“Barakali million” reklama aksiyasini o‘tkazish va unda ishtirok etish shartlari

 
 
“Barakali million” reklama aksiyasini o‘tkazish va unda ishtirok etish 
shartlari 
 
1. Ushbu shartlar “Barakali million” reklama aksiyasi (keyingi o‘rinlarda - Aksiya)ni o‘tkazish 
va unda ishtirok etish tartibini belgilaydi. 
2. Aksiyaning amal qilishi davri – 2023-yil 7-dekabrdan 2024-yil 5-yanvarga qadar. 
3. Aksiyada “O‘zMobayl” filialining GSM standartidagi mobil aloqa xizmatlaridan 
foydalanuvchi, 18 yoshga to‘lgan, O‘zbekiston Respublikasi fuqarosi boʻlgan abonentlar - 
jismoniy shaxslar ishtirok etishi mumkin. 
4. Quyidagilar Aksiyada ishtirok etishiga yoʻl qoʻyilmaydi: 
- Aksiya oʻtkazilishi davrida “O‘zbektelekom” AK bilan mehnat munosabatlarida boʻlgan 
jismoniy shaxslar, shuningdek, ularning yaqin qarindoshlari;
- yuridik shaxslar. 
5. Sovrinli jamgʻarma: 
Sovrinli jamgʻarma (pullik sovrin) 
Sovrin, soʻm 
Davr 
Miqdori, dona 
Jami, soʻm 
10 000 000 
Har kunlik sovrin 
30 
300 000 000 
 
Jami: 
300 000 000 
6. Aksiyada shaxsiy hisobidagi balansini 10 000 so‘m va undan ortiq bo‘lgan summaga 
to‘ldirgan abonentlar ishtirok etishi mumkin. 
7. Shaxsiy hisobning har bir to‘ldirlishi uchun (10 000 so'mga karrali summa uchun) abonentga 
noyob ID-kod beriladi (har bir ID-kod = 10 000 s‘om = sovrin olish uchun bitta imkoniyat). 
8. Balans bir marotaba, masalan, 35 000 so‘m miqdorida to‘ldirilganda, abonentga 3 ta ID-kod 
beriladi (bitta toʻlov = ID kodlar soni har bir toʻliq 10 000 soʻm toʻlovga teng). 
9. Sovrin har kuni o‘ynaladi, abonent to‘ldirgan kuni tayinlangan ID-lar ertasi kuni o'ynaladi. 
10. Hisob to‘ldirilganda, abonentga ID-kodlar soni ko‘rsatilgan SMS-xabar yuboriladi (bitta ID-
kod = sovrin olish uchun bitta imkoniyat): 
Shaxsiy hisobning har bir to‘ldirlishi abonentning sovrin yutib olish imkoniyatini 
oshiradi.
Agar abonent Aksiya davrida o‘z hisobini bir necha marta to‘ldirsa, uning raqami mos 
ravishda bir necha marta sovrin olish imkoniyatiga ega bo‘ladi. 
Aksiya haqida ma’lumot olish buyrug‘i - *500*4#. 

Abonentning shaxsiy hisobi to‘ldirilishi vaqtida abonent TP bo‘yicha abonent to‘lovini va 
raqam uchun ijara to‘lovi/muddatli to‘lovni amalga oshirgan bo‘lishi lozim. Raqam faol holatda 
bo‘lishi kerak. 
11. ID-kod 00000001 dan 99 999 999 gacha bo‘lgan 8 xonali raqam formatida beriladi (tartib 
bo‘yicha beriladi). 
12. Aksiyada “M2M”, “Xizmat” seriyali va UZTELECOMning boshqa telekommunikatsiya 
xizmatlari doirasida yagona tarif rejasiga kiritilgan konvergent tarif rejalarini o‘z ichiga olgan 
tarif rejalaridan tashqari amaldagi va arhivdagi tarif rejalariga ulangan abonentlar, jismoniy 
shahslar ishtirok etadilar.
13. Aksiya o‘tkazilishi va unda ishtirok etish shartlari haqida tegishli ma’lumotlar 
Kompaniyaning www.uztelecom.uz rasmiy veb-saytida joylashtiriladi hamda boshqa aloqa 
vositalari orqali e’lon qilinadi. 
14. “O‘zbektelekom” aksiyadorlik kompaniyasi Aksiya shartlariga o‘zgartirish kiritish huquqiga 
ega va ushbu haqda tegishli ma’lumotlar Kompaniyaning www.uztelecom.uz rasmiy veb-saytida 
joylashtiriladi hamda boshqa aloqa vositalari orqali ma’lum qilinadi. Ishtirokchilar Aksiya 
shartlariga tegishli o‘zgartirishlar kiritilganligini Kompaniyaning mazkur rasmiy veb-sayti orqali 
mustaqil ravishda tekshirib turishlari mumkin.