 Belgili muddat xizmat qilgani uchun ustamani avtomatik hisoblash amalga  oshirilgan

125 
hisobini yuritish va ularga amortizatsiya hisoblash imkonini beradi. Bir oy davomida 
hisoblangan amortizatsiyalar summalarini bir necha schyotlar yoki tahliliy hisob 
ob’ektlari o’rtasida taqsimlash mumkin. “AV inventarizatsiyasi” hujjati asosida esa 
“Inventarizatsiya ro’yxati” va “AV inventarizatsiyasi natijalarining solishtirma 
qaydnomasi” hisobotlari shakllanadi. Asosiy vositalarni qabul qilish-topshirish, 
asosiy vositalarni tugatish aktlari va boshqalarning shakllanishi imkoniyati mavjud. 
TMZ hisobi. Savdo. “TMZ hisobi” bo’limi materiallar hisobini moddiy 
javobgar shaxslar bo’yicha va saqlanish joylari bo’yicha yuritish, zaruriy barcha 
birlamchi hujjatlarni (kirim orderlari, yukxatlar, hisobdan chiqarish aktlari, material 
hisobotlar va inventarizatsiya aktlari) shakllantirish imkoniyatini beradi. SHuningdek, 
materiallarni hisobdan chiqarishning ikki usuli - FIFO va AVECO ham ko’zda 
tutilgan. 
“Savdo” bo’limidan foydalanish ulgurji va chakana savdo hisobini 
avtomatlashtirishga imkon yaratadi. Ushbu modul yordamida omborlar va 
do’konlarda tovarlarning mavjudligini hisobga olish, mijozlar va ta’minotchilar 
bazasini yuritish, tovarlar kirimi va chiqimini rasmiylashtirish, zarur barcha birlamchi 
hujjatlarni (yukxatlar, schyot-fakturalar, tovar hisobotlari, inventarizatsiya aktlari va 
boshqalar) shakllantirish, kontragentlar bilan o’zaro hisob-kitoblar holatini kuzatib 
borish mumkin. 
Ishlab chiqarish. “Ishlab chiqarish” bo’limi korxonaning moddiy resurslari 
hisobini va tayyor mahsulotlar ishlab chiqarishni hujjatli rasmiylashtirishni 
avtomatlashtirishga mo’ljallangan. Bo’lim moddiy resurslar bilan bog’liq tayyor 
mahsulotlarning kelib tushishi, hisobdan chiqarilishi va tannarxini hisoblashni, 
xaridorlarga berish va boshqa shu kabi operatsiyalarni avtomatlashtirish imkonini 
beradi. 
Xizmatlar ko’rsatish. “Xizmatlar ko’rsatish” bo’limi xizmat ko’rsatish 
shartnomalari hisobini yuritish va ular asosida bajarilgan ishlar aktlarini avtomatik 
shakllantirish, shuningdek, chet korxonalar xizmatlari hisobini yuritish imkonini 
beradi. 
Ish haqini hisoblash. “Ish haqini hisoblash” bo’limi mehnatga haq to’lash 
bo’yicha ishchilar bilan hisob-kitoblar hisobini avtomatlashtirish imkonini beradi. 
Daromad solig’i setkalarini avtomatik shakllantirish, qo’shimcha to’lov va 
chegirmalar ma’lumotnomalarini yuritish, ish haqi, shuningdek, mehnatga haq to’lash 
fondidan soliqlar va ajratmalarni (daromad, pensiya, korxonalardan YAIT, JBPT, 
kasaba uyushmalari badallari) avtomatik hisoblash ko’zda tutilgan. Tashkilotda 
foydalaniladigan hisoblashning har xil turlarini kiritish imkoniyati mavjud. 
SHuningdek, ushbu bo’limda xodimlarning plastik kartochkalariga pul o’tkazish ham 
ko’zda tutilgan. Bo’lim 10 dan ortiq hisobotlarni (hisob-kitob varag’i, hisob-to’lov 
qaydnomasi, xodimlarning daromadlari haqidagi ma’lumotlar va boshqalar) o’z 
ichiga olgan bo’lib, ularni ko’rib chiqish va qog’ozga chiqarish mumkin. 
Reglament. Bo’lim oyning yakunlovchi operatsiyalari – valyutalarni qayta 
baholash, moliyaviy natijalarni aniqlash, soliqlar hisob-kitobi, kurslar va summalar 
farqlari hisob-kitobi va boshqalarni yuritish imkoniyatini beradi. 
Standart hisobotlar. Ushbu bo’limda tahliliy xarakterdagi barcha standart 
hisobotlar (schyotlar qoldiqlari, oborotlari bo’yicha va ajratmalar bo’yicha alohida-

126 
alohida) amalga oshirilgan. Hisobotlarni sozlashning juda ko’p variantlari amalga 
oshirilgan. 
SHuningdek, dasturda quyidagi shartnomalarni shakllantirish ko’zda tutilgan: 
Avtotransport ijarasi shartnomasi; 
Beg’araz foydalanish shartnomasi; 
Hadya shartnomasi; 
Oldi-sotdi shartnomasi; 
Xizmatlar ko’rsatish shartnomasi; 
Qarz to’g’risidagi shartnoma; 
Garov to’g’risidagi shartnoma; 
Pudrat shartnomasi; 
Prokat shartnomasi. 
Reglament hisobotlari – soliq idoralariga taqdim etishga mo’ljallangan soliq va 
buxgalteriya hisobotlari, shuningdek, turli jamg’armalarga taqdim etishga 
mo’ljallangan hisobotlar. Hisobotni shablon ko’rinishida va to’ldirilgan hisobot 
(to’ldirish dasturga kiritilgan ma’lumotlar asosida amalga oshiriladi) ko’rinishida 
shakllantirish imkoniyati mavjud.
«BEM - Buxgalterga Elektron Madad» - bu har qanday turdagi tijoriy faoliyat 
bilan shug’ullanuvchi tashkilotlarda buxgalteriya hisobini yuritish uchun tayyor 
echimdir. Ushbu dasturiy mahsulot buxgalteriya hisobi masalalarini echishga yordam 
beradi. Ammo uning imkoniyatlari bu bilan cheklanmaydi: ma’lumotlarni qayta 
ishlash va saqlashni o’z ichiga oladigan har qanday masalalar ham BEM ilovalarining 
asosiy tarkibiy qismi vositalari yordamida bajarilishi mumkin. BEM mahsulotining 
asosiy tarkibiy qismlari chet yaratuvchilar tomonidan qo’shimcha funktsional kiritish 
va uni quvvatlashni amalga oshirishga imkon beradi. 
Turli hisoblar (shu jumladan, buxgalteriya hisobi) masalalarini echish sohasida 
o’tkazilgan tahlillar natijasida dasturiy ta’minotni yaratish jarayonida biznes-
ob’ektlar tavsiflari, ularning aloqalari va o’zaro bog’liqligi tizimi yaratildi. 
Umum qabul qilingan jahon tajribasiga tayanib, BEM mahsulotining 
boshlang’ich kodlarini taqdim etish orqali ishlanmalarning oddiyligi va 
kengayuvchanligiga osongina ishonch hosil qilish mumkin. Agar dastur yaratish 
jarayonida, unda yangi imkoniyatlar qo’shishingiz va ularni BEM dasturiy mahsuloti 
bazasida tarqatishingiz mumkin. 
Umumiy xulosa sifatida BEM mahsulotlaridan foydalanish jarayonlari 
bo’yicha xududlarda buxgalterlar uchun malaka oshirish kurslarini tashkil etish va 
ushbu dastur imkoniyatlaridan foydalanishni yo’lga qo’yish buxgalterlar ishini 
tezlashishi va ish sifatini oshirilishiga olib keladi. 

Download 2,86 Mb.