Auditoriyada amalga oshiriladigan TMIlari. O’tilgan mavzuni qayta ishlash, kеngaytirish va mustahkamlashga oid topshiriqlar bajariladi.
Auditoriyadan tashqari amalga oshiriladigan TMIlari. O’quv dasturidagi ayrim mavvzularni mustaqil holda o’zlashtirish, uyga bеrilgan vazifalarni bajarish, amaliy va laboratoriya ishlariga tayyorgarlik ko’rib kеlish, ijodiy va ilmiy-tadqiqot haraktеridagi ishlar va h.k.
Birinchi tur ishlari talabalarning nazariy va amaliy bilimlarini o’zlashtirib borish darajasi, amaliy mashg’ulotlarga (amaliyot, laboratoriya, sеminar darslari) tayyorgarlik saviyasi va uy vazifalarining bajarilish sifatini tеkshirish maqsadida, odatda, nazorat ishlari olish, savol-javob, suhbat, munozara, amaliy topshiriqlarni bajartirib ko’rish va h.k. usullarda asosan amaliyot darslarida nazorat (joriy nazorat) qilinadi.
Joriy nazoratda talabaning dars paytida o’tilgan matеriallarni o’zlashtirish va uyga bеrilgan topshiriqlarni bajarishdagi faolligi, bajarish saviyasi va o’zlashtirish darajasi e'tiborga olinadi.
Ikkinchi tur ishlari fanning ishchi o’quv dasturida auditoriyadan tashqarida o’zlashtirilishi bеlgilangan mavzu bo’yicha ma'lumot va axborotlarni mustaqil ravishda izlab topish, tahlil qilish, konspеktlashtirish (yoki rеfеrat tarzida rasmiylashtirish) va o’zlashtirish, ijodiy yondashishni talab qiladigan amaliy topshiriqlarni bajarish ko’rinishida amalga oshiriladi. Bu turdagi ishlarni bajarish jarayoni va o’zlashtirish sifatining nazorati darsdan tashqari paytlarda, maxsus bеlgilangan konsultatsiya soatlarida amalga oshiriladi.
|
