|
Амалий машгулот№11
|
| bet | 21/66 | | Sana | 25.01.2024 | | Hajmi | 3,89 Mb. | | #145290 |
Bog'liq TasdiqlaymanNazariy qism.
Massa almashinish asoslari
Bir yoki bir necha komponentlarni binary yoki murakkab aralashmalarda bir fazadan ikkinchi fazaga o’tishida ro’y bergan jarayonlari massa almashinish jarayoni deb ataladi (Masalan, gazdan gazga, suyuqlikdan gazga, qattiq jismdan suyuqlik yoki gazga). Odatda, komponentlarning bir fazadan ikkinchisiga o’tishi molekulyar yoki turbulent diffuziya orqali sodir bo’ladi. Shuning uchun, bu jarayonlar diffuzion jarayonlar deb ataladi.
Massa almashinish jarayonlari faol komponent va inert tashuvchi fazalar bilan xarakterlanadi. Faol komponent – bu fazadan fazaga o’tuvchi massa, inert tashuvchilarning miqdori esa, jarayon davomida o’zgarmaydi.
Massa almashinish jarayonini harakatga keltiruvchi kuch – konsentratsiyalar farqi.
Umumiy tushunchalar
Sanoat texnologiyalarida ishlatiladigan absorbsiya, haydash, rektifikatsiya, ekstraktsiya (“suyuqlik – suyuqlik”, “qattiq jism – suyuqlik” sistemalarida), adsorbsiya, quritish, kristallanishlarda massa almashinish jarayonlari sodir bo’ladi.
Absorbsiya – bu gaz aralashmasidan biror moddaning suyuq fazaga selektiv ravishda yutilish jarayonidir. Ya’ni, bu jarayonda modda bug’ yoki gaz fazadan suyuq fazaga o’tishini kuzatishimiz mumkin.
Moddani o’ziga yutuvchi faza absorbent deb nomlanadi. Absorbsiya 2 xil bo’ladi: fizik absorbsiya – bu gazning suyuqlikda oddiy yutilishi; xemosorbsiya – bu gazning suyuqlikda yutilishi davrida kimyoviy birikma hosil bo’lishi.
Absorbsiyaga teskari jarayon, ya’ni yutilgan kmponentlarni suyuqlikdan ajratib olish desorbsiya deb ataladi.
Suyuqliklarni haydash va rektifikatsiya – bu suyuq va bug’ fazalar orasida komponentlar o’zaro modda almashinish yo’li bilan suyuq aralashmalarni komponentlarga ajratish jarayonidir. Ushbu jarayon issiqlik ta’sirida olib borilib, komponentlarning qaynash temperaturasi har xil bo’lishiga asoslanadi. Bu jarayon 2 xil bo’ladi: oddiy haydash (distillash) va murakkab haydash (rektifikatsiya). Shuni alohida ta’kidlash kerakki, bunda modda suyuq fazadan bug’ga va bug’dan suyuq fazaga o’tadi.
Ekstraksiya – bu eritma yoki qattiq jismdan erituvchi yordamida bir yoki bir necha komponent ajratib olish jarayonidir. “Suyuqlik - suyuqlik” sistemasida faol komponent bir suyuq fazadan ikkinchisiga o’tadi. “Qattiq jism - suyuqlik” sistemasida modda qattiq jismdan suyuq fazaga o’tadi. Bunday sistemada komponentning suyuq fazaga o’tishi eritish jarayoni deb nomlanadi.
Adsorbsiya – bu gaz, bug’ yoki suyuq aralashmalardan bir yoki bir necha komponentlarni qattiq, g’ovakli jism bilan yutilish jarayonidir. Juda katta faol yuzaga ega qattiq jismlar adsorbentlar deb ataladi. Ushbu jarayon sanoatning turli sohalarida ishlatiladi va gaz, bug’ yoki suyuq aralashmalardan u yoki bu komponentni ajratib olish uchun xizmat qiladi.
Adsorbsiya jarayonida suyuq yoki gaz fazadagi komponent qattiq jismga o’tadi.
Quritish – bu qattiq materiallar tarkibidagi nimlikni bug’ shaklida ajratib olish jarayonidir. Ushbu jarayonda faol komponent – namlik qattiq fazadan gaz yoki bu’ fazasiga o’tadi.
|
| |
