|
8-mavzu: ta’limning tashkiliy shakllari va metodlari
|
| bet | 1/18 | | Sana | 30.11.2023 | | Hajmi | 117,09 Kb. | | #108672 |
Bog'liq 7-mavzu (4)
8-MAVZU: TA’LIMNING TASHKILIY SHAKLLARI VA METODLARI.
MA’RUZA MASHG’ULOTI REJASI:
8.1.Ta’limni tashkil etish shakllari.
8.2.Dars – ta’limni tashkil etishning asosiy shakli.
8.3. Ta’lim metodlari va usullari tushunchalari
8.4.Zamonaviy didaktikada ta’lim metodlari tasnifiga turlicha yondashuvlar. Interfaol ta’lim metodlari. Evristik metodlar.
8.5. Ta’lim vositalari va ularning funktsiyalari. Interaktiv dasturiy vositalar.
Tayanch so`z va iboralar: tashkil etish, shakl, ta’limni tashkil etish shakli, ta’limni tashkil etish tizimi, dars, darsning turlari, ta’limni tashkil etishning yordamchi shakllari,metod, ta’lim metodi, ta’lim usuli, qoida, intrefaol metod, metodika, texnologiya, didaktik vosita, ta’limning texnik vositalari.
8.1.Ta’limni tashkil etishning shakllari.
Ta’limni tashkil etish shakli – bu o`qituvchi va o`quvchining belgilangan tartibda, muayyan maqsadga muvofiq ma’lum rejimda tashkil etiladigan o`quv-bilish faoliyatining tashqi ifodasidir.
Jahon pedagogika fani va amaliyotida ta’limni tashkil etishning turli shakllari mavjud. Jamiyat rivojining har bir yangi bosqichi ta’limni tashkil etishga o`z ta’sirini o`tkazadi.
Ayni vaqtda ta’limning quyidagi shakllari ajratib ko`rsatiladi: in-dividual, individual-guruhli, sinf-dars, leksiya-seminar va sinfdan tashqari, auditoriyadan tashqari, maktabdan tashqari. Ular o`quvchilarni qamrab olishi, o`quvchilar faoliyatini tashkil etishi, jamoaviy va individual shakllarining nisbatlari, mustaqilligi darajasi va o`qish jarayoniga rahbarlik qilish xususiyatlari kabi belgilariga ko`ra quyidagi uch asosiy turga ajratiladi: individual; sinf-dars; ma’ruza-seminar.
Qadim zamonlarda mavjud bo`lgan o`qitishning eng qadimgi shakli ta’limning individual shakli hisoblanadi. O’qishni tashkil etishning individual shakli antik davr va o`rta asrlarda yagona usul bo`lgan, undan ba’zi mamlakatlarda XVIII asrgacha keng foydalanilib kelingan.
|
| |
