|
Avtomatik liniyalar, sinflarga bo‘linishi va ularni loyihalash
|
bet | 1/3 | Sana | 10.03.2024 | Hajmi | 82.18 Kb. | | #169711 |
Bog'liq AMALIY MASHG\'ULOT 3 1, Imom Termiziy. Shamoili Muhammadiy, IAT 9-sinf Talabalar-uchun-darslik, 15-m.Tarmoq va Intemetda ishlashni tashkil qilish, 5-m.Kabellarning turlari va xususiyatlari
AMALIY MASHG‘ULOT-3
Avtomatik liniyalar, sinflarga bo‘linishi va ularni loyihalash.
Hozirgi zamon mashinasozligida turli yarim avtomatik va avtomatik dastgohlar keng qo'llaniladi. Mashinasozlikda avtomatlashtirish darajasini yanada rivojlantirish bosqichi—bu metall kesuvchi dastgohlardan avtomatik liniyalar va ular asosida avtomatik sex va korxonalar yaratishdir.
Avtomatlashtirilgan liniya—bu texnologik uskunalar majmuasi bo'lib, ular ishlov berish texnologik jarayoni ketma-ketligida o'rnatilgan va mexanizatsiyalashgan transport vositalari hamda yuklash qurilmalari bilan jihozlanagan va ularning barchasiga operatorlar xizmat ko'rsatadilar.
Avtomatik liniya (AL) deb texnologik uskunalarning shunday majmuasiga aytiladiki, bunda ular ishlov berish texnologik jarayonining ma'lum ketma-ketlikda o'rnatilgan va avtomatik transportyorlar bilan bog’langan hamda avtomatik yuklash-bo'shatish qurilmalari va bir umumiy boshqarish sistemasi yoki bir necha o'zaro bog’langan boshqarish sistemalari bilan jihozlangandir.
Atomatik liniyalar sistemasi—bu avtomatik liniyalar majmuasi bo'lib, ular ishlov berish texnologik jarayonining ma'lum ketma-ketlikda o'rnatilgan, jarayonning avtomatik transport qurilmalari bilan biriktirilgan va o'zaro bog’langan boshqarish sistemalari bilan jihozlangandir.
Avtomatik liniyalarning afzalliklari: ish sharoiti yengillashadi va ish unumdorligi keskin ortadi, ishlab chiqarish maydonlariga va yordamchi transport vositalariga ehtiyoj kamayadi, ishlab chiqarish siklining vaqti qisqaradi, ishlab chiqarishning tugallanmagan hajmi kamayadi, ishda ishlab chiqarishning qat'iy ritmi ta'minlanadi.
Avtomatik liniyalarning kamchiliklari: liniyalarni boshqa detalga yoki boshqa texnologik jarayonga qayta sozlash uchun ko'p mehnat talab qilinishi; biror dastgoh yoki boshqa tur uskunaning nobopligi tufayli liniya tarkibidagi dastgohlardan foydalanish koeffitsiyentining pasayib ketishi; avtomatik liniyalarga xizmat ko'rsatuvchi sozlovchilar yuqori kvalifikatsiyaga ega bo'lishlarining zarurligi; zagotovkalarga ularning o'lchamlari muayyan va materialining bir turda bo'lishi bo'yicha nisbatan yuqori talablar qo'yilishi va boshqalar.
|
| |