|
Legirlangan asbobsozlik po‘latlari (GOST 5950—73)
|
bet | 24/29 | Sana | 01.08.2021 | Hajmi | 0.81 Mb. | | #16425 |
Legirlangan asbobsozlik po‘latlari (GOST 5950—73).
Asbobsozlik po‘latlariga kiritiladigan legirlovchi elementlar quyidagilarni oshiradi:
issiqbardoshligini - volfram, molibden, kobalt, xrom,
toblanuvchanligini (marganes),
qovushqoqligini (nikel),
yeyilishga chidamliligini (volfram) oshiradi.
Kam legirlangan asbobsozlik po‘latlari tarkibida 2,5% gacha legirlovchi elementlar bo‘ladi, qattiqligi katta (VDS 62-69), yeyilishga chidamliligi yuqori, lekin issiqbardoshligi past (200-260°C).
Uglerodli po‘latlardan farqli ravishda ular murakkab shaklli asboblar tayyorlashda ishlatiladi. X, 9XS, XVG, XVSG kabi kam legirlangan po‘latlarda asosiy legirlovchi element xromdir. X markali po‘lat faqat xrom bilan legirlangan. Xrom miqdorining ko’pligi po‘latning qizishini oshiradi. X markali po‘lat moyda 25 mm qalinlikkacha to‘la qiziydi.
U 10 markali po‘lat esa faqat 5 mm qalinlikkacha qiziydi. X po‘lati tokarlik, randalash va yo’nish keskichlarini tayyorlashda ishlatiladi.
9XS po‘lati xromdan tashqari kremniy bilan xam legirlanadi. X po‘latiga qaraganda uning toblanish chuqurligi katta (35 mm gacha); issiqbardoshligi yuqori bo‘lib, 250-260°C gacha yetadi (X po‘latniki esa 200-210°C gacha), kesish xossalari yuqori. 9XS po‘latidan parmalar, razvyortkalar, frezalar, metchiklar, plashkalar tayyorlanadi.
XVG po‘lati xrom, volfram va marganes bilan legirlangan; qizish chuqurligi 45 mm gacha. U yirik va uzun protyajkalar, uzun metchiklar xamda razvyortkalar tayyorlashda ishlatiladi.
XVSG po‘lati murakkab legirlangan po‘lat bo‘lib, 9XS va XVG po‘latlariga qaraganda toblanuvchanligi va qizdirilish qalinligi yaxshi. Moyda sovitilganda u 80 mm qalinlikkacha to‘la toblanadi. U o‘ta qizdirilishga sezgir emas.
Issiqqa chidamliligi 9XS po‘latniki kabi. XVSG po‘lati dumaloq plashkalar, razvyortkalar, yirik protyajkalar va kesuvchi boshqa asboblar tayyorlashda ishlatiladi.
|
| |