‘ljallangan jihoz emas. Undan ma’lumotlarni biror joyga ko‘chirishda foydalangan qulayroq. SSD disklarga kelsak, ular ham biroz nozik, lekin ularni uzoq vaqt saqlash vositasi sifatida ishlatish mumkin, biror ma’lumotni yozasiz va kompyuterdan uzib , olib qo‘yasiz. SSD diskga talab qilgan sharoit qilib berilsa, uzoq vaqt saqlanishi mumkin.

3. CD, DVD, Blu-Ray. Bu disklar optik disklar hisoblanadi. Bularga ma’lumot yozib, 100 yilgacha saqlash mumkin. Bu haqida disk chiqaruvchi firmalar kafolat beradi. Faqat, sharoit qilib berish kerak, ya’ni harorat va shkastlanmaydigan joy. Man o‘zim guvoh bo‘lganim, 15 yildan beri saqlanib turganini bilaman. Bu disklar oddiy balvanka disklar emas, balki, himoya qoplamasiga ega bo‘lgan va ustida 100 yillik kafolat bo‘lgan disklardir. Kafolat muddati yozilmagan bo‘lishi ham mumkin, lekin plastmassa himoyasi bo‘ladi.

4 . Cloud texnologiyasi asosida. Bunda internet orqali o‘z xizmatlarini taqdim etadigan Google, Yandex, Microsoft kabi mashhur sayt(firma)larni misol qilish mumkin. Katta hajmdagi joy berishadi, lekin ma’lumotlarni uzoq vaqt saqlashiga kafolat yo‘q. Taxminiy saqlash muddati ham aniq emas, chunki sizning akkauntingiz buzilishi yoki bu firmalar yopilishi mumkin. Bu qachon bo‘lishini hech kim bilmaydi, demak bu mavhum variant. Shunday bo‘lsa ham, bir necha cloud’da saqlash mumkin, lekin uzoq muddatga emas.

B archa uchun to‘g‘ri keladigan saqlash vositalari shulardan iborat, kattaroq firma miqyosida oladigan bo‘lsak, boshqa saqlash vositalari ham bor, misol uchun disk massivlari, lentalar,…
Ma’lumotlarni zararsiz saqlash uchun, har xil texnologiyalardan ham foydalanish mumkin: Clone, RAID,…
Ma’lumotlarni kompyuterda saqlash yoki agar kerak bo‘lsa, uzatish va foydalanish – bunday vazifalarni har xil turdagi axborot tashish vositalari amalga oshiradi. HDD, SSD, Flash-xotiralar – tanlov juda katta. Asosiysi, tashuvchining hajmini va boshqa funksional xususiyatlarni oldindan aniqlash kerak.

Download 365,5 Kb.

1 2 3

Download 365,5 Kb.