Şəkil 1.5 diskret siqnallar ardıcıllığı Şəkil 1.6

Son vaxtlarda impuls və rəqəm texnikasının sürətli inkişafı ilə əlaqədar olaraq diskret siqnallardan geniş istifadə olunur. Diskret siqnalların analoq siqnallardan üstün cəhətlərindən biri ondan ibarətdir ki, belə siqnalı bütün zaman anlarında kəsilməz olaraq hasil etməyə ehtiyac yoxdur. Bu isə, öz növbəsində, eyni bir ötürücü xətlə çox miqdarda informasiya verməyə, yəni çoxkanallı rabitə yaratmağa imkan verir.

Diskret siqnalın sadə riyazi modeli s(t)- hər birində siqnalın S_i - qiymətləri (i= 1,2,3…) müəyyən olan zaman oxunda götürülmüş ayrı-ayrı nöqtələr çoxluğundan ibarətdir (şəkil 1.6).

Diskret siqnalların bir növü də r ə q ə m s i q n a l l a r ı d ı r. Bu siqnallar amplitudları ancaq müəyyən qiymətlər ala bilən impulslar ardıcıllığından ibarətdir. Rəqəm siqnallarının xarakterik cəhəti odur ki, informasiya rəqəm şəklində verilir. Bir sıra texniki mülahizələrə görə istənilən informasiya elektron hesablama maşınlarında 0 və 1 rəqəmlərinin ardıcıllığı ilə kodlaşdırılır.