4-mavzu: Jadval prosessorlarida iqtisodiyotga oid sonli ma’lumotlar bilan
ishlash.
Reja
4.1 Jadval prosessorlari va ularning vazifalari. Iqtisodiy axborotlarni tahlil qilish
uchun ma’lumotlarni vizuallashtirish vositalaridan foydalanish.
4.2 MS Excel dasturida sohaga oid hisob ishlarini bajarish. Murakkab jadvalar
bilan ishlash. Jadvallarni bir biriga bogʻlash.
4.3 MS Excelda formulalar tuzish. Microsoft Excel dasturida standart funksiyalar.
Matematik, statistik, moliyaviy funksiyalar bilan ishlash.
4.1 Jadval prosessorlari va ularning vazifalari. Iqtisodiy axborotlarni tahlil
qilish uchun ma’lumotlarni vizuallashtirish vositalaridan foydalanish.
Elektron jadval prosessorlariga yuklatilgan vazifa - jadval shaklida
berilgan ma’lumotlarni qayta ishlash va ularni ko’rgazmali ko’rinishda
ifodalashdan iborat.
Hozirgi davrda Super Calc, MS Excel, Lotus, Quattro Pro, SDSS
Spreadsheet, Vista Calc, GS-Calc kabi elektron jadvallar keng qo’llanilmoqda.
Ularning ichida eng ommalashganlari Lotus Development firmasini Lotus 1-2-3
dasturi, Computer Associates firmasini Super Calc dasturi, Microsoft
korporasiyasni Multiplan va Microsoft Excel dasturlari hisoblanadi.
Microsoft Excel - omalashgan elektron jadvallar sirasiga kiradi. MS Excel
formatida saqlangan axborotlarni aksariyat boshqa ofis dasturlarda konvertasiya
qilish imkoniyati mavjud
Jadval prosessorlari bilan:
uch o’lchamli jadvallar bilan ishlash mumkinligi, qaysikim, ularning har biri ikki
o’lchamli jadvallar to’plamidan iborat bo’ladi.
turli jadvallar ma’lumotlari bo’yicha diagrammalar tuzish;
jadval kataklarini sonli yoki boshqa ketma-ketliklar (hafta kunlari, oylar, yillar va
h.q) ni avtomatik tarzda to’ldirish;
jadvallarni loyihalashtirishda, dasturga o’rnatilgan ko’plab funksiyalardan
foydalanish va ulardan moliyaviy, matematik, statistik va boshqa hisoblarni
bajarishda qo’llash;
chiziqli bo’lmagan tenglamalarni va optimallashtirish masalalarini iterasiya
usullari bilan yechish;
matnlar atributlarini boshqarishni turli xil vositalarini qo’llash (shrift, harf
balandligi, chizish, matn yo’nalishi, rang, tekislash va h.q.);
chop qilishdan oldin, hujjatni ko’rish yoki ko’zdan kechirish;
berilgan (yozilgan) formulaga ko’ra jadval qiymatlarini hisoblash;
nostandart funksiyalar qiymatlarini hisoblashda dasturlash tillarini qo’llash;
o’rnatilgan grafik muharriri yordamida sxemalar tuzish;
iqtisodiy, demografik va boshqa ma’lumotlar asosida mintaqaviy tahlilni amalga
oshiradigan, qulay va tushunarli ko’rinishda namoyon qiladigan haritalar bilan
ishlash tizimidan foydalanish;
Jadval prosessorlarining - bir hisoblash maydoniga tegishli u yoki bu qiymatlari
foydalanuvchi tomonidan o’zgartirilganda (tahrirlanganda), qaralayotgan
jadvalning boshqa hisoblash maydonlaridagi qiymatlar avtomatik tarzda
hisoblanib o’zgartiriladi.
|
