7-ma’ruza: Lokal tarmoqlar va ularning qurilish usullari.
Reja:
1.Lokal tarmoqlarda qo’llaniladigan simli va simsiz texnologiyalar va protokollar.
2.Lokal tarmoqlarda qo’llaniladigan simli texnologiyalar.
3.Lokal tarmoqlarda qo’llaniladigan simsiz texnologiyalar va protokollar.
4.Tarmoq qurilmalari.
5.Tarmoq topologiyalari.
6.Mantiqiy adreslash (LLC) va fizik adreslash (MAC).
Kalit so’zlar: tarmoq (network), LAN, mahalliy (local), simsiz tarmoq (wireless network), axborot tizimi (information system), optic tolali kabel (fiber), koaksial kabel (coaxial cable), o’rama juft (twisted pair), fizik pog’ona (physical layer), ArcNet, Token Ring, FDDI, Ethernet, texnologiya (technology), CSMA/CD, UTP, STP, base, MAC, LLC, konsentrator (hub), kommutator (switch), ko’prik (bridge), xabar (message), port, manzil (address), FOIRL, FastEthernet, GigabitEthernet, kadr (frame), PAN, WLAN, WPAN, PDA, Wi-Fi, IEEE 802.11, tarmoq adapteri (network interface card), Windows, server, tarmoq topologiyasi (network topology), shina (bus), yulduz (star).
Lokal tarmoqlarda qo’llaniladigan simli va simsiz texnologiyalar va protokollar.
Lokal hisoblash tarmoqlarini yaratish –
bu texnologiyalarni tanlash, ishchi stansiyalar sonini, ularning o’zaro joylashuvini aniqlash bo’lib, faoliyat turiga qarab foydalanuvchilarning ishchi guruhlari aniqlanadi. Lokal hisoblash tarmog’i (LHT)
cheklangan hududda ishlaydi, uni yaratishda odatda maxsus o’rama juft yoki koaksial kabellardan foydalaniladi. Ayrim hollarda uzoq masofalarda aloqani ta’minlashda yoki himoya bo’yicha yuqori talab qo’yilganda optik tolali kabellar ko’llaniladi. Lokal tarmoqlar uchun kabel bir vaqtda ko’plab abonentlar foydalanuvchi monokanal rolini bajaradi.
Belgilangan maqsadi, atxitekturasi, ma’lumot almashinuvini tashkil qilish va abonentlarni o’zaro aloqa qilish qoidasi bo’yicha lokal tarmoqlarning har xil turlarini belgilash mumkin. LHT barcha turlari
axborot tizimlari hisoblanib, axborot resurslari bilan ishlash imkoniyatini ta’minlaydi. Ko’p hollarda LHT katta tarmoqning bir qismi bo’lib, bo’lim, departament,
laboratoriya, markaz, ofis yoki ishlab chiqarish sohalariga bog’liq bo’lgan hududiy harakterdagi ma’lumotlarga ishlov berish vazifasini bajaradi. Bo’limlarning faoliyat turi servislar va xizmat sifatini o’z ichiga oluvchi lokal tarmoqlarning arxitekturasiga ta’sir ko’rsatadi.
