145
Самарқанд қишлоқ хўжалик институти ветеринария, зоотехния ва
қоракўлчилик факултети профессори Б.С.Салимов, доцент
А.С.Даминовларнинг “Зоология” фанидан
ёзилган ўқув қўлланмасига
ТАҚРИЗ
Зоология ҳайвонлар тўғрисидаги фан бўлиб, ҳайвонларнинг келиб
чиқиши, ташқи ва ички тузилиши, систематикаси, экологияси ҳамда тарихий
тараққиёти қонуниятларини ўрганади. Барча ўрганиладиган материаллар
шакл ва функция бирлиги, корреляция, адаптация, биогенетик қонунлар
асосида ўрганилади. Ўқув қўлланма қишлоқ хўжалик олий ўқув юртларида
зоология фанини ўқитиш дастурига мувофиқ равишда ёзилган. Қўлланмада
ҳайвонлар систематикаси, морфологияси ва экологиясига алоҳида эътибор
қаратилган бўлиб, ҳайвонларнинг табиатда тутган ўрни, кўпайиши,
ривожланиши, ҳаёт кечириш тарзи, айрим паразит ҳайвонларнинг
биологияси чуқур ўрганилган.
Қўлланма кириш, содда ҳайвонлар, кўп хужайрали тубдан ҳамда кўп
хужайрали юксак тузилишга эга бўлган ясси чувалчанглар, бирламчи ва
иккиламчи тана бўшлиқлилар, моллюскалар, бўғимоёқлилар, хордалилар
типлари уларнинг систематикаси ўқувчига тушунарли тилда, содда, равон
тарзда, илмий услубда баён этилган.
Муаллифлар томонидан ёзилган ўқув қўлланмада фан ва таълим
узвийлигини кетма-кетлигига риоя қилинган ҳолда зоология фанини чуқур
ўрганиш келажакда юқори курсларда ўтиладиган паразитология фанини
ўрганишда асосий базис сифатида хизмат қилишига катта эътибор
қаратилган. Шунинг билан бир қаторда қўлланмада айрим стилистик ва
орфографик хатолар ҳамда халқаро номенклатурадаги атамаларни тўлиқ
мутаносиб ҳолга келтириш мақсадга мувофиқ бўлади.
Хулоса қилиб айтиш мумкинки, профессор Б.С.Салимов ва доцент
А.С.Даминовларнинг
“Зоология”
фанидан
амалий-лаборатория
машғулотлари учун тайёрланган ўқув қўлланмаси ветеринария, зоотехния ва
қоракўлчилик факултети ҳамда касб таълими ветеринария, зоотехния бўлими
талабалари учун мўлжалланган бўлиб, у фаннинг бугунги ўқув режасига мос
тарзда ёзилган.
Қўлёзмани ўқув қўлланма сифатида тавсия қиламан.
